റേ​റ്റി​ങ്​ ‘സി’​യി​ലേ​ക്ക്​ താഴ്ത്തിയത്​ കേരള ബാങ്കിനെ ബാധിക്കില്ലെന്ന്​ മാ​നേജ്​മെന്‍റ്

തി​രു​വ​ന​ന്ത​പു​രം: കേ​ര​ള​ബാ​ങ്കി​ന്‍റെ റേ​റ്റി​ങ്​ റി​സ​ർ​വ്​ ബാ​ങ്ക്​ ‘ബി’​യി​ൽ​നി​ന്ന്​ ‘സി’​യി​ലേ​ക്ക്​ മാ​റ്റി​യ​ത്​ സ്ഥാ​പ​ന​ത്തി​ന്‍റെ പ്ര​വ​ർ​ത്ത​ന​ത്തെ ബാ​ധി​ക്കി​ല്ലെ​ന്ന്​ പ്ര​സി​ഡ​ന്‍റ്​ ഗോ​പി കോ​ട്ട​മു​റി​യ്ക്ക​ൽ, സി.​ഇ.​ഒ ജോ​ർ​ട്ടി എം. ​ചാ​ക്കോ എ​ന്നി​വ​ർ അ​റി​യി​ച്ചു. സ​ഹ​ക​ര​ണ ബാ​ങ്കു​ക​ളു​ടെ സൂ​പ്പ​ർ​വൈ​സ​ർ എ​ന്ന​നി​ല​യി​ൽ ന​ബാ​ർ​ഡ് എ​ല്ലാ വ​ർ​ഷ​വും കേ​ര​ള ബാ​ങ്കി​ൽ പ​രി​ശോ​ധ​ന ന​ട​ത്താ​റു​ണ്ട്. സാ​ധാ​ര​ണ ന​ട​പ​ടി​ക്ര​മം മാ​ത്ര​മാ​ണി​ത്.

2022-23 സാ​മ്പ​ത്തി​ക വ​ർ​ഷ​ത്തെ പ​രി​ശോ​ധ​ന​യെ​തു​ട​ർ​ന്ന് ന​ട​ത്തി​യ റേ​റ്റി​ങ്ങി​ലാ​ണ് റേ​റ്റി​ങ്​ ‘ബി’-​യി​ൽ​നി​ന്ന്​ ‘സി’ ​ആ​ക്കി മാ​റ്റി​യ​ത്. ഇ​തി​ലൂ​ടെ ബാ​ങ്ക് അ​നു​വ​ദി​ക്കു​ന്ന വ്യ​ക്തി​ഗ​ത വാ​യ്പ​ക​ൾ, മോ​ർ​ട്ട്ഗേ​ജ് വാ​യ്പ​ക​ൾ എ​ന്നി​വ​യു​ടെ പ​ര​മാ​വ​ധി പ​രി​ധി 40 ല​ക്ഷം രൂ​പ​യി​ൽ​നി​ന്ന്​ 25 ല​ക്ഷം രൂ​പ​യാ​യി കു​റ​യു​ക മാ​ത്ര​മാ​ണ് ചെ​യ്ത​ത്.

ബാ​ങ്ക്​ 48,000 കോ​ടി രൂ​പ​യു​ടെ വാ​യ്പ​യു​ണ്ട്. ഇ​തി​ൽ ഏ​ക​ദേ​ശം മൂ​ന്നു​ ശ​ത​മാ​നം വാ​യ്പ​ക​ൾ മാ​ത്ര​മാ​ണ് വ്യ​ക്തി​ഗ​ത വാ​യ്പ​ക​ൾ, മോ​ർ​ട്ട്ഗേ​ജ് വാ​യ്പ​ക​ൾ എ​ന്നി​വ. അ​തി​നാ​ൽ ബാ​ങ്കി​ന്റെ നി​ക്ഷേ​പ​ത്തെ​യോ, പ്ര​ധാ​ന വാ​യ്പ​ക​ളാ​യ കാ​ർ​ഷി​ക വാ​യ്പ, അം​ഗ സം​ഘ​ങ്ങ​ൾ​ക്കു​ള്ള വാ​യ്പ, ചെ​റു​കി​ട സം​രം​ഭ വാ​യ്പ, ഭ​വ​ന വാ​യ്പ എ​ന്നി​വ​യെ ​ബാ​ധി​ക്കി​ല്ലെന്നും വാ​ർ​ത്ത​ക്കു​റി​പ്പി​ൽ അ​റി​യി​ച്ചു.