നാടും നഗരവും കൈയടക്കി തെരുവുനായ്ക്കൾ; ആശങ്കയായി പേവിഷബാധയും മരണങ്ങളും

തി​രു​വ​ന​ന്ത​പു​രം: തെ​രു​വു​നാ​യ്​ ആ​ക്ര​മ​ണം വീ​ണ്ടും ജീ​വ​നെ​ടു​ക്കു​ന്നു. തെ​രു​വു​നാ​യ്ക്ക​ൾ​ക്ക്​ ഭ​ക്ഷ​ണം കൊ​ടു​ക്കു​ന്ന​തി​നി​ടെ ന​ഖം​കൊ​ണ്ട്​ മു​റി​വേ​റ്റ തി​രു​വ​ന​ന്ത​പു​രം അ​ഞ്ചു​തെ​ങ്ങ്​ സ്വ​ദേ​ശി സ്​​റ്റെ​ഫി​ൻ പെ​രേ​ര​യു​ടെ മ​ര​ണം പേ​വി​ഷ​ബാ​ധ​യേ​റ്റെ​ന്ന്​ സ്ഥി​രീ​ക​രി​ച്ച​തോ​ടെ തീ​ര​മേ​ഖ​ല​യി​ൽ ആ​ശ​ങ്ക വ​ർ​ധി​ച്ചു.

ദി​വ​സ​വും പ​തി​നാ​യി​ര​ത്തി​ല​ധി​കം പേ​ർ​ക്കാ​ണ്​ നാ​യ്ക്ക​ളു​ടെ ക​ടി​യേ​ൽ​ക്കു​ന്ന​ത്. ഇ​തി​നു​പു​റ​മെ, വ​ള​ർ​ത്തു​നാ​യ്ക്ക​ളു​ടെ​യും പൂ​ച്ച​യു​ടെ​യും മ​റ്റു​ ജീ​വി​ക​ളു​ടെ​യും ക​ടി​യേ​റ്റും നി​ര​വ​ധി​പേ​ർ ചി​കി​ത്സ​തേ​ടു​ന്നു. മെ​ഡി​ക്ക​ൽ കോ​ള​ജി​ൽ ചി​കി​ത്സ​തേ​ടി​യ സ്​​റ്റെ​ഫി​ൻ പെ​രേ​ര​ക്ക്​ പേ​വി​ഷ​ബാ​ധ​യു​ടെ ല​ക്ഷ​ണ​ങ്ങ​ളാ​ണു​ണ്ടാ​യ​തെ​ങ്കി​ലും പ​ബ്ലി​ക്​ ഹെ​ൽ​ത്ത്​ ലാ​ബി​ൽ ന​ട​ത്തി​യ ഉ​മി​നീ​രി​ന്‍റെ​യും ത​ല​ച്ചോ​റി​ന്‍റെ​യും സാ​മ്പ്​​ൾ പ​രി​ശോ​ധ​ന ഫ​ലം നെ​ഗ​റ്റി​വാ​ണ്. പോ​സ്റ്റ്​​മോ​ർ​ട്ട​ത്തി​നു​ ശേ​ഷം ശേ​ഖ​രി​ച്ച സാ​മ്പി​ളി​ന്‍റെ പ​തോ​ള​ജി പ​രി​ശോ​ധ​ന​ഫ​ലം ല​ഭി​ക്കു​ന്ന മു​റ​ക്ക്​ മാ​ത്ര​മേ പേ​വി​ഷ​ബാ​ധ സ്ഥി​രീ​ക​രി​ക്കാ​നാ​കൂ​വെ​ന്ന്​ ആ​രോ​ഗ്യ​വ​കു​പ്പ്​ അ​ധി​കൃ​ത​ർ വ്യ​ക്ത​മാ​ക്കി. തെ​രു​വു​നാ​യ്ക്ക​ളെ പ​രി​പാ​ലി​ക്കു​ന്ന​യാ​ളാ​ണ്​ സ്​​റ്റെ​ഫി​ൻ. നാ​യ്ക്ക​ൾ​ക്ക്​ ഭ​ക്ഷ​ണം കൊ​ടു​ക്കു​മ്പോ​ഴാ​ണ്​ മു​റി​വേ​റ്റ​ത്. അ​ത്​ കാ​ര്യ​മാ​ക്കി​യി​ല്ല. ഇ​താ​ണ്​ പേ​വി​ഷ​ബാ​ധ​ക്ക്​ കാ​ര​ണ​മാ​യ​ത​ത്രേ.

കാ​ട്ടു​പൂ​ച്ച ക​ടി​ച്ച്​ പേ​വി​ഷ​ബാ​ധ​യേ​റ്റ്​ അ​ഞ്ച​ൽ സ്വ​ദേ​ശി മ​രി​ച്ച​തും ഞെ​ട്ട​ൽ ഉ​ള​വാ​ക്കി​യി​ട്ടു​ണ്ട്. തീ​ര​മേ​ഖ​ല​യാ​കെ തെ​രു​വു​നാ​യ്ക്ക​ളു​ടെ പി​ടി​യി​ലാ​ണ്. നാ​യ്ക്ക​ളെ നേ​രി​ടാ​ൻ ക​മ്പും വ​ടി​യു​മാ​യാ​ണ്​ പ​ല​രും ഇ​പ്പോ​ൾ റോ​ഡി​ലി​റ​ങ്ങു​ന്ന​ത്. ക​ഴി​ഞ്ഞ​വ​ർ​ഷം 25 പേ​രാ​ണ്​ പേ​വി​ഷ​ബാ​ധ​യേ​റ്റ്​ മ​രി​ച്ച​ത്. എ​ന്നാ​ൽ, ആ​രോ​ഗ്യ​വ​കു​പ്പി​ന്‍റെ അ​ന്തി​മ​ക​ണ​ക്കി​ൽ 16 ആ​ണ്. ഈ ​വ​ർ​ഷം ആ​റു​മാ​സ​ത്തി​നി​ടെ എ​ട്ട്​ മ​ര​ണം റി​പ്പോ​ർ​ട്ട്​ ചെ​യ്തു. തെ​രു​വു​നാ​യ്​ ആ​ക്ര​മ​ണം രൂ​ക്ഷ​മാ​യി​ട്ടും സ​ർ​ക്കാ​ർ സം​വി​ധാ​ന​ങ്ങ​ൾ മെ​ല്ലെ​പ്പോ​ക്കി​ലാ​ണ്. കേ​ന്ദ്ര​നി​യ​മ​മാ​ണ്​ എ​ല്ലാ​റ്റി​നും വി​ല​ങ്ങു​ത​ടി​യെ​ന്ന്​ ത​ദ്ദേ​ശ- മൃ​ഗ​സം​ര​ക്ഷ​ണ വ​കു​പ്പു​ക​ൾ പ​ഴി​ക്കു​മ്പോ​ഴും നി​യ​മ​ത്തി​ന്‍റെ പ​രി​ധി​യി​ൽ​നി​ന്ന്​​ ന​ട​ത്തേ​ണ്ട കാ​ര്യ​ങ്ങ​ൾ പ്രാ​യോ​ഗി​ക​മാ​യി​ല്ല. മു​ൻ​വ​ർ​ഷ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ വ​രും​മാ​സ​ങ്ങ​ൾ തെ​രു​വു​നാ​യ്​ ആ​ക്ര​മ​ണം രൂ​ക്ഷ​മാ​കാ​നാ​ണ്​ സാ​ധ്യ​ത. പേ​വി​ഷ പ്ര​തി​രോ​ധ വാ​ക്​​സി​നേ​ഷ​നും നാ​യ്ക്ക​ളു​ടെ വ​ന്ധ്യം​ക​ര​ണ​വും പേ​രി​നു പോ​ലും ന​ട​ക്കു​ന്നി​ല്ലെ​ന്നാ​ണ്​ ക​ണ​ക്കു​ക​ൾ ന​ൽ​കു​ന്ന സൂ​ച​ന.