പനവേൽ (മഹാരാഷ്ട്ര): തൃശൂർ കൂർക്കഞ്ചേരിയിൽനിന്ന് കാണാതായ മൂന്ന് സ്കൂൾ വിദ്യാർഥികളെ മഹാരാഷ്ട്രയിലെ പനവേലിൽ കണ്ടെത്തി. ഒമ്പതാം ക്ലാസ് വിദ്യാർഥികളായ രണ്ടു പെൺകുട്ടികളും ഒരാൺകുട്ടിയേയുമാണ് കണ്ടെത്തിയത്.
ഇന്നലെ ഉച്ചയോടെയാണ് മൂവരും പനവേലിൽ എത്തിയത്. പരിസരത്തുള്ള ഹോട്ടലിൽ മുറിയെടുക്കാൻചെന്ന കുട്ടികളെ കണ്ട് സംശയംതോന്നിയ ഹോട്ടലുടമ സുഹൃത്തായ മലയാളിയെ വിളിച്ച് വിവരം അറിയിക്കുകയായിരുന്നു.
മൂവരുടെയും ബന്ധുക്കളും കേരള പൊലീസും ഇന്ന് രാവിലെ മുംബൈയിൽ എത്തും. ഉച്ചയോടെ കുട്ടികളുമായി കൊച്ചിയിലേക്ക് മടങ്ങും.
സ്കൂളിലേക്കുപോയ കുട്ടികൾ മടങ്ങിയെത്താത്തതിനെ തുടർന്ന് രക്ഷിതാക്കൾ ചൊവ്വാഴ്ച പൊലീസിൽ പരാതി നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.