പട്ടാമ്പി: ബാലികക്ക് നേരെ ലൈംഗികാതിക്രമം നടത്തിയ കേസിൽ 45കാരനായ രണ്ടാനച്ഛന് 80 വർഷം കഠിനതടവും രണ്ടു ലക്ഷം രൂപ പിഴയും. പട്ടാമ്പി പോക്സോ കോടതി ജഡ്ജി രാമു രമേശ്‌ചന്ദ്ര ഭാനുവാണ് വിധി പറഞ്ഞത്. പ്രതിക്ക് കൂട്ടുനിന്ന പെൺകുട്ടിയുടെ അമ്മക്ക് മൂന്നുവർഷം തടവും ഒരു ലക്ഷം രൂപ പിഴയും വിധിച്ചു. പിഴത്തുക ഇരക്ക് നൽകണം.
2023ലാണ് സംഭവം. ഒമ്പത് വയസുള്ള പെൺകുട്ടിയെ അമ്മയുടെ അറിവോടെ ലൈംഗികാതിക്രമത്തിനിരയാക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്ത കേസിൽ സർക്കിൾ ഇൻസ്പെക്ടർ സതീഷ് കുമാറാണ് അന്വേഷണം നടത്തി കുറ്റപത്രം സമർപ്പിച്ചത്.
നടപടിക്രമങ്ങൾക്ക് എ.എസ്.ഐ ജയൻ സഹായം നൽകി. പ്രോസിക്യൂഷന് വേണ്ടി അഡ്വ. എസ്. നിഷ വിജയകുമാർ ഹാജരായി. പട്ടാമ്പി അസിസ്റ്റന്റ് സബ് ഇൻസ്പെക്ടർ മഹേശ്വരി പ്രോസിക്യൂഷനെ സഹായിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.