പെൻഷൻ ‘പറ്റാത്ത’ പ്രഫസറുടെ ജീവിതം

സം​സ്ഥാ​ന​ത്തെ പെ​ൻ​ഷ​ൻ വി​ത​ര​ണ​ത്തി​ന്റെ ആ​വ​ശ്യ​ക​ത​യെ​പ്പ​റ്റി​യും ക്ഷേ​മ​പെ​ൻ​ഷ​ൻ വി​ത​ര​ണ​ത്തി​ലെ ക​ടു​ത്ത താ​ള​പ്പി​ഴ​ക​ളെ​ക്കു​റി​ച്ചും വ​ലി​യ ച​ർ​ച്ച​ക​ൾ സ​മീ​പ​കാ​ല​ത്ത് വ്യാ​പ​ക​മാ​ണ്. ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന അ​ന്ത​സ്സോ​ടെ ജീ​വി​ക്കാ​നു​ള്ള അ​വ​കാ​ശം സാ​ധ്യ​മാ​വു​ന്ന​തി​ന് പെ​ൻ​ഷ​ൻ എ​ന്ന പി​ന്തു​ണ എ​ത്ര​മാ​ത്രം പ്രാ​ധാ​ന്യ​മു​ള്ള​താ​ണെ​ന്ന് പ​റ​യാ​നാ​ണ് ഈ ​കു​റി​പ്പ്. കേ​ര​ള​ത്തി​ൽ സ​ർ​ക്കാ​ർ കോ​ള​ജ് അ​ധ്യാ​പ​ക​നാ​യി 35 വ​ർ​ഷം ജോ​ലി ചെ​യ്ത് വി​ര​മി​ച്ച് വ​ർ​ഷം 18 ക​ഴി​ഞ്ഞി​ട്ടും ഒ​രു രൂ​പ​പോ​ലും സ​ർ​വി​സ് പെ​ൻ​ഷ​നോ അ​നു​ബ​ന്ധ ആ​നു​കൂ​ല്യ​ങ്ങ​ളോ ല​ഭി​ച്ചി​ട്ടി​ല്ലാ​ത്ത കേ​ര​ള​ത്തി​ലെ അ​പൂ​ർ​വം ചി​ല​രി​ൽ ഒ​രാ​ളെ​ന്ന നി​ല​യി​ൽ അ​തു പ​റ​യാ​നു​ള്ള എ​ല്ലാ അ​വ​കാ​ശ​വും ഇ​തെ​ഴു​തു​ന്ന​യാ​ൾ​ക്കു​ണ്ട്.

കേ​ര​ള സ​ർ​വ​ക​ലാ​ശാ​ലാ മാ​ധ്യ​മ പ​ഠ​ന വ​കു​പ്പി​ൽ​നി​ന്ന് ജേ​ണ​ലി​സ​ത്തി​ൽ ബി​രു​ദാ​ന​ന്ത​ര ബി​രു​ദ​വും ഇം​ഗ്ലീ​ഷ് സാ​ഹി​ത്യ​ത്തി​ൽ മ​റ്റൊ​രു പി.​ജി ഡി​ഗ്രി​യും നേ​ടി, നാ​ലു വ​ർ​ഷ​ത്തോ​ളം മാ​ധ്യ​മ​ങ്ങ​ളി​ൽ ജോ​ലി ചെ​യ്ത​ശേ​ഷം, 1989ലാ​ണ് കോ​ഴി​ക്കോ​ട് മീ​ഞ്ച​ന്ത ഗ​വ​ണ്മെ​ന്റ് കോ​ള​ജി​ൽ, പി.​എ​സ്.​സി നി​യ​മ​നം വ​ഴി ജേ​ണ​ലി​സം അ​ധ്യാ​പ​ക​നാ​യി ജോ​ലി​യി​ൽ പ്ര​വേ​ശി​ച്ച​ത്. പ​ഴ​യ ക​ണ​ക്കു പ്ര​കാ​രം, ജോ​ലി​ഭാ​ര​ത്തി​ൽ ഒ​രു മ​ണി​ക്കൂ​ർ കു​റ​വു​ള്ള​തി​നാ​ൽ ‘പാ​ർ​ട്ട്ടൈം’ എ​ന്ന ലേ​ബ​ലി​ൽ, 1989 മു​ത​ൽ 1996 വ​രെ സ​ഹ​പ്ര​വ​ർ​ത്ത​ക​ർ​ക്ക് ല​ഭി​ക്കു​ന്ന​തി​ന്റെ മൂ​ന്നി​ൽ ഒ​ന്നി​ലും താ​ഴെ ശ​മ്പ​ള​ത്തി​ൽ ജോ​ലി ചെ​യ്യേ​ണ്ടി​വ​ന്നു. ഓ​ണ​റേ​റി​യം എ​ന്നു വി​ശേ​ഷി​പ്പി​ക്ക​പ്പെ​ട്ട ഈ ​തു​ക പ്രൈ​മ​റി അ​ധ്യാ​പ​ക​രു​ടെ വേ​ത​ന​ത്തെ​ക്കാ​ൾ പ​രി​താ​പ​ക​ര​മാ​യി​രു​ന്നു. പി​ന്നീ​ട് സ​ർ​വി​സി​ൽ​നി​ന്ന് വി​ര​മി​ക്കും​വ​രെ (2006) മ​റ്റു​ള്ള​വ​രു​ടെ പ​കു​തി ശ​മ്പ​ള​ത്തി​ലാ​ണ് ജോ​ലി ചെ​യ്ത​ത്.

കാ​ലി​ക്ക​റ്റ് സ​ർ​വ​ക​ലാ​ശാ​ല, 1995 ആ​ഗ​സ്റ്റ് മു​ത​ൽ പ്രാ​ബ​ല്യ​ത്തോ​ടെ പു​റ​പ്പെ​ടു​വി​ച്ച​തും, കോ​ള​ജ് വി​ദ്യാ​ഭ്യാ​സ ഡ​യ​റ​ക്ട​ർ കാ​ൽ നൂ​റ്റാ​ണ്ടാ​യി ന​ട​പ്പാ​ക്കി​യി​ട്ടു​ള്ള​തു​മാ​യ പ്ര​ത്യേ​ക ഉ​ത്ത​ര​വ് പ്ര​കാ​രം, സ​ർ​ക്കാ​ർ ശ​മ്പ​ളം ന​ൽ​കു​ന്ന സ്വ​കാ​ര്യ-​എ​യ്ഡ​ഡ്‌ കോ​ള​ജു​ക​ളി​ലെ ഏ​കാ​ധ്യാ​പ​ക പ​ഠ​ന വ​കു​പ്പു​ക​ളി​ൽ (Single faculty teaching departments), ജോ​ലി​ഭാ​രം ക​ണ​ക്കാ​ക്കാ​തെ ഫു​ൾ​ടൈം ത​സ്തി​ക​ക​ൾ സൃ​ഷ്ടി​ക്കാ​ൻ അ​നു​മ​തി ന​ൽ​കി​യി​ട്ടു​ണ്ട്. പ​ക്ഷേ, സ​ർ​ക്കാ​ർ കോ​ള​ജി​ൽ ഇ​തി​ന് അ​നു​മ​തി​യി​ല്ലെ​ന്ന് പ​റ​ഞ്ഞാ​ണ് എ​ന്റെ പാ​തി ശ​മ്പ​ളം നി​ഷേ​ധി​ച്ചു​പോ​ന്ന​ത്. ‘തു​ല്യ ജോ​ലി​ക്ക് തു​ല്യ വേ​ത​നം’ എ​ന്ന ആ​ഗോ​ള നീ​തി ഘ​ട​ന​യു​ടെ ലം​ഘ​ന​മാ​ണി​ത്. എ​ന്റെ കാ​ര്യ​ത്തി​ൽ ഈ ​നീ​തി നി​ഷേ​ധി​ക്ക​രു​തെ​ന്ന കേ​ര​ള ഹൈ​കോ​ട​തി​യു​ടെ 2005ലെ ​ഡി​വി​ഷ​ൻ ബെ​ഞ്ച് വി​ധി 19 വ​ർ​ഷ​ത്തി​ന് ശേ​ഷ​വും ന​ട​പ്പാ​ക്കി​യി​ട്ടി​ല്ല.

ഉ​ന്ന​ത വി​ദ്യാ​ഭ്യാ​സ വ​കു​പ്പി​ലെ ഉ​ന്ന​ത​ർ, യു.​ജി.​സി റൂ​ൾ​സ്‌ കേ​ര​ള​ത്തി​ൽ മാ​ത്ര​മാ​യി ഭേ​ദ​ഗ​തി വ​രു​ത്തി​യ​പ്പോ​ൾ പ​രാ​തി​പ്പെ​ടാ​ൻ എ​നി​ക്ക് അ​ധ്യാ​പ​ക സം​ഘ​ട​ന​ക​ളു​ടെ​യോ സ​ഹ​പ്ര​വ​ർ​ത്ത​ക​രു​ടെ​യോ പോ​ലും സ​ഹാ​യ​മു​ണ്ടാ​യി​ല്ല. ദു​ര്യോ​ഗ​മെ​ന്ന് പ​റ​യ​ട്ടെ, സ​ർ​വി​സി​ൽ ആ​റു വ​ർ​ഷ​ത്തോ​ളം സെ​ല​ക്ഷ​ൻ ഗ്രേ​ഡ് ലെ​ക്ച​റ​ർ (റീ​ഡ​ർ) ആ​യി​രു​ന്ന എ​നി​ക്ക്, വി​ര​മി​ക്കു​ന്ന​തി​നു മു​മ്പ് ല​ഭി​ക്കേ​ണ്ട, യു.​ജി.​സി ആ​റാം സ്കീം ​പ്ര​കാ​ര​മു​ള്ള അ​സോ​സി​യ​റ്റ് പ്ര​ഫ​സ​ർ പ്ലേ​സ്മെ​ന്റും ത​ട​യ​പ്പെ​ട്ടു. ഈ ​ത​സ്തി​ക​യി​ൽ പെ​ൻ​ഷ​ൻ ഫി​ക്സേ​ഷ​ന് അ​പേ​ക്ഷി​ച്ച​പ്പോ​ഴാ​ണ് ഉ​ന്ന​ത വി​ദ്യാ​ഭ്യാ​സ വ​കു​പ്പ്, യു​ക്തി​ക്ക് നി​ര​ക്കാ​ത്ത ന്യാ​യ​വാ​ദ​ങ്ങ​ൾ ഉ​ന്ന​യി​ച്ച്, ഒ​രു സ​ർ​ക്കാ​ർ ഉ​ത്ത​ര​വി​ലൂ​ടെ (2014) ഈ ​പ്ര​മോ​ഷ​ൻ ത​ട​ഞ്ഞ​ത്.

മു​ക​ളി​ൽ സൂ​ചി​പ്പി​ച്ച ഉ​ത്ത​ര​വി​ന്റെ സാ​രം ഇ​താ​ണ്: യു.​ജി.​സി​യു​ടെ അ​ഞ്ചാം പ​ദ്ധ​തി​യി​ൽ ഉ​ൾ​പ്പെ​ട്ടി​രു​ന്ന എ​ന്നെ ആ​റാം പ​ദ്ധ​തി​യി​ൽ (2006 മു​ത​ൽ) ഉ​ൾ​പ്പെ​ടു​ത്തി​യി​ട്ടി​ല്ല. ത​ന്മൂ​ലം, പ്ര​സ്തു​ത പ​ദ്ധ​തി​യി​ൽ വ​രു​ന്ന അ​സോ​സി​യ​റ്റ് പ്ര​ഫ​സ​ർ നി​യ​മ​ന​ത്തി​നും ഞാ​ൻ അ​ർ​ഹ​ന​ല്ല. അ​തി​നാ​ൽ, കീ​ഴ്ത​സ്തി​ക​യി​ലെ (സെ​ല​ക്ഷ​ൻ ഗ്രേ​ഡ് ലെ​ക്ച​റ​ർ / റീ​ഡ​ർ), പ​കു​തി ശ​മ്പ​ള​ത്തി​ന്റെ അ​ടി​സ്ഥാ​ന​ത്തി​ൽ, ഫു​ൾ പെ​ൻ​ഷ​ൻ ഇ​ല്ലാ​തെ, നാ​മ​മാ​ത്ര പെ​ൻ​ഷ​നേ അ​ർ​ഹ​ത​യു​ള്ളൂ.

സാ​മാ​ന്യ ബു​ദ്ധി​ക്ക് നി​ര​ക്കാ​ത്ത ഉ​ത്ത​ര​വി​ലെ ക്ര​മ​ക്കേ​ടു​ക​ൾ ചൂ​ണ്ടി​ക്കാ​ട്ടി, പു​നഃ​പ​രി​ശോ​ധ​ന​ക്ക് 2014ൽ ​ശ്ര​മി​ച്ചെ​ങ്കി​ലും അ​പേ​ക്ഷ നി​ര​സി​ക്ക​പ്പെ​ട്ടു. എ​ന്റെ സ​ർ​വി​സ് പ്ര​ശ്ന​ങ്ങ​ളി​ൽ മു​ഖ്യ​മ​ന്ത്രി​ക്ക് ന​ൽ​കി​യ അ​നേ​കം പ​രാ​തി​ക​ളി​ലും നാ​ളി​തു​വ​രെ ന​ട​പ​ടി​യു​ണ്ടാ​യി​ട്ടി​ല്ല.

എ​നി​ക്കാ​ര് പി​ഴ ത​രും?

വി​ര​മി​ച്ചാ​ൽ ആ​റു മാ​സ​ത്തി​നു​ള്ളി​ൽ പെ​ൻ​ഷ​ൻ ന​ൽ​ക​ണ​മെ​ന്നാ​ണ് നി​യ​മം. വി​ര​മി​ച്ച​ശേ​ഷ​വും അ​നേ​ക വ​ർ​ഷ​ങ്ങ​ൾ പെ​ൻ​ഷ​ൻ ല​ഭി​ക്കാ​തെ, കോ​ഴി​ക്കോ​ട് സ​ർ​ക്കാ​ർ ജീ​വ​ന​ക്കാ​രു​ടെ ഹോ​സ്റ്റ​ലി​ൽ​ത​ന്നെ താ​മ​സി​ക്കേ​ണ്ടി​വ​ന്ന വ​ക​യി​ൽ 2/3 ഭാ​ഗം പി​ഴ​യു​ൾ​പ്പെ​ടെ 3,31,019 രൂ​പ വാ​ട​ക കു​ടി​ശ്ശി​ക ന​ൽ​കാ​ൻ എ​ന്നോ​ടാ​വ​ശ്യ​പ്പെ​ട്ടി​ട്ടു​ണ്ട്. പി​ഴ​യി​ള​വി​നു​ള്ള എ​ന്റെ അ​പേ​ക്ഷ, പൊ​തു​മ​രാ​മ​ത്ത് മ​ന്ത്രി ത​ള്ളി. വാ​ട​ക കു​ടി​ശ്ശി​ക​ക്ക് സ​ർ​ക്കാ​ർ എ​ന്നോ​ട് പി​ഴ ആ​വ​ശ്യ​പ്പെ​ടു​ന്ന​ത് ന്യാ​യ​മാ​ണെ​ന്ന് വാ​ദി​ക്കു​ന്ന​വ​രു​ണ്ടാ​വാം. അ​ങ്ങ​നെ​യെ​ങ്കി​ൽ പ​തി​റ്റാ​ണ്ടു​ക​ളാ​യി പെ​ൻ​ഷ​ൻ നി​ഷേ​ധി​ച്ച് ജീ​വി​തം ദു​രി​ത​ക്ക​യ​ത്തി​ലേ​ക്കും മാ​ന​സി​കാ​ഘാ​ത​ങ്ങ​ളി​ലേ​ക്കും ത​ള്ളി​യി​ട്ട സ​ർ​ക്കാ​ർ എ​നി​ക്ക് എ​ന്നാ​ണ് പി​ഴ​യും ന​ഷ്ട​പ​രി​ഹാ​ര​വും ന​ൽ​കു​ക?

ഔ​ദ്യോ​ഗി​ക സേ​വ​ന കാ​ല​ശേ​ഷം ‘പെ​ൻ​ഷ​ൻ പ്രാ​യ​ത്തി​ൽ’ യാ​തൊ​രു വി​ധ പി​ന്തു​ണ​യും ല​ഭി​ക്കാ​തെ അ​നീ​തി മാ​ത്രം നേ​രി​ടേ​ണ്ടി​വ​രു​ന്ന ഒ​രാ​ൾ എ​ന്ന നി​ല​യി​ൽ ത​റ​പ്പി​ച്ചു പ​റ​യു​ന്നു- ജീ​വി​ത സാ​യാ​ഹ്ന​ത്തി​ൽ ഒ​രു മ​നു​ഷ്യ ജീ​വി​ക്കും പെ​ൻ​ഷ​നും മ​റ്റ് ആ​നു​കൂ​ല്യ​ങ്ങ​ളും നി​ഷേ​ധി​ച്ചു​കൂ​ട.