പുതുപ്പള്ളിക്ക് പുതു നായകൻ; ചാണ്ടി ഉമ്മന്‍റെ വിജ‍യം റെക്കോർഡ് ഭൂരിപക്ഷത്തിൽ

കോട്ടയം: ആരോപണങ്ങളും വിവാദങ്ങളും നിറഞ്ഞ ഉപതെരഞ്ഞെടുപ്പിൽ 53 വർഷം പുതുപ്പള്ളിയുടെ എം.എൽ.എയായിരുന്ന ഉമ്മൻചാണ്ടിയുടെ പിൻഗാമിയായി മകൻ ചാണ്ടി ഉമ്മൻ. 37719 വോട്ടിന്റെ ഭൂരിപക്ഷത്തിലാണ് യു.ഡി.എഫ് സ്ഥാനാർഥി ചാണ്ടി ഉമ്മൻ എൽ.ഡി.എഫ് സ്ഥാനാർഥി ജെയ്ക് സി തോമസിനെ പരാജയപ്പെടുത്തിയത്. മത്സരിച്ച 12 തെരഞ്ഞെടുപ്പുകളിൽ ഉമ്മൻ ചാണ്ടി നേടിയ ഏറ്റവും കൂടുതൽ ഭൂരിപക്ഷമായ 2011ലെ 33255 വോട്ട് ചാണ്ടി ഉമ്മൻ മറികടന്നു. ആകെ പോൾ ചെയ്ത 1,28,535 വോട്ടിൽ ചാണ്ടി ഉമ്മൻ 80144 വോട്ടും ജെയ്ക് 42425 വോട്ടും നേടി. ബി.ജെ.പി സ്ഥാനാർഥി ലിജിൻ ലാൽ 6558 വോട്ട് പിടിച്ചു. ലൂക്ക് തോമസ് (ആം ആദ്മി പാർട്ടി) -835, സന്തോഷ് പുളിക്കൽ (സ്വത.) - 78, ഷാജി (സ്വത.) - 63, പി.കെ.ദേവദാസ് (സ്വത.) -60 എന്നിങ്ങനെയാണ് മത്സരിച്ച മറ്റ് സ്ഥാനാർഥികൾ നേടിയ വോട്ടുകൾ. നോട്ടക്ക് 400 വോട്ടും കിട്ടി. പോസ്റ്റൽ വോട്ടിലും ചാണ്ടി ഉമ്മൻ ലീഡ് നേടി. ചാണ്ടിക്ക് 1495ഉം ജെയ്ക്കിന് 443ഉം ലിജിൻ ലാലിന് 72ഉം വോട്ടുകൾ ലഭിച്ചു.ബി.ജെ.പി നിലംപരിശായ തെരഞ്ഞെടുപ്പാണ് ഇത്തവണത്തേത്. 2021മായി താരതമ്യം ചെയ്യുമ്പോൾ ബി.ജെ.പിയുടെ വോട്ട് ഇത്തവണ പകുതിയായി കുറഞ്ഞു. ബി.ജെ.പി സ്ഥാനാർഥി ലിജിൻ ലാൽ പിടിച്ചത് 6447 വോട്ട് മാത്രമാണ്. മൊത്തം വോട്ടിന്റെ 5.05 ശതമാനം വരുമിത്. 2021 തെരഞ്ഞെടുപ്പിൽ 11694 വോട്ടാണ് ബി.ജെ.പി സ്ഥാനാർഥി നേടിയത്. അന്ന് ബി.ജെ.പി കോട്ടയം ജില്ല പ്രസിഡന്റ് എൻ. ഹരിയായിരുന്നു സ്ഥാനാർഥി.തകർപ്പൻ വിജയം നേടിയ ചാണ്ടി ഉമ്മൻ എൽ.ഡി.എഫ് ഭരണത്തിലുള്ള പുതുപ്പള്ളി, പാമ്പാടി, വാകത്താനം, അകലക്കുന്നം, മണർകാട്, കൂരോപ്പട എന്നീ ആറു പഞ്ചായത്തുകളിലും വ്യക്തമായ ലീഡ് നേടി. കൂടാതെ, യു.ഡി.എഫ് ഭരണത്തിലുള്ള മീനടം, അയർകുന്നം പഞ്ചായത്തുകളിലും ചാണ്ടി ഉമ്മൻ ലീഡ് പിടിച്ചു.അതേസമയം, ഇടത് സ്ഥാനാർഥി ഒറ്റ ബൂത്തിൽ മാത്രമാണ് ലീഡ് നേടിയത്. മീനടം ഗ്രാമപഞ്ചായത്തിലെ 153-ാം ബൂത്തിൽ 165 വോട്ടിന്റെ ലീഡ് ജെയ്ക് പിടിച്ചു. കൂടാതെ, സ്വന്തം വീട് സ്ഥിതി ചെയ്യുന്ന ബൂത്തിലും മന്ത്രി വി.എൻ വാസവന്റെ ബൂത്തിലും ജെയ്ക് പിന്നിലായി. വി.എൻ വാസവന്റെ ബൂത്തിൽ 241 വോട്ട് മാത്രമാണ് ജെയ്ക്കിന് ലഭിച്ചത്. പുതുപ്പള്ളിയിൽ 13 റൗണ്ടുകളായാണ് വോട്ടെണ്ണൽ നടന്നത്. ഇതിൽ രണ്ടായിരത്തിലധികം വോട്ടുകൾ വീതം ഓരോ റൗണ്ടിലും ചാണ്ടി ഉമ്മൻ ലീഡ് നേടി. ആദ്യ റൗണ്ടിൽ ലീഡ് -2816, രണ്ടാം റൗണ്ടിൽ ലീഡ് -2671, മൂന്നാം റൗണ്ടിൽ ലീഡ് -2911, നാലാം റൗണ്ടിൽ ലീഡ് -2962, അഞ്ചാം റൗണ്ടിൽ ലീഡ് -2989, ആറാം റൗണ്ടിൽ ലീഡ് -2515, ഏഴാം റൗണ്ടിൽ ലീഡ് -2767, എട്ടാം റൗണ്ടിൽ ലീഡ് -2949, ഒമ്പതാം റൗണ്ടിൽ ലീഡ് -2806, പത്താം റൗണ്ടിൽ ലീഡ് -3133, പതിനൊന്നാം റൗണ്ടിൽ ലീഡ് -2510, പന്ത്രണ്ടാം റൗണ്ടിൽ ലീഡ് -2488, പതിമൂന്നാം റൗണ്ടിൽ ലീഡ് -2937, എന്നിങ്ങനെയാണ് ലീഡ് നില.എൽ.ഡി.എഫ് സ്ഥാനാർഥിയായ ജെയ്ക് സി. തോമസിന്റെ മൂന്നാമത്തെ പരാജയമാണ് ഇത്തവണത്തേത്. 2016ലും 2021ലും ഉമ്മൻചാണ്ടിയോട് യഥാക്രമം 27,092ഉം 9,044ഉം വോട്ടിനായിരുന്നു പരാജയം.

പുതുപ്പള്ളിക്ക് പുതു നായകൻ; ചാണ്ടി ഉമ്മന്‍റെ വിജ‍യം റെക്കോർഡ് ഭൂരിപക്ഷത്തിൽ

വിജയം ഉറപ്പെന്ന് ചാണ്ടി ഉമ്മൻ.

പുതുപ്പള്ളി കൂടാതെ അഞ്ച് സംസ്ഥാനങ്ങളിലെ ഉപതെരഞ്ഞെടുപ്പ് നടന്ന ആറ് മണ്ഡലങ്ങളിലെയും ഫലവും ഇന്നറിയാം

ചാണ്ടി ഉമ്മൻ പുതുപ്പള്ളിയിലെ വീട്ടിലും ജെയ്ക് സി. തോമസ് സി.പി.എം ജില്ല കമ്മിറ്റി ഓഫീസിലും ഇരുന്നാണ് ഫലം കാണുക

ചാണ്ടി ഉമ്മൻ റെക്കോഡ് ഭൂരിപക്ഷം നേടുമെന്ന് തിരുവഞ്ചൂർ രാധാക‍ൃഷ്ണൻ.

ശുഭ പ്രതീക്ഷയുണ്ടെന്ന് എൽ.ഡി.എഫ് സ്ഥാനാർഥി ജെയ്ക് സി. തോമസ്.

വോട്ടെണ്ണലിന് തയാറെടുപ്പുകൾ പൂർത്തിയായി, സ്ട്രോങ് റൂമുകൾ ഉടൻ തുറക്കും

ആന എഴുന്നള്ളിപ്പ്: സുപ്രീംകോടതി വിധിയെ സ്വാഗതം ചെയ്ത് തിരുവമ്പാടി...

ഷാൻ വധക്കേസ്: ഹൈകോടതി ജാമ്യം റദ്ദാക്കിയ പ്രതികൾ ഒളിവിൽ;...

ചെന്നിത്തലയോടുള്ള പിണക്കം മറന്ന് എൻ.എസ്.എസ്; മന്നം ജയന്തി...

ബി.ജെ.പി വയനാട് ജില്ല മുന്‍ അധ്യക്ഷന്‍ കെ.പി. മധു കോണ്‍ഗ്രസില്‍

ഒരു ഗഡു ക്ഷേമ പെൻഷൻ കൂടി അനുവദിച്ചു

'ആ കുഞ്ഞ് ഒറ്റക്കാവില്ല'; മുംബൈ ബോട്ട് അപകടത്തിൽ കാണാതായ മലയാളി...

അംബേദ്കറെ അപമാനിക്കുന്നത് രാഷ്ട്രത്തെ അപമാനിക്കുന്നതിനു തുല്യം- രമേശ്...

എം പോക്സ്: കണ്ണൂരിലെ രോഗിയുടെ റൂട്ട്മാപ്പ് പുറത്തുവിട്ടു

ബെവ്കോ വിൽപന ശാലകളിലേക്കും ബാറുകളിലേക്കും കൊണ്ടുപോകുന്ന ലോഡുകൾക്ക് ...

ഹേമ കമ്മിറ്റിക്ക് മൊഴി നൽകാത്തവർക്കും അന്വേഷണ സംഘത്തിന് പരാതി നൽകാം...

കാഞ്ഞിരപ്പള്ളി ഇരട്ട കൊലപാതകം: പ്രതി കുറ്റക്കാരനെന്ന് കോടതി, ശിക്ഷ...

ജാക്കറ്റോ ഉറപ്പുള്ള ഹെൽമറ്റോയില്ല, ഏറു കൊള്ളാതിരുന്നാൽ ഭാഗ്യം;...