സി.ടി സ്കാൻ ഇല്ല; കോഴിക്കോട് മെഡി. കോളജ് സൂപ്പർ സ്പെഷാലിറ്റി; അത്യാഹിത വിഭാഗത്തിൽ ചികിത്സ വൈകുന്നു

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജി​ലെ പി.​എം.​എ​സ്.​എ​സ്.​വൈ സൂ​പ്പ​ർ സ്പെ​ഷാ​ലി​റ്റി അ​ത്യാ​ഹി​ത വി​ഭാ​ഗം പ്ര​വ​ർ​ത്തി​ക്കു​ന്ന​ത് അ​ത്യാ​വ​ശ്യം വേ​ണ്ട സി.​ടി സ്കാ​ൻ ഇ​ല്ലാ​തെ. പി.​എം.​എ​സ്.​എ​സ്.​വൈ ബ്ലോ​ക്കി​ൽ കാ​ഷ്വാ​ലി​റ്റി ഉ​ദ്ഘാ​ട​നം ക​ഴി​ഞ്ഞ് നാ​ലു​മാ​സം ക​ഴി​ഞ്ഞി​ട്ടും സി.​ടി സ്കാ​ൻ എ​ന്ന ബോ​ർ​ഡ് വെ​ച്ച ഒ​രു മു​റി മാ​ത്ര​മാ​ണു​ള്ള​ത്. അ​പ​ക​ട​ത്തി​ൽ​പെ​ട്ട് ഗു​രു​ത​ര പ​രി​ക്കേ​റ്റ് ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ​ക്ക് സി.​ടി സ്കാ​ൻ എ​ടു​ക്ക​ണ​മെ​ങ്കി​ൽ പ​ഴ​യ കാ​ഷ്വാ​ലി​റ്റി ബ്ലോ​ക്കി​ൽ​ത​ന്നെ എ​ത്ത​ണം. ഇ​ത് ഗു​രു​ത​ര പ​രി​ക്കേ​റ്റ് അ​ടി​യ​ന്ത​ര ശ​സ്ത്ര​ക്രി​യ ആ​വ​ശ്യ​മു​ള്ള​വ​ർ​ക്കു​വ​രെ ചി​കി​ത്സ വൈ​കാ​ൻ ഇ​ട​യാ​ക്കു​ന്നു.

നി​ല​വി​ൽ അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന​വ​രെ ഏ​ക​ദേ​ശം 300 മീ. ​അ​ക​ലെ മെ​ഡി​ക്ക​ൽ കോ​ള​ജ് ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ചാ​ണ് സി.​ടി സ്കാ​ൻ എ​ടു​ക്കു​ന്ന​ത്. ലി​ഫ്റ്റി​ൽ ര​ണ്ടാം നി​ല​യി​ൽ ക​യ​റി ആ​കാ​ശ​പാ​ത വ​ഴി ജ​ന​റ​ൽ ആ​ശു​പ​ത്രി​ലെ​ത്തി​ച്ച് സി.​ടി സ്കാ​ൻ എ​ടു​ത്ത് തി​രി​കെ​യെ​ത്തി​ക്കു​മ്പോ​ഴേ​ക്കും രോ​ഗി​ക്ക് ചി​കി​ത്സ ല​ഭി​ക്കാ​ൻ മ​ണി​ക്കൂ​റു​ക​ൾ വൈ​കും. ഇ​ത്ര​യും ദൂ​രം ട്രോ​ളി​യി​ൽ കൊ​ണ്ടു​പോ​കു​ന്ന​തി​നാ​ൽ രോ​ഗി​ക്കും കൂ​ട്ടി​രി​പ്പു​കാ​ർ​ക്കു​മു​ണ്ടാ​കു​ന്ന ദു​രി​തം വേ​റെ​യും. ഇ​തി​നാ​ൽ അ​ൽ​പം സാ​മ്പ​ത്തി​ക ശേ​ഷി​യു​ള്ള​വ​ർ സ്വ​കാ​ര്യ ആ​ശു​പ​ത്രി​ക​ളി​ൽ അ​ഭ​യം തേ​ടു​ക​യാ​ണ്. സ്വ​കാ​ര്യ ആ​ശു​പ​ത്രി​ക​ളി​ലെ ഫീ​സ് താ​ങ്ങാ​ൻ ക​ഴി​യാ​ത്ത നി​ർ​ധ​ന​രാ​യ സാ​ധാ​ര​ണ​ക്കാ​ർ മാ​ത്ര​മാ​ണ് മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ൽ തു​ട​രു​ന്ന​ത്.

സി.​ടി സ്കാ​ൻ വൈ​കു​ന്ന​ത് അ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ​വ​രു​ടെ മ​ര​ണ​ത്തി​നു​വ​രെ കാ​ര​ണ​മാ​കു​മെ​ന്ന് ഡോ​ക്ട​ർ​മാ​ർ​ത​ന്നെ ചൂ​ണ്ടി​ക്കാ​ട്ടു​ന്നു. അ​ത്യാ​ഹി​ത വി​ഭാ​ഗം പി.​എം.​എ​സ്.​എ​സ്.​വൈ ബ്ലോ​ക്കി​ലേ​ക്ക് മാ​റ്റു​മ്പോ​ൾ സി.​ടി സ്കാ​ൻ സൗ​ക​ര്യം ഏ​ർ​പ്പെ​ടു​ത്താ​തെ ഉ​ദ്ഘാ​ട​നം ചെ​യ്യ​രു​തെ​ന്ന് ആ​ശു​പ​ത്രി അ​ധി​കൃ​ത​ർ ആ​വ​ശ്യ​പ്പെ​ട്ടി​രു​ന്നെ​ങ്കി​ലും ഫ​ല​മു​ണ്ടാ​യി​ല്ല. സൂ​പ്പ​ർ സ്പെ​ഷാ​ലി​റ്റി ബ്ലോ​ക്കി​ന്‍റെ നി​ർ​മാ​ണം ക​രാ​റെ​ടു​ത്ത എ​ച്ച്.​എ​ൻ.​എ​ൽ എ​ല്ലാ സൗ​ക​ര്യ​ങ്ങ​ളു​മൊ​രു​ക്കി കെ​ട്ടി​ടം കൈ​മാ​റു​മെ​ന്നാ​യി​രു​ന്നു വാ​ഗ്ദാ​ന​മെ​ങ്കി​ലും സി.​ടി സ്കാ​ൻ യ​ന്ത്ര​ങ്ങ​ൾ സ്ഥാ​പി​ക്കാ​തെ ബോ​ർ​ഡ് വെ​ച്ച് റൂം ​മാ​ത്ര​മാ​ണ് കൈ​മാ​റി​യ​ത്. ഇ​തോ​ടെ മെ​ഡി​ക്ക​ൽ കോ​ള​ജി​ന്‍റെ ഫ​ണ്ടി​ൽ​നി​ന്ന് പ​ണ​മെ​ടു​ത്ത് കെ.​എം.​സി.​എ​ൽ വ​ഴി സി.​ടി സ്കാ​ൻ സ്ഥാ​പി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ചി​രി​ക്കു​ക​യാ​ണ് അ​ധി​കൃ​ത​ർ. അ​ഞ്ച​ര​ക്കോ​ടി​യോ​ളം മെ​ഡി​ക്ക​ൽ കോ​ള​ജ് ഇ​തി​നാ​യി നീ​ക്കി​വെ​ച്ചി​ട്ടു​ണ്ട്. ഉ​ദ്ഘാ​ട​നം ചെ​യ്യു​ന്ന​തി​ന് ര​ണ്ടു​മാ​സം മു​മ്പു​ത​ന്നെ സി.​ടി സ്കാ​ൻ സ്ഥാ​പി​ക്കാ​നു​ള്ള പ്ര​പ്പോ​സ​ൽ ബ​ന്ധ​പ്പെ​ട്ട അ​ധി​കൃ​ത​ർ​ക്ക് കൈ​മാ​റു​ക​യും ചെ​യ്തി​രു​ന്നു.

ലാ​ബ് സ​ജ്ജീ​ക​രി​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണ്. സി.​ടി സ്കാ​ൻ ലാ​ബ് തു​റ​ക്ക​ണ​മെ​ങ്കി​ൽ ഇ​നി​യും മൂ​ന്നു​മാ​സ​മെ​ങ്കി​ലും കാ​ത്തി​രി​ക്കേ​ണ്ടി​വ​രു​മെ​ന്നാ​ണ് ആ​ശു​പ​ത്രി അ​ധി​കൃ​ത​രി​ൽ നി​ന്നു​ത​ന്നെ ല​ഭി​ക്കു​ന്ന വി​വ​രം. ലാ​ബ് സ​ജ്ജീ​ക​ര​ണം പൂ​ർ​ത്തി​യാ​ക്കി അ​നു​മ​തി ല​ഭി​ച്ച​തി​നു​ശേ​ഷം മാ​ത്ര​മേ പു​തി​യ അ​ത്യാ​ഹി​ത വി​ഭാ​ഗ​ത്തി​ൽ സി.​ടി സ്കാ​ൻ സൗ​ക​ര്യം ല​ഭ്യ​മാ​ക്കാ​ൻ സാ​ധി​ക്കു​ക​യു​ള്ളൂ.