നേമം: ബൈക്ക് സ്കൂട്ടറിലിടിച്ച് സ്‌കൂട്ടര്‍ യാത്രിക മരിച്ചു. പാപ്പനംകോട് കടുക്കത്തറ ലെയിന്‍ ഹൗസ് നമ്പര്‍24 ക്രൈസ്റ്റ് വില്ലയില്‍ ഗീവര്‍ഗീസിന്റെ മകള്‍ അന്നമ്മ മാത്യു (65) ആണ് മരിച്ചത്.
ബുധനാഴ്ച ഉച്ചയ്ക്ക് ഒന്നര മണിക്ക് കരമന-കളിയിക്കാവിള പാതയില്‍ പാപ്പനംകോട് തുലവിളയ്ക്ക് സമീപത്തെ കല്യാണ മണ്ഡപത്തിന് മുന്നിലാണ് അപകടം. സ്‌കൂട്ടറില്‍ വരികയായിരുന്ന അന്നമ്മ മാത്യൂ തുറന്ന മീഡിയനിലൂടെ റോഡ് മുറിച്ചു കടക്കുന്നതിനിടെ നേമം ഭാഗത്ത് നിന്നുമെത്തിയ തമിഴ്നാട് രജിസ്ട്രേഷനിലുള്ള ബൈക്ക് ഇടിക്കുകയായിരുന്നു.
പാപ്പനംകോട്ടെ കേന്ദ്ര സര്‍ക്കാര്‍ സ്ഥാപനമായ സി.എസ്.ഐ.ആര്‍-നിസ്റ്റിലെ മുന്‍ സീനിയര്‍ സ്റ്റെനോഗ്രാഫറാണ് അന്നമ്മ മാത്യു.
മക്കള്‍: ബിരന്‍ കെ. മാത്യു, ബിനു കെ. മാത്യു. നേമം പൊലീസ് മേല്‍നടപടികള്‍ സ്വീകരിച്ചു. മൃതദേഹം തിരുവനന്തപുരം മെഡിക്കല്‍കോളജ് മോര്‍ച്ചറിയില്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.