കിളിമാനൂർ: തിരുവനന്തപുരം കിളിമാനൂരിൽ വനിതാ ഡോക്ടറെ വഴിയിൽ തടഞ്ഞുനിർത്തി അപമാനിക്കാൻ ശ്രമിക്കുകയും ആക്രമിക്കുകയും ചെയ്ത മധ്യവയസ്കൻ അറസ്റ്റിൽ. ചാരുപാറ തയ്യിങ്കളി കുന്നിൽ വീട്ടിൽ മനോഹരൻ എന്ന് വിളിക്കുന്ന ശശികുമാർ (57) ആണ് പിടിയിലായത്. ബുധൻ രാവിലെ 8.10നായിരുന്നു സംഭവം.
എം.സി റോഡിൽ സിവിൽസ്റ്റേഷനു സമീപം ബസിൽ നിന്നിറങ്ങി നടന്നു വരികയായിരുന്നു വനിതാ ഡോക്ടർ. എതിരെ വന്ന പ്രതി കയ്യിൽ കടന്നു പിടിച്ച് അപമാനിക്കാൻ ശ്രമിച്ചു. യുവതി കയ്യിൽ കരുതിയിരുന്ന കുട ഉപയോഗിച്ച് പ്രതിരോധിച്ചതോടെ പ്രതി ആക്രമിക്കുകയുമായിരുന്നു. യുവതി ബഹളം വച്ചതിനെ തുടർന്ന് പ്രതി ഓടി രക്ഷപ്പെട്ടു.
നാട്ടുകാർ വിവരം നൽകിയതിനെ തുടർന്ന് കിളിമാനൂർ പൊലീസ് സ്ഥലത്തെത്തി തിരച്ചിൽ നടത്തി പ്രതിയെ പിടികൂടി. കോടതിയിൽ ഹാജരാക്കിയ പ്രതിയെ റിമാൻറ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.