പ്രകാശ്​ ബാബുവിനെ തഴഞ്ഞു; സി.പി.ഐയിൽ അതൃപ്തി പുകയുന്നു

തി​രു​വ​ന​ന്ത​പു​രം: സി.​പി.​ഐ ദേ​ശീ​യ സെ​ക്ര​ട്ടേ​റി​യ​റ്റി​ൽ കാ​നം രാ​ജേ​​ന്ദ്ര​ന്‍റെ ​ഒ​ഴി​വി​ലേ​ക്ക്​ ആ​നി രാ​ജ​യു​ടെ പേ​ര്​ നി​ർ​ദേ​ശി​ച്ച​തി​നെ​ച്ചൊ​ല്ലി കേ​ര​ള ഘ​ട​ക​ത്തി​ൽ അ​തൃ​പ്തി പു​ക​യു​ന്നു. ​കാ​ന​ത്തി​ന്​ പ​ക​ര​ക്കാ​ര​നാ​യി ദേ​ശീ​യ എ​ക്‌​സി​ക്യു​ട്ടി​വ് അം​ഗം കെ. ​പ്ര​കാ​ശ് ബാ​ബു എ​ത്തു​മെ​ന്നാ​യി​രു​ന്നു പ്ര​തീ​ക്ഷി​ച്ചി​രു​ന്ന​ത്. ​

രാ​ജ്യ​സ​ഭ സ്ഥാ​നാ​ർ​ഥി​ത്വം ന​ഷ്ട​പ്പെ​ട്ട സാ​ഹ​ച​ര്യ​ത്തി​ൽ ഇ​ക്കാ​ര്യം ഏ​റ​ക്കു​റെ ഉ​റ​പ്പു​മാ​യി​രു​ന്നു. പ്ര​കാ​ശ്​ ബാ​ബു​വി​നെ ബോ​ധ​പൂ​ർ​വം ​വെ​ട്ടി​യെ​ന്നാ​ണ്​ ​സം​സ്ഥാ​ന ഘ​ട​ക​ത്തി​ലെ ഒ​രു വി​ഭാ​ഗ​ത്തി​ന്‍റെ ആ​രോ​പ​ണം. അ​തേ​സ​മ​യം, സം​സ്ഥാ​ന ഘ​ട​കം ആ​രു​ടെ​യും പേ​ര്​ നി​ർ​ദേ​ശി​ച്ചി​ട്ടി​ല്ലെ​ന്നാ​ണ് നേ​തൃ​ത്വ​ത്തി​ന്‍റെ നി​ല​പാ​ട്. അര്‍ഹതപ്പെട്ടതാണ് ആനി രാജക്ക്​ ലഭിച്ചതെന്നും തന്നെ ആരും അവഗണിച്ചിട്ടില്ലെന്നും പ്രതികരിച്ച പ്രകാശ്​ ബാബു പക്ഷേ, വാക്കുകളിൽ അതൃപ്തിയുടെ സൂചനകൾ നൽകി.

കാ​ന​ത്തി​നു ശേ​ഷം സം​സ്ഥാ​ന സെ​ക്ര​ട്ട​റി സ്ഥാ​ന​ത്തേ​ക്ക് വ​രെ പ​രി​ഗ​ണി​ക്ക​പ്പെ​ട്ട നേ​താ​വാ​ണ് പ്ര​കാ​ശ് ബാ​ബു. കേ​ര​ള​ത്തി​ൽ​നി​ന്നും ദേ​ശീ​യ എ​ക്സി​ക്യു​ട്ടി​വി​ലു​ള്ള ഏ​റ്റ​വും സീ​നി​യ​റാ​യ അം​ഗ​വു​മാ​യ പ്ര​കാ​ശ്​ ബാ​ബു​വി​ന്​ രാ​ജ്യ​സ​ഭ സീ​റ്റ്​ ന​ൽ​കാ​ത്ത​തി​ൽ ക​ഴി​ഞ്ഞ സം​സ്ഥാ​ന കൗ​ൺ​സി​ലി​ൽ നേ​തൃ​ത്വ​ത്തി​നെ​തി​രെ രൂ​ക്ഷ​വി​മ​ർ​ശ​ന​മു​യ​ർ​ന്നി​രു​ന്നു. ഡ​ൽ​ഹി കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന എ​ക്സി​ക്യു​ട്ടി​വ്​ അം​ഗ​മെ​ന്ന നി​ല​യി​ൽ രാ​ജ്യ​സ​ഭ അം​ഗ​ത്വ​ത്തി​ന്​ അ​ർ​ഹ​ത പ്ര​കാ​ശ്​​ബാ​ബു​വി​നാ​ണെ​ന്നാ​യി​രു​ന്നു സം​സ്ഥാ​ന കൗ​ൺ​സി​ലി​ലെ അ​ഭി​പ്രാ​യം. പ​ക​രം രാ​ജ്യ​സ​ഭ​യി​ലേ​ക്ക്​ നി​യോ​ഗി​ച്ച പി.​പി. സു​നീ​ർ പാ​ർ​ട്ടി സെൻറ​ർ കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന സം​സ്ഥാ​ന അ​സി. സെ​ക്ര​ട്ട​റി​യാ​ണെ​ന്ന​തും അ​ദ്ദേ​ഹ​ത്തി​ന്​ ഇ​നി​യും അ​വ​സ​ര​ങ്ങ​ളു​ണ്ട്​ എ​ന്ന​തും വാ​ദ​ങ്ങ​ളി​ൽ നി​റ​ഞ്ഞെ​ങ്കി​ലും നേ​തൃ​ത്വം പ​രി​ഗ​ണി​ച്ചി​ല്ല.

പാ​ര്‍ല​മെ​ന്റി​ല്‍ ന്യൂ​ന​പ​ക്ഷ പ്രാ​തി​നി​ധ്യം വ​ല്ലാ​തെ ശു​ഷ്‌​ക​മാ​വു​ന്ന​തും ഒ​പ്പം തോ​ല്‍ക്കു​മെ​ന്നു​റ​പ്പു​ള്ള പ​ല തെ​ര​ഞ്ഞെ​ടു​പ്പു​ക​ളി​ലും പാ​ര്‍ട്ടി പ​റ​ഞ്ഞി​ട്ട് മ​ത്സ​രി​ച്ചി​ട്ടു​ള്ള​യാ​ളാ​ണെ​ന്ന​തു​മ​ട​ക്കം പ​രി​ഗ​ണി​ച്ചാ​യി​രു​ന്നു നേ​തൃ​ത്വം സു​നീ​റി​ന്​ സീ​റ്റ്​ ന​ൽ​കി​യ​ത്. ഇ​ക്കാ​ര്യം ന്യാ​യ​മെ​ന്ന്​ വാ​ദി​ക്കാ​മെ​ങ്കി​ലും സം​ഘ​ട​ന​യു​ടെ ഉ​ന്ന​ത സ​മി​തി​യി​ലെ പ്രാ​തി​നി​ധ്യ​ത്തി​ൽ​നി​ന്ന്​ കൂ​ടി പ്ര​കാ​ശ്​ ബാ​ബു​വി​നെ ത​ഴ​യാ​ൻ കാ​ര​ണ​മെ​ന്തെ​ന്ന​ത്​ സം​സ്ഥാ​ന നേ​തൃ​ത്വം വി​ശ​ദീ​ക​രി​​ക്കേ​ണ്ടി വ​രും. കാ​നം ദേ​ശീ​യ സെ​ക്ര​ട്ടേ​റി​യ​റ്റി​ലും ​ദേ​ശീ​യ എ​ക്സി​ക്യു​ട്ടി​വി​ലു​മു​ണ്ടാ​യി​രു​ന്നു. സെ​ക്ര​​​​​ട്ടേ​റി​യ​റ്റി​ൽ പ​ക​ര​ക്കാ​രി ആ​നി രാ​ജ​യാ​ണെ​ങ്കി​ൽ എ​ക്സി​ക്യു​ട്ടി​വി​ൽ എ.​ഐ.​ടി.​യു.​സി സം​സ്ഥാ​ന ജ​ന​റ​ല്‍ സെ​ക്ര​ട്ട​റി കെ.​പി. രാ​ജേ​ന്ദ്ര​നാ​ണ്​ കാ​ന​ത്തി​ന്​ പ​ക​ര​മെ​ത്തി​യ​ത്. ഇ​തി​നി​ടെ പാ​ർ​ട്ടി​ക്കു​ള്ളി​ൽ പ​ഴ​യ കാ​നം പ​ക്ഷം ശ​ക്തി​പ്പെ​ടു​ന്നെ​ന്ന​തി​നും സൂ​ച​ന​ക​ളു​ണ്ട്.