തിരുവനന്തപുരം: 12.1 ശതമാനമാണ് കഴിഞ്ഞ മൂന്ന് ദിവസത്തെ സംസ്ഥാനത്തെ ശരാശരി ടെസ്റ്റ് പോസിറ്റിവിറ്റി നിരക്ക് എന്ന് മുഖ്യമന്ത്രി പിണറായി വിജയൻ അറിയിച്ചു. 11ജില്ലകളിലും 10 ശതമാനത്തിന് മുകളിലാണ് ടി.പി.ആർ. മലപ്പുറത്താണ് ടി.പി.ആർ ഏറ്റവും കൂടുതൽ, 17 ശതമാനമെന്നും മുഖ്യമന്ത്രി അറിയിച്ചു.
ജില്ലകളിൽ പൊതുവിൽ കാര്യങ്ങൾ ഫലപ്രദമായി നീങ്ങുന്നുണ്ടെന്നും കോൺടാക്റ്റ് ട്രേസിങ്, ടെസ്റ്റിങ് എന്നിവക്കൊപ്പം വാക്സിനേഷനും ഒന്നിച്ച് നീക്കാനാകണമെന്നും അദ്ദേഹം ആവശ്യപ്പെട്ടു.
എ, ബി വിഭാഗങ്ങളിലെ പ്രദേശങ്ങളിൽ സർക്കാർ ഓഫീസുകളിൽ 50 ശതമാനം ജീവനക്കാർ മാത്രമാണെന്നും ബാക്കിയുള്ള ജീവനക്കാർ പ്രതിരോധ പ്രവർത്തനങ്ങളിൽ സജീവമാകണമെന്നും മുഖ്യമന്ത്രി പറഞ്ഞു.
അതേസമയം, സംസ്ഥാനത്ത് ഇന്ന് 17,518 പേർക്കാണ് കോവിഡ് സ്ഥിരീകരിച്ചത്. 1,28,489 സാമ്പിളുകൾ പരിശോധിച്ചപ്പോഴാണിത്. 132 പേരുടെ മരണമാണ് ഇന്ന് കോവിഡ് മൂലമാണെന്ന് സ്ഥിരീകരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.