നമുക്ക്​ ഈ ചുരം റോഡ്​ ടിപ്പർ ലോറികൾക്ക്​ എഴുതി​​​ക്കൊടുത്തുകൂടേ സാറമ്മാരേ...?

എത്ര എഴുതിയാലും അഴിമതിയുടെയും സ്വജനപക്ഷപാതങ്ങളുടെയും ഈ കൊടുംവളവുകൾ ഒരിക്കലും നേരെയാകാൻ പോകി​െല്ലന്ന് ഉൽപനറിയാം. എന്നാലും ഈ 'പാതി ലോക്​ഡൗൺ' കാലത്ത്​ താമരശ്ശേരി മുതൽ കൽപറ്റ വരെ യാത്ര ചെയ്​ത അനുഭവത്തി​െൻറ വെളിച്ചത്തിൽ ചിലത്​ ചൂണ്ടിക്കാട്ടാതെ വയ്യ. വഴിനീളെ, ഒരു ടോറസായിരുന്നെങ്കിൽ എന്ന്​ ഏത്​ ബി.എം.ഡബ്ല്യൂക്കാരനും ആശിച്ചുപോവുന്ന കാഴ്​ചകളാവു​േമ്പാൾ പ്രത്യേകിച്ചും.

ഒരു വാഹനമെന്ന നിലയിലല്ല, റോഡിൽ നാം വമ്പൻ ടോറസ്​ ലോറികളെയും ടിപ്പറുകളെയും കാണേണ്ടത്​. അതൊരുതരം എഴുന്നള്ളലാണ്​. റോഡി​െൻറ അധികാരികളെപ്പോലെ അവർ നെഞ്ചുവിരിച്ച്​ നടത്തുന്ന കുതിപ്പുകണ്ടാൽ ആർക്കും അസൂയ തോന്നും. മന്ത്രിമാരുടെ അധികാരഭാവം കടമെടുക്കുന്ന പോലെ മുഴുവൻ സംവിധാനങ്ങളുടെയും ആശീർവാദ​ത്തോടെയാണ്​ നിരത്തിൽ അവയുടെ ഭാവഹാവാദികൾ​. ചുരുങ്ങിയപക്ഷം ദേശീയപാത 766ൽ താമരശ്ശേരി ചുങ്കം ജങ്​ഷൻ മുതൽ അങ്ങ്​ മുത്തങ്ങയും പേര്യയും നിരവിൽപുഴയും പുൽപള്ളിയുമൊക്കെയെത്തുന്ന വഴിക​ളിലൊക്കെ അതങ്ങനെ തന്നെയാണ്​. എല്ലാവരും ഭയഭക്​തിയോടെ അവർക്ക്​ ഒതുങ്ങിക്കൊടുക്കു​ം. പൊലീസ്​ ഏമാന്മാർ സല്യൂട്ടടിക്കുന്നതിനൊത്ത സ്​നേഹ​ത്തോടെ ഒളികണ്ണെറിയും.

അടിവാരം കഴിഞ്ഞ്​ ചുരം കയറിത്തുടങ്ങിയാൽ പിന്നെ ഇപ്പറഞ്ഞ ടിപ്പർ ഭീമന്മാർ രാജാക്കന്മാരാണ്​. കുറ്റം പറയാൻ പറ്റില്ല. മുക്കം ഭാഗത്ത്​ ക്രഷറുകൾ പൂത്തുലയാൻ തുടങ്ങിയ കാലം മുതൽ അവരുടെ ​സ്വന്തം ചുരമാണിത്​. ആംബുലൻസുകൾക്കു പോലും അവരെക്കഴിഞ്ഞേ ഇവിടെ സ്​ഥാനമുള്ളൂ. പണ്ട്​ പ്രളയത്തിൽ ചുരം ഇടിഞ്ഞ കാലത്തുപോലും തങ്ങളുടെ അരുമകൾക്ക്​ അധികാരികൾ നിയന്ത്രണം ഏർപെടുത്തിയിട്ടില്ല. അന്ന്​ മലാപ്പറമ്പിനും എരഞ്ഞിപ്പാലത്തിനുമിടയിൽനിന്ന്​ കടലാസ്​ വന്നപ്പോൾ 'വയറ'ല്ല, ടയറുകളുടെ എണ്ണമാണ്​ പ്രധാനമെന്ന്​ തീർപ്പുകൽപിച്ച കരുതൽ പകർന്നു കിട്ടിയവരാണ്​.

ഇടിഞ്ഞകാലത്ത്​ ഇടതടവില്ലാതെ പാഞ്ഞവർക്ക്​​ കോവിഡ്​ മഹാമാരിക്കാലത്ത്​ എന്തു പേടിക്കാൻ? ഭരിക്കുന്ന തമ്പുരാക്കന്മാർ കനിഞ്ഞ്​ ഒരു മുട്ടും ഈ കാലയളവിലും യാത്രക്കുണ്ടായിട്ടില്ല. കഴിഞ്ഞ വർഷം ലോക്​ഡൗണി​െൻറ ആദ്യനാളിൽ ഒരു വണ്ടിയും ഓടാതിരുന്ന സമയത്ത്​ അൽപം വീട്ടിലിരുന്നുവെന്നു മാത്രം. അരിയും പയറു​ം മരുന്നുമടക്കമുള്ള അവശ്യ സർവിസുകൾ ചുരം കയറ​ട്ടെ എന്ന്​ അരുളപ്പാടുണ്ടായപ്പോൾ ആദ്യം കയറിയെത്തിയത്​ കല്ലും മണലുമൊക്കെയായിരുന്നു. രണ്ടു മാസം മുമ്പ്​ ചുരമിടിഞ്ഞ ശേഷം താൽകാലികമായി നന്നാക്കിയപ്പോഴും അരിയേക്കാൾ മുൻഗണന കിട്ടിയത്​ മണലിന്​. 'താഴെ വെച്ചാൽ ഉറുമ്പരിക്കും, മുകളിൽവെച്ചാൽ പേനരിക്കും' എന്ന കരുതലോടെ ചുരത്തിന്​ താഴെയും മുകളിലു​മുള്ള ഭരണകൂടങ്ങൾ വാത്സല്യം ചൊരിഞ്ഞ്​ വളർത്തുന്നതി​െൻറ മുൻഗണനകളും അതനുസരിച്ചുള്ള അഹങ്കാരവും സ്വാഭാവികം.

ഇവരെ പരിശോധിക്കാൻ വകുപ്പില്ലേ സാറേ?

ഇക്കഴിഞ്ഞ ബുധനാഴ്​ച അവശ്യ യാത്രകൾക്കൊഴികെ മ​റ്റെല്ലാ സഞ്ചാരങ്ങൾക്കും കടുത്ത നിയന്ത്രണമുണ്ട്​. പതിവായി ടിപ്പറുകൾക്കുപിന്നിൽ കൂനിക്കൂടിയുള്ള ചുരം കയറൽ ഇന്നുണ്ടാവില്ലല്ലോ എന്ന ആശ്വാസത്തോടെയാണ്​ ഇരുചക്രവാഹനം സ്​റ്റാർട്ടാക്കിയത്​. താമരശ്ശേരി ചുങ്കം ജങ്​ഷനിലെത്തിയ​പ്പോൾ വലിയ പൊലീസ്​ പട. കൈകാട്ടി നിർത്തി. എങ്ങോട്ടാണ്​? ജോലി കഴിഞ്ഞ്​ മടങ്ങുന്ന വഴിയാണെന്ന്​ ഏമാന്മാരോട്​ പറഞ്ഞുഫലിപ്പിക്കുന്നതിനിടെ മുക്കം റോഡിൽനിന്ന്​ വലിയൊരു ടോറസ്​ വണ്ടി ഗമയോടെ വയനാട്​ റോഡിലേക്ക്​ കയറി കൂളായി മുന്നോട്ടുപോയി. ഒരു പൊലീസുകാരനു​ം കണ്ണുരു​ട്ടി നോക്കിയതു പോലുമില്ല.

ഇതു കണ്ടപ്പോൾ ഉൽപന്​ ഒരാകാംക്ഷ. സാ​​റേ...ഈ ടിപ്പറ​ുകളെയൊന്നും ചെക്ക്​ ചെയ്യാൻ നിങ്ങളുടെ കൈയിൽ വകുപ്പുകളൊന്നുമില്ലേ?. അറിയാതെ ചോദിച്ചു പോയി. 'പിന്നേ.. ഇന്ന്​ രണ്ട്​ ടിപ്പറുകളാണ്​ ഞങ്ങൾ ചെക്കിങ്ങിൽ പിടിച്ചത്​'. പാതി ലോക്​ഡൗണിൽ അമിതഭാരം കയറ്റി ആയിരക്കണക്കിന്​ ടിപ്പറുകൾ ചുരം കയറുന്നതിനിടയിൽ രണ്ടെണ്ണത്തിനെ പരിശോധനയിൽ പിടികൂടിയ വീരസ്യം കേട്ട്​ അറിയാതെ ചിരിച്ചുപോയപ്പോൾ പിന്നിൽനിന്ന്​ മറ്റൊരു നിയമപാലകൻ സീനിലേക്കെത്തി. 'നിങ്ങൾ നമ്മളെ പോലുള്ളവരോട്​ പറഞ്ഞിട്ട്​ എന്ത്​ കാര്യം?' അയാളുടെ ചോദ്യം. 'നിങ്ങളോടെന്നല്ല, ആ​േരാടും പറഞ്ഞിട്ട്​ കാര്യമില്ല. ഇവരൊക്കെയാണ്​ ഈ നാടു ഭരിക്കുന്നത്​ 'എന്ന മറുപടിയോടെ ഞാൻ പതിയെ ടിപ്പറുകൾക്കിടയിലേക്ക്​ ഊളിയിട്ടു.

ലക്കിടിഞ്ഞാലും ലക്കിടി കയറും

അടിവാരം മുതൽ വ്യൂ പോയൻറ്​ വരെ ടിപ്പറുകളൊരുക്കുന്ന പത്​മവ്യൂഹങ്ങൾക്കുള്ളിൽനിന്ന്​ രക്ഷപ്പെട്ട്​ സ്വന്തം ജില്ലയിലേക്ക്​ പ്രവേശിക്കുന്നു. വയനാട്ടിലേക്കുള്ള പ്രവേശന കവാടത്തിനരികെ വീണ്ടും നിയമപാലകരുടെ സംഘം. സൈഡാക്കാൻ ദൂരെനി​ന്നേ നിർദേശം കിട്ടി. അത്യാവശ്യത്തിന്​ യാത്രയാകുന്നവരും നോമ്പുതുറക്കുന്നതിനായി വീടെത്താൻ തിടുക്കമുള്ളവരുമൊ​ക്കെ വിലക്കിൽപെട്ട്​ കിടക്കുന്നു.

ജനമൈത്രിക്കാരുടെ കർശന ചോദ്യങ്ങൾക്ക്​ ഭയഭക്​തി ബഹുമാനങ്ങളോടെ ഉത്തരം നൽകുകയാണ്​ ജനം. ഉൽപനും കിട്ടി കുറേ ചോദ്യങ്ങൾ. എല്ലാത്തിനും മറുപടി പറയുന്നതിനിടയിൽ ചോരത്തിളപ്പുള്ള ഒരു സിവിൽ പൊലീസുകാരൻ കൈയിലിരുന്ന വടി കൊണ്ട്​ എ​െൻറ ബാഗിനൊരു കുത്ത്​. 'ഇതിലെന്താണ്​?' 'അതിൽ കുറച്ച്​ ഡ്രസ്സാണ്​ സാറേ' എന്ന്​ ഞാൻ. ഇതൊക്കെ നടക്കു​േമ്പാഴും ടോറസുകളുടെയും ടിപ്പറുകളുടെയും നീണ്ട നിര ഘോഷയാത്ര പോലെ വയനാട്ടിലേക്ക്​ പ്രവേശിക്കുന്നുണ്ടായിരുന്നു. നിങ്ങൾക്ക്​ അവയെ തടയാൻ ധൈര്യമില്ലാത്തതെന്തേ? എന്ന്​ ചോദിക്കണമെന്നുണ്ടായിരുന്നു. ഇരുമ്പുബോഡിയുടെ ഉള്ളിൽ സ്​റ്റേജിലെ ഉദ്​ഘാടകനെ പോലെ ഇരിക്കുന്ന ടിപ്പർ ഡ്രൈവർമാർ ഞങ്ങളെ പുച്​ഛ​​ത്തോടെ നോക്കു​േമ്പാൾ പ്രത്യേകിച്ചും. താമര​ശ്ശേരിയിലെ മറുപടി മനസ്സിലുള്ളതിനാൽ ചോദ്യവും മനസ്സിൽതന്നെ വെച്ചു.

ആശുപത്രിയിൽ പോകുന്നവർക്ക്​ പോലും സത്യവാങ്​മൂലമടക്കം നൽകാൻ നിയന്ത്രണമുള്ള കാലത്ത്​ ടിപ്പറുകൾ തലങ്ങും വിലങ്ങും ഓടുന്നതുകണ്ടപ്പോൾ ശരിക്കും അമ്പരപ്പും അതിശയവുമൊക്കെ തോന്നുകയാണ്​. ഭക്ഷണ സാധനങ്ങൾ കൊണ്ടുപോകുന്ന വാഹനങ്ങളടക്കം കൂലങ്കഷമായ പരിശോധനകൾക്ക്​ വിധേയമാവു​ന്ന കാലത്ത്​ ഈ ക്വാറി മാഫിയക്ക്​ ആരാണ്​ അവശ്യ സേവനങ്ങളുടെ പരിരക്ഷ നൽകുന്നത്? ചുരുങ്ങിയ പക്ഷം കടുത്ത നിയന്ത്രണങ്ങളുള്ള വേളയിലെങ്കിലും ഇവയെ നിയന്ത്രിക്കേണ്ടതല്ലേ?

ഇഴഞ്ഞിഴഞ്ഞ്​ കയറ്റം, കുതികുതിച്ച്​ ഇറക്കം

ചുരം റോഡ്​ ഇപ്പോൾ ഇടിഞ്ഞുതാഴെച്ചാടുമെന്നു തോന്നുന്ന ഭാരവുമായി മലകയറുേമ്പാൾ ഇഴഞ്ഞിഴഞ്ഞാവും ഇവയുടെ ആരോഹണം. അതുകൊണ്ട്​ സ്​പീഡില്ലെന്നൊന്നും പറഞ്ഞ്​ കൊച്ചാക്കാൻ നോക്കേണ്ട. തിരിച്ചിറങ്ങു​േമ്പാൾ അതി​െൻറ മുതലും പലിശയും തീർത്താകും കുതിപ്പ്​. മുന്നിൽപെട്ടാൽ ആംബുലൻസുകൾക്കും ഒതുക്കിക്കൊടുക്കുകയേ നിർവാഹമുള്ളൂ. സമീപകാലത്ത്​ ചുരത്തിലും പരിസരങ്ങളിലുമുണ്ടായ മിക്ക അപകടങ്ങളിലും ഒരു കക്ഷി ഇവരാണ്​.

മാസ്​ക്​ അണിയാതെയാണ്​ മിക്ക വണ്ടികളുടെയും ഡ്രൈവർമാർ. ​മിക്കപ്പോഴും മൊ​ബൈൽ ഫോണും ഉണ്ടാകും ചെവിയിൽ. അതൊന്നും പ​േക്ഷ, ഒരു പൊലീസും കാണില്ലെന്നു മാത്രം.

സോഷ്യൽ മീഡിയയിലുമുണ്ട്​ ചാവേറുകൾ

'ഈ പാർട്ടിയെക്കുറിച്ച്​ നിങ്ങൾക്ക്​ ഒരു ചുക്കുമറിയില്ല' എന്ന്​ പറഞ്ഞത്​ പോലെയാണ്​ ക്വാറി മാഫിയയുടെ കാര്യം. ക്വാറി-ക്രഷർ മാഫിയയുടെ വ്യാപ്​തിയെക്കുറിച്ച്​ പൊതുജനത്തിന്​ ചുക്കും ചുണ്ണാമ്പുമറിയില്ല. താൽപര്യസംരക്ഷണത്തിന്​ പുറത്തെന്നപോലെ സാമൂഹിക മാധ്യമങ്ങളിലും തരാതരം പോ​ലെ ആളുകളുണ്ടവർക്ക്​. ഒരു ചെറിയ കുറിപ്പുപോലും പോസ്​റ്റ്​ ചെയ്​താൽ വെട്ടുകിളികളെപ്പോലെ അവരെത്തും, രാഷ്​ട്രീയ പാർട്ടികളുടെ സൈബർ വിങ്ങുകളെ വെല്ലുന്ന വാദമുഖങ്ങളുമായി. അന്യായ വിലക്ക്​ സാമഗ്രികൾ വിൽക്കുന്നവരുടെ പ്രധാന ചോദ്യം 'പാവപ്പെട്ടവർക്ക്​ വീടുണ്ടാക്കണ്ടേ' എന്നതാവും. നിങ്ങൾ താഴെയുള്ള കുന്നും മലയും വെട്ടിപ്പൊളിച്ച്​ മുകളിലെത്തിച്ച്​ കൊള്ളവിലക്ക്​ വിറ്റ്​ കാശുണ്ടാക്കിക്കോളൂ...പക്ഷേ, അതിനൊരു മയമൊക്കെ വേണ്ടേ എന്ന്​ ചോദിച്ചാൽ പറ്റില്ലെന്ന്​ തന്നെ അവർ കട്ടായം പറയും.

നിരോധിച്ചില്ലെങ്കിലും അൽപം നിയന്ത്രണമായിക്കൂടേ...?

ഇനി നാളെ മുതൽ യഥാർഥ ലോക്​ഡൗൺ. അതി​െൻറ മുന്നോടിയായി ടോറസ്​ ഭീമന്മാരുടെ വിളയാട്ടമായിരുന്നു കഴിഞ്ഞ ദിവസങ്ങളിൽ. കേരളത്തിലെ മുഴുവൻ ടിപ്പർ ലോറികളും വയനാട്ടിലേക്ക്​ ട്രിപ്പടിക്കുന്ന പ്രതീതി. ​കോടിക്കണക്കിന്​ ടൺ കല്ലും മണലും മെറ്റലുമൊക്കെ കുറഞ്ഞ ദിവസങ്ങൾക്കുള്ളിൽ ടിപ്പറുകളുടെ സ്വന്തം ചുരം കയറി വയനാട്ടിലെത്തിക്കഴിഞ്ഞു. ഇനി ആദിവാസികളും തോട്ടംതൊഴിലാളികളും ചെറുകിട കർഷകരുമടങ്ങിയ പാവപ്പെട്ട വയനാടൻ ജനതക്ക്​ കേരളത്തിലെ ഏറ്റവും ഉയർന്ന വിലക്ക്​ അവ വിറ്റു കാശാക്കണം. അതി​െൻറ ഒരോഹരി അധികാരി വർഗത്തിനും കൊടുക്കണം.

അത്യാഗ്രഹം മൂത്തുള്ള ഇവരുടെ മരണപ്പാച്ചിലിന്​ ഒരു നിയന്ത്രണമൊക്കെ വേണ്ടേ എന്ന്​ വയനാട്​ ചോദിക്കാൻ തുടങ്ങിയിട്ട്​ കാലമേറെയായി. പക്ഷേ, ഒരധികാരിയു​ം അത്​ കേട്ട ഭാവം പോലും നടിക്കാറില്ല. ഇത്രയൊക്കെയായിട്ടും ഇവരെ കണ്ണിലെ കൃഷ്​ണമണി പോലെ അധികാരിവർഗം കൊണ്ടുനടക്കുന്നത്​ കാണു​േമ്പാൾ തൽക്കാലം ഉൽപന്​ ചോദിക്കാൻ ഇത്രയേ ഉള്ളൂ. 'നാളെ തുടങ്ങുന്ന ലോക്​ഡൗണിൽ നമ്മൾക്ക്​ ടിപ്പറുകൾക്ക്​ മാത്രമായി ഈ ചുരം റോഡ്​ തുറന്നുകൊടുത്തുകൂടേ സാറമ്മാരേ..?