റെയിൽവേ ജോലി വാഗ്ദാനം ചെയ്ത്​ തട്ടിപ്പ്​; വ​േ​യാധികൻ അറസ്റ്റിൽ

ആ​ല​പ്പു​ഴ: റെ​യി​ൽ​വേ​​യി​ൽ ജോ​ലി വാ​ഗ്ദാ​നം ചെ​യ്ത്​ യു​വാ​വി​ൽ​നി​ന്ന്​ അ​ഞ്ചു​ല​ക്ഷം രൂ​പ ക​വ​ർ​ന്ന കേസിൽ വയോധികൻ അ​റ​സ്റ്റി​ൽ. ആ​ല​പ്പു​ഴ കു​തി​ര​പ്പ​ന്തി സാ​യി​കൃ​പ ​കെ.​കെ. പൊ​ന്ന​പ്പ​നെ​യാ​ണ്​ (79) ആ​ല​പ്പു​ഴ സൗ​ത്ത്​ പൊ​ലീ​സ്​ പി​ടി​കൂ​ടി​യ​ത്.

സ​മീ​പ​വാ​സി​യാ​യ വീ​ട്ട​മ്മ റ​സീ​ന​യു​ടെ പ​രാ​തി​യി​ലാ​ണ്​ ന​ട​പ​ടി. ഇ​വ​രു​ടെ മ​ക​ന്​ റെ​യി​ൽ​വേ​യി​ൽ ​ജോ​ലി വാ​ഗ്ദാ​നം ചെ​യ്ത്​ ര​ണ്ടു​ത​വ​ണ​യാ​യാ​ണ്​ അ​ഞ്ചു​ല​ക്ഷം വാ​ങ്ങി​യ​ത്. ​15 ദി​വ​സ​ത്തി​ന​കം ജോ​ലി കി​ട്ടു​മെ​ന്ന്​ പ​റ​ഞ്ഞ്​ വി​ശ്വ​സി​പ്പി​ച്ചാ​യി​രു​ന്നു ത​ട്ടി​പ്പ്. ജോ​ലി കി​ട്ടാ​താ​യ​തോ​ടെ പ​ണം തി​രി​കെ ചോ​ദി​ച്ച​പ്പോ​ൾ ഭീ​ഷ​ണി​പ്പെ​ടു​ത്തി. പൊ​ലീ​സി​ൽ പ​രാ​തി ന​ൽ​കി​യ​തോ​ടെ​യാ​ണ്​ ത​ട്ടി​പ്പി​ന്‍റെ ചു​രു​ള​ഴി​ഞ്ഞ​ത്. നേ​ര​ത്തേ​യും സ​മാ​ന​രീ​തി​യി​ൽ ഇ​യാ​ൾ ത​ട്ടി​പ്പ് ന​ട​ത്തി​യ​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി.

കേ​ന്ദ്ര​സ​ർ​ക്കാ​ർ ജോ​ലി വാ​ഗ്ദാ​നം ചെ​യ്ത്​ 40 ല​ക്ഷം രൂ​പ ത​ട്ടി​പ്പ് ന​ട​ത്തി​യ കേ​സി​ൽ ഇ​യാ​ൾ​ക്കെ​തി​രെ പ​രാ​തി​യു​ണ്ടാ​യി​രു​ന്നു. അ​ന്ന്​ പ​രാ​തി​ക്കാ​ര​ൻ നേ​രി​ട്ട്​ പ​ണം ന​ൽ​കി​യ​തി​നാ​ൽ തെ​ളി​വി​ല്ലാ​യി​രു​ന്നു. വീ​ട്ട​മ്മ മൂ​ന്നു​​ല​ക്ഷം രൂ​പ ബാ​ങ്ക് അ​ക്കൗ​ണ്ട്​ വ​ഴി ന​ൽ​കി​യ​ത് തെ​ളി​വാ​ക്കി​യാ​ണ്​ ​​കേ​സെ​ടു​ത്ത​ത്.

ക​ഴി​ഞ്ഞ​ദി​വ​സം സ്​​റ്റേ​ഷ​നി​ൽ വി​ളി​ച്ചു​വ​രു​ത്തി​​യ​തി​ന്​ പി​ന്നാ​ലെ പ​ണം മു​ഴു​വ​നും ന​ൽ​കാ​മെ​ന്ന്​ ഉ​റ​പ്പു​ന​ൽ​കി​യി​രു​ന്നു. ഇ​ത്​ ലം​ഘി​ച്ച​തോ​ടെ വീ​ണ്ടും പ​രാ​തി​ക്കാ​രി പൊ​ലീ​സി​നെ സ​മീ​പി​ച്ച​തോ​ടെ​യാ​ണ്​ ന​ട​പ​ടി. അ​റ​സ്റ്റ്​ ചെ​യ്യാ​ൻ വീ​ട്ടി​ലെ​ത്തി​യ പൊ​ലീ​സി​ന്​ മു​ന്നി​ൽ രോ​ഗം അ​ഭി​ന​യി​ച്ച്​ ര​ക്ഷ​പ്പെ​ടാ​നും ശ്ര​മി​ച്ചു. ഹൃ​ദ​യ​സ്തം​ഭ​ന​മാ​ണെ​ന്ന്​ പ​റ​ഞ്ഞാ​യി​രു​ന്നു ഇ​ത്. തു​ട​ർ​ന്ന് ജ​ന​റ​ൽ ആ​ശു​പ​ത്രി​യി​ലും മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. പ​രി​ശോ​ധ​ന​യി​ൽ ഹൃ​ദ​യ​സ്തം​ഭ​ന​മു​ണ്ടാ​യി​ട്ടി​ല്ലെ​ന്ന് ഡോ​ക്ട​ർ​മാ​ർ സ്ഥി​രീ​ക​രി​ച്ചു.