ഗൂഗിൾ മാപ്പ്​​​ ‘പണി’ കൊടുത്തു; കാട്ടിലകപ്പെട്ട തീർഥാടകന് രക്ഷകരായി കാഞ്ഞാർ പൊലീസ്​

കാ​ഞ്ഞാ​ർ: ഗൂ​ഗി​ൾ മാ​പ്പ്​​ നോ​ക്കി സ​ഞ്ച​രി​ച്ച് കാ​ട്ടി​ൽ കു​ടു​ങ്ങി​യ​യാ​ൾ​ക്ക്​ ര​ക്ഷ​ക​രാ​യ​ത്​ കാ​ഞ്ഞാ​ർ പൊ​ലീ​സ്. ദ​ക്ഷി​ണ ക​ന്ന​ട സ്വ​ദേ​ശി പ​ര​ശു​രാ​മ​ൻ ശ​ബ​രി​മ​ല പോ​യി​വ​രും​വ​ഴി​യാ​ണ് ത​മി​ഴ്നാ​ട് അ​തി​ർ​ത്തി പ്ര​ദേ​ശ​മാ​യ ദി​ണ്ടി​ക​ൽ കാ​ട്ടി​ൽ അ​ക​പ്പെ​ട്ട​ത്. ശാ​രീ​രി​ക വെ​ല്ലു​വി​ളി നേ​രി​ടു​ന്ന പ​ര​ശു​രാ​മ​ൻ മു​ച്ച​ക്ര വാ​ഹ​ന​ത്തി​ലാ​ണ് ഏ​ക​നാ​യി ശ​ബ​രി​മ​ല​ക്ക് വ​ന്ന​ത്.

ഇ​ടു​ങ്ങി​യ വ​ഴി​യി​ലെ ച​ളി​ക്കു​ണ്ടി​ൽ അ​ക​പ്പെ​ട്ട​തോ​ടെ മു​ന്നോ​ട്ട് പോ​കാ​നാ​കാ​തെ വ​ന്നു. പു​ല​ർ​ച്ച ഒ​രു​മ​ണി ക​ഴി​ഞ്ഞ​തോ​ടെ ചു​റ്റു​പാ​ടും ആ​രെ​യും സ​ഹാ​യ​ത്തി​ന് കി​ട്ടി​യി​ല്ല. കേ​ര​ള അ​തി​ർ​ത്തി​യെ​ന്ന് തെ​റ്റി​ദ്ധ​രി​ച്ച പ​ര​ശു​രാ​മ​ൻ ഗൂ​ഗി​ളി​ൽ കേ​ര​ള പൊ​ലീ​സി​നെ തി​ര​ഞ്ഞു. ആ​ദ്യം ക​ണ്ട​ത് കാ​ഞ്ഞാ​ർ പൊ​ലീ​സ് സ്റ്റേ​ഷ​ൻ ന​മ്പ​ർ. കാ​ൾ എ​ടു​ത്ത​ത് സ്റ്റേ​ഷ​നി​ൽ രാ​ത്രി ഡ്യൂ​ട്ടി​യി​ലു​ണ്ടാ​യി​രു​ന്ന ഹ​രീ​ഷാ​ണ്. ക​ന്ന​ട ഭാ​ഷ അ​റി​യാ​ത്ത ഹ​രീ​ഷ് ഹി​ന്ദി​യി​ൽ പ​ര​ശു​രാ​മ​നു​മാ​യി സം​സാ​രി​ച്ചു. പ​ര​ശു​രാ​മ​ന്‍റെ ലൊ​ക്കേ​ഷ​ൻ ല​ഭി​ച്ച​തോ​ടെ പ​രി​ധി ത​മി​ഴ്നാ​ടെ​ന്ന് മ​ന​സ്സി​ലാ​ക്കി. പ​ര​ശു​രാ​മ​ൻ കു​ടു​ങ്ങി​ക്കി​ട​ക്കു​ന്ന സ്ഥ​ല​ത്തി​ന് അ​ടു​ത്തു​ള്ള ദി​ണ്ടി​ക​ൽ സ്റ്റേ​ഷ​നി​ലെ ന​മ്പ​ർ എ​ടു​ത്ത് ന​ൽ​കി.

പ​ര​ശു​രാ​മ​ൻ ദി​ണ്ടി​ക​ൽ സ്റ്റേ​ഷ​നി​ൽ വി​ളി​ച്ചെ​ങ്കി​ലും അ​നു​കൂ​ല ന​ട​പ​ടി ഉ​ണ്ടാ​യി​ല്ല. ത​മി​ഴ് അ​റി​യാ​ത്ത​തും ബു​ദ്ധി​മു​ട്ടാ​യി. വീ​ണ്ടും കാ​ഞ്ഞാ​ർ സ്റ്റേ​ഷ​നി​ലേ​ക്ക് പ​ര​ശു​രാ​മ​ൻ വി​ളി​ച്ചു. ഹ​രീ​ഷ്​ കു​മ​ളി​യി​ൽ താ​മ​സി​ക്കു​ന്ന ത​മി​ഴ് അ​റി​യാ​വു​ന്ന പൊ​ലീ​സു​കാ​ര​ൻ മ​ഹേ​ഷി​നെ വി​ളി​ച്ചു. ഇ​രു​വ​രും ദി​ണ്ടി​ക​ൽ സ്റ്റേ​ഷ​നി​ലെ ഉ​ദ്യോ​ഗ​സ്ഥ​നെ കോ​ൺ​ഫ​റ​ൻ​സ് കാ​ളി​ൽ വി​ളി​ച്ചു. അ​വ​ർ ഉ​ട​ൻ റെ​സ്ക്യൂ സം​ഘ​ത്തെ സ്ഥ​ല​ത്തേ​ക്ക​യ​ച്ച് പു​ല​ർ​ച്ച മൂ​ന്നോ​ടെ പ​ര​ശു​രാ​മ​നെ ര​ക്ഷ​പ്പെ​ടു​ത്തി. ആ​ദ്യ​വ​സാ​നം സ്റ്റേ​ഷ​ൻ പ​രി​ധി മ​റി​ക​ട​ന്ന് സ​ഹാ​യം ന​ൽ​കി​യ ഹ​രീ​ഷി​നെ നി​ര​വ​ധി​പേ​ർ അ​ഭി​ന​ന്ദി​ച്ചു.