ഓ​ണ​നാ​ളി​ൽ ആ​ന​ന്ദം നി​റ​ച്ച് പു​ലി​ക​ളി അ​ര​ങ്ങേ​റി

തൃ​ശൂ​ർ: പെ​രും​വ​യ​ർ കു​ലു​ക്കി, അ​ര​മ​ണി കി​ലു​ക്കി ആ​ർ​ത്ത​ല​ച്ചൊ​രു പു​ലി​ക്കൂ​ട്ടം തൃ​ശൂ​ർ ന​ഗ​ര​ന​ടു​വി​ലേ​ക്ക്. പ​തി​നാ​യി​ര​ങ്ങ​ൾ ആ​ർ​ത്തു​വി​ളി​ച്ചു, പു​ലി...​പു​ലി... നാ​ലാം ഓ​ണ​നാ​ളി​ൽ കാ​ണി​ക​ളി​ൽ ആ​ന​ന്ദം നി​റ​ച്ച് തൃ​ശൂ​ർ സ്വ​രാ​ജ് ന​ഗ​റി​ൽ പു​ലി​ക​ളി അ​ര​ങ്ങേ​റി.

ബു​ധ​നാ​ഴ്ച ​​വൈ​കു​ന്നേ​രം അ​ഞ്ചി​ന് പാ​ട്ടു​രാ​യ്ക്ക​ൽ ദേ​ശം സം​ഘം സ്വ​രാ​ജ് റൗ​ണ്ടി​ലെ നാ​യ്ക്ക​നാ​ൽ ജ​ങ്ഷ​നി​ൽ ഫ്ലാ​ഗ് ഓ​ഫ് ന​ൽ​കി​യ​തോ​ടെ നൂ​റു​ക​ണ​ക്കി​ന് പു​ലി​ക​ൾ ന​ഗ​ര​ത്തി​ലി​റ​ങ്ങി. വ​ലി​യ കും​ഭ​ക​ളി​ൽ വ​ര​ഞ്ഞി​ട്ട വാ​യ തു​റ​ന്ന് ഗ​ർ​ജി​ക്കു​ന്ന പു​ലി​ക​ളെ കാ​ണാ​ൻ സ്വ​ദേ​ശി​ക​ളും വി​ദേ​ശി​ക​ളു​മാ​യ ആ​യി​ര​ക്ക​ണ​ക്കി​നാ​ളു​ക​ൾ അ​ണി​നി​ര​ന്നു. പു​ലി​ക​ൾ​ക്കൊ​പ്പം നി​ശ്ച​ല​ദൃ​ശ്യ​ങ്ങ​ളും മി​ഴി​വേ​കി. വ​യ​നാ​ട് ഉ​രു​ൾ​പൊ​ട്ട​ൽ, പ്ര​കൃ​തി​ചൂ​ഷ​ണം, മ​ത​സൗ​ഹാ​ർ​ദം, ഭ​ര​ണ​ഘ​ട​ന, പൗ​രാ​ണി​ക ദൃ​ശ്യ​ങ്ങ​ൾ എ​ന്നി​വ​യൊ​ക്കെ നി​ശ്ച​ല​ദൃ​ശ്യ​ങ്ങ​ളി​ൽ നി​റ​ഞ്ഞു.

വ​യ​നാ​ട് ഉ​രു​ൾ​പൊ​ട്ട​ൽ പ​ശ്ചാ​ത്ത​ല​ത്തി​ൽ പു​ലി​ക്ക​ളി ന​ട​ക്കു​മോ ഇ​ല്ല​യോ എ​ന്ന കാ​ര്യ​ത്തി​ൽ അ​നി​ശ്ചി​ത​ത്വം നി​ല​നി​ന്നെ​ങ്കി​ലും ഒ​ടു​ക്കം സ​ർ​ക്കാ​ർ അ​നു​വാ​ദം ന​ൽ​കു​ക​യാ​യി​രു​ന്നു. തു​ട​ർ​ന്ന് പു​ലി​ക്ക​ളി സം​ഘ​ങ്ങ​ൾ സ​ജീ​വ​മാ​യി. വ്യ​ത്യ​സ്ത​മാ​ർ​ന്ന പു​ലി​ക​ളാ​ണ് ഇ​ക്കു​റി ന​ഗ​രം വി​റ​പ്പി​ക്കാ​ൻ ഇ​റ​ങ്ങി​യ​ത്. കു​ട്ടി​ക​ളും സ്ത്രീ​ക​ളും ഒ​ക്കെ പു​ലി​ക​ളി സം​ഘ​ങ്ങ​ളി​ൽ അ​ണി​നി​ര​ന്നു.

ബി​​നി ജ​​ങ്ഷ​​ന്‍ വ​​ഴി യു​​വ​​ജ​​ന​​സം​​ഘം വി​​യ്യൂ​​ര്‍, വി​​യ്യൂ​​ര്‍ ദേ​​ശം പു​​ലി​​ക​​ളി സം​​ഘം എ​​ന്നി​വ​യും ന​​ടു​​വി​​ലാ​​ല്‍ ജ​​ങ്ഷ​​നി​​ലൂ​​ടെ സീ​​താ​​റാം മി​​ല്‍ ദേ​​ശം പു​​ലി​​ക​​ളി സം​​ഘാ​​ട​​ക സ​​മി​​തി, ശ​​ങ്ക​​രം​​കു​​ള​​ങ്ങ​​ര ദേ​​ശം പു​​ലി​​ക​​ളി ആ​​ഘോ​​ഷ​​ക​​മ്മി​​റ്റി, ച​​ക്കാ​​മു​​ക്ക് ദേ​​ശം പു​​ലി​​ക​​ളി, കാ​​നാ​​ട്ടു​​ക​​ര ദേ​​ശം പു​​ലി​​ക​​ളി എ​​ന്നീ സം​​ഘ​​ങ്ങ​​ളും സ്വ​​രാ​​ജ് റൗ​​ണ്ടി​​ല്‍ പ്ര​​വേ​​ശി​​ച്ച​തോ​ടെ ആ​വേ​ശം ഇ​ര​ട്ടി​ച്ചു. ഏ​ഴ് സം​ഘ​ങ്ങ​ളി​ലെ​യും പു​ലി​ക​ൾ ന​ഗ​ര​ന​ടു​വി​ൽ വ​ദ്യ​ഘോ​ഷ​ങ്ങ​ളോ​ടെ ആ​റാ​ടി ന​ട​ന്നു. ഓ​രോ പു​ലി​ക​ളി സം​ഘ​ത്തി​ലും 35 മു​ത​ൽ 51 വ​രെ പു​ലി​ക​ളും ഒ​രു പു​ലി​വ​ണ്ടി​യും ഒ​രു നി​ശ്ച​ല​ദൃ​ശ്യ​വും ഉ​ണ്ടാ​യി​രു​ന്നു. റ​വ​ന്യൂ മ​ന്ത്രി കെ. ​രാ​ജ​ൻ, ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ. ​ആ​ർ. ബി​ന്ദു, കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി, മേ​യ​ർ എം.​കെ. വ​ർ​ഗീ​സ്, ക​ല​ക്ട​ർ അ​ർ​ജു​ൻ പാ​ണ്ഡ്യ​ൻ എ​ന്നി​വ​ർ പു​ലി​ക്ക​ളി കാ​ണാ​നെ​ത്തി.