ചാലക്കുടി: പൊലീസ് ജീപ്പ് തല്ലിതകര്‍ത്ത കേസിൽ ഡി.വൈ.എഫ്.ഐ നേതാവ് നിധിന്‍ പുല്ലന് ജാമ്യം. സെഷന്‍സ് കോടതി കഴിഞ്ഞ ദിവസം ജാമ്യം അനുവദിച്ചതിനെ തുടർന്നാണ്‌ റിമാൻഡിലായിരുന്ന ഡി.വൈ.എഫ്.ഐ ബ്ലോക്ക് പ്രസിഡന്റ് നിധിന്‍ പുല്ലൻ പുറത്തിറങ്ങിയത്.
ഈ കേസിൽ നിധിൻ ഒഴികെയുള്ള പ്രതികൾക്ക് ജാമ്യം അനുവദിച്ചിരുന്നു. ചാലക്കുടി സര്‍ക്കാര്‍ ഐ.ടി.ഐയിലെ തെരഞ്ഞെടുപ്പുമായി ബന്ധപ്പെട്ട വിഷയങ്ങളാണ് പൊലീസ് ജീപ്പ് തല്ലി തകർക്കലിലേക്ക് എത്തിയത്.
കഴിഞ്ഞ ഡിസംബര്‍ 22 നായിരുന്നു സംഭവം. പിറ്റേ ദിവസമാണ് നിധിന്‍ ഉൾപ്പെടെ അഞ്ചു പേര്‍ ഈ കേസില്‍ അറസ്റ്റിലായത്. തുടര്‍ന്ന് ആറു പേര്‍ കൂടി അറസ്റ്റിലായി. ഇവര്‍ക്കെല്ലാം പലഘട്ടങ്ങളിലായാണ് ജാമ്യം കിട്ടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.