കോട്ടയം: ദേശീയതലത്തിൽ മോദിയല്ലാതെ ആരും അധികാരത്തിൽ വരില്ലെന്ന് കേരള ജനപക്ഷം ചെയർമാനും മുൻ എം.എൽ.എയുമായ പി.സി. ജോർജ് വാർത്തസമ്മേളനത്തിൽ പറഞ്ഞു. ലോക്സഭ തെരഞ്ഞെടുപ്പ് അടുക്കുമ്പോൾ ജനപക്ഷത്തിന്റെ നിലപാട് വ്യക്തമാക്കാം. കേരളത്തിൽ യു.ഡി.എഫിന് തന്നെയാണ് ഏറെ സാധ്യത.
പിണറായിയുടെ കുടുംബത്തിനായി തിരുവനന്തപുരം സെൻട്രൽ ജയിലിൽ പുതിയ അപ്പാർട്മെന്റ് പണിയേണ്ടിവരും. അത്തരത്തിലുള്ള കള്ളത്തരങ്ങളല്ലേ പുറത്തുവരുന്നത്. പിണറായി വിജയൻ രാജിവെച്ച് പോകേണ്ട സമയം കഴിഞ്ഞു. സഖാക്കൾ മോഷ്ടിച്ച സഹകരണ ബാങ്കുകൾക്ക് മാത്രമാണോ സംരക്ഷണം നൽകുന്നതെന്ന് സർക്കാർ വ്യക്തമാക്കണം. പ്രവർത്തകരോട് അൽപമെങ്കിലും സ്നേഹമുണ്ടെങ്കിൽ സി.പി.എം ബന്ധം അവസാനിപ്പിക്കുകയാണ് കേരള കോൺഗ്രസ് എം ചെയ്യേണ്ടതെന്നും പി.സി. ജോർജ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.