കോഴിക്കോട്: വയനാട് ഉരുൾപൊട്ടലിന്റെ പാശ്ചാത്തലത്തിൽ ഓണാഘോഷം പാടില്ലെന്ന ഉത്തരവ് ലംഘിച്ചുവെന്ന് കാണിച്ച് കോഴിക്കോട് ജില്ല ആയുർവേദ മെഡിക്കൽ ഓഫിസർക്ക് നോട്ടീസ്. ജില്ല ആയുർവേദ ആശുപത്രിയിൽ വിവിധ കലാപരിപാടികളുമായി ഓണാഘോഷം നടത്തിയെന്ന് കണ്ടെത്തിയാണ് നടപടി.
സമൂഹമാധ്യമങ്ങളിൽ ആഘോഷത്തിന്റെ വിവരങ്ങൾ അപ് ലോഡ് ചെയ്തതായി നോട്ടീസിൽ പറയുന്നു. സർക്കാർ നിർദേശം ലംഘിച്ച് ഓണാഘോഷം നടത്തിയ സാഹചര്യവും പരിപാടിയിൽ പങ്കെടുത്ത ജീവനക്കാരുടെ പേരും തസ്തികയും ഉൾപ്പെടുത്തിയുള്ള ആശുപത്രി സൂപ്രണ്ടിന്റെ വിശദീകരണം ജില്ല മെഡിക്കൽ ഓഫിസറുടെ റിമാർക്സ് സഹിതം നൽകണമെന്നാവശ്യപ്പെട്ട് ഭാരതീയ ചികിത്സ വകുപ്പ് ഡയറക്ടറാണ് നോട്ടീസ് നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.