നി​യ​മ​ന​ക്കോ​ഴ: ബാ​സി​തി​നെ​യും ഹ​രി​ദാ​സ​നെ​യും റ​യീ​സി​നെ​യും ഒ​രു​മി​ച്ചി​രു​ത്തി ചോ​ദ്യം​ചെ​യ്യും

തി​രു​വ​ന​ന്ത​പു​രം: ആ​രോ​ഗ്യ​മ​ന്ത്രി വീ​ണാ ജോ​ർ​ജി​ന്‍റെ ഓ​ഫി​സി​നെ​തി​രെ ‍ഉ​യ​ർ​ന്ന നി​യ​മ​ന​ക്കോ​ഴ വി​വാ​ദ​ത്തി​ൽ അ​റ​സ്റ്റിലായ മു​ഖ്യ​സൂ​ത്ര​ധാ​ര​നെ​ന്ന് ക​രു​തു​ന്ന എ.ഐ.എസ്.എഫ് മുൻ നേതാവ് കെ.പി ബാ​സി​തിനെ തി​രു​വ​ന​ന്ത​പു​രത്ത് എത്തിച്ചു. മ​ല​പ്പു​റം മ​ഞ്ചേ​രി​ മാ​ലാം​കു​ള​ത്തെ ബ​ന്ധു​വി​ന്റെ വീ​ട്ടി​ൽ ​നി​ന്ന്​ ക​സ്റ്റ​ഡി​യി​ലെ​ടു​ത്ത​ ബാ​സി​തി​നെ പുലർച്ചെയാണ് തി​രു​വ​ന​ന്ത​പു​രം ക​ന്‍റോ​ൺ​മെ​ന്‍റ് സ്റ്റേഷനിൽ എത്തിച്ചത്. 

ബാ​സി​തി​നെ​യും ഹ​രി​ദാ​സ​നെ​യും പൊ​ലീ​സ്‌ ക​സ്റ്റ​ഡി​യി​ലു​ള്ള റ​യീ​സി​നെ​യും ഒ​രു​മി​ച്ചി​രു​ത്തി അന്വേഷണ സംഘം ചോ​ദ്യം​ചെ​യ്യും. മൂ​ന്നു​ ദി​വ​സ​ത്തേ​ക്കാ​ണ് റ​യീ​സി​ന്‍റെ ക​സ്റ്റ​ഡി കാ​ലാ​വ​ധി കോ​ട​തി അ​നു​വ​ദി​ച്ചി​രി​ക്കു​ന്ന​ത്. മൂ​വ​രെ​യും ഇ​രു​ത്തി​യു​ള്ള ചോ​ദ്യം​ചെ​യ്യ​ലി​ൽ ഗൂ​ഢാ​ലോ​ച​ന​യു​ടെ ചു​രു​ള​ഴി​യു​മെ​ന്ന പ്ര​തീ​ക്ഷ​യി​ലാ​ണ് പൊ​ലീ​സ്.

അ​തേ​സ​മ​യം, ര​ണ്ടു​ ദി​വ​സം നീ​ണ്ട ചോ​ദ്യം ചെ​യ്യ​ലി​ൽ കു​റ്റ​സ​മ്മ​തം ന​ട​ത്തി​യ ഹ​രി​ദാ​സ​ന്‍റെ ര​ഹ​സ്യ​മൊ​ഴി ഇന്ന് രേ​ഖ​പ്പെ​ടു​ത്തും. ഇ​തി​നാ​യി ക​ന്‍റോ​ൺ​മെ​ന്‍റ് പൊ​ലീ​സ്‌ തി​രു​വ​ന​ന്ത​പു​രം സി.​ജെ.​എം കോ​ട​തി​യി​ൽ അ​പേ​ക്ഷ ന​ൽ​കി. ഗൂ​ഢാ​ലോ​ച​ന​യി​ൽ നി​ർ​ണാ​യ​ക പ​ങ്കു​ള്ള ഹ​രി​ദാ​സ​നെ​യും പ്ര​തി​ ചേ​ർ​ത്ത്‌ അ​ന്വേ​ഷ​ണ​വു​മാ​യി മു​ന്നോ​ട്ടു​ പോ​കാ​നാ​ണ്‌ പൊ​ലീ​സ്‌ ആ​ലോ​ചി​ക്കു​ന്ന​ത്‌. ഇ​തി​നി​ടെ ര​ണ്ടാം പ്ര​തി ലെ​നി​ൻ രാ​ജി​ന്‍റെ മു​ൻ​കൂ​ർ ജാ​മ്യാ​പേ​ക്ഷ ജി​ല്ല കോ​ട​തി 13നു ​പ​രി​ഗ​ണി​ക്കും.

നി​യ​മ​ന​ക്കോ​ഴ പ​രാ​തി​യി​ൽ ബാ​സി​ത് ത​ന്നെ ഭീ​ഷ​ണി​പ്പെ​ടു​ത്തി ഒ​പ്പി​ടു​വി​പ്പി​ച്ച​താ​ണെ​ന്ന് ഹ​രി​ദാ​സ്​ മൊ​ഴി​ ന​ൽ​കി​യി​രു​ന്നു. മ​ന്ത്രി​യു​ടെ പി.​എ​യു​ടെ പേ​ര്​ പ​റ​ഞ്ഞാ​ൽ അ​ന്വേ​ഷ​ണ​മു​ണ്ടാ​കി​ല്ലെ​ന്ന് ബാ​സി​ത്​ പ​റ​ഞ്ഞെ​ന്നും ഹ​രി​ദാ​സ​ന്‍റെ മൊ​ഴി​യി​ലു​ണ്ട്.