അഞ്ചൽ: നിരീക്ഷണ കേന്ദ്രത്തിൽ പാർപ്പിച്ചിരിക്കുന്നവർക്ക് നിരോധിത പുകയില ഉൽപന്നം എത്തിക്കാൻ ശ്രമിച്ച നാല് യുവാക്കളെ അഞ്ചൽ പൊലീസ് അറസ്റ്റ് ചെയ്തു. വടമൺ ജിജോ ഭവനിൽ ജിജോ (36), രഞ്ജിത് ഭവനിൽ രഞ്ജിത് (33), ഏറം ദീപുവിലാസത്തിൽ ദീപു (39), സതീശ് ഭവനിൽ സതീശ് (30) എന്നിവരാണ് അറസ്റ്റിലായത്.
കഴിഞ്ഞദിവസം വൈകുന്നേരം ഏഴോടെ അഞ്ചൽ മെറ്റേണിറ്റി ഹോമിൽ പ്രവർത്തിക്കുന്ന ക്വാറൻറീൻ കേന്ദ്രത്തിലാണ് സംഭവം. ഇവിെട സുഹൃത്തുക്കളെ സന്ദർശിക്കാനെത്തിയതായിരുന്നു നാൽവർ സംഘം. പുകയില ഉൽപന്നങ്ങൾ കൈമാറാനുള്ള ശ്രമത്തെ സ്ഥലത്ത് സെക്യൂരിറ്റി ഡ്യൂട്ടിലുണ്ടായിരുന്ന സന്നദ്ധ പ്രവർത്തകർ തടയാൻ ശ്രമിച്ചപ്പോൾ അവരുമായി വാക്കേറ്റമായി.
വിവരമറിഞ്ഞെത്തിയ പൊലീസ് യുവാക്കളെ അറസ്റ്റ് ചെയ്ത് പുനലൂർ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.