തിരുവനന്തപുരം: സ്വാശ്രയ മെഡിക്കല്‍ കോളജുകളിലേക്ക്‌ സെപ്തംബര്‍ 28ന് ശേഷം നടത്തിയ എല്ലാ പ്രവേശങ്ങളും റദ്ദാക്കുമെന്ന് ജെയിംസ് കമ്മിറ്റി. മാനേജുമെൻറ് സീറ്റുകളിലേക്ക് 28 ശേഷം പ്രവേശം നടന്നിട്ടുണ്ടെന്ന് കണ്ടെത്തിയാല്‍ കര്‍ശന നടപടിയുണ്ടാകുമെന്നും കമ്മിറ്റി മുന്നറിയിപ്പ് നല്‍കി.
സ്വാശ്രയ മെഡിക്കല്‍ കോളജുകളിൽ സെപ്തംബര്‍ 28 ന് ശേഷം ഏകീകൃത കൗണ്‍സിലിങ്ങിന്റെ അടിസ്ഥാനത്തിലാകണം പ്രവേശമെന്ന സുപ്രീം കോടതി ഉത്തരവിെൻറ അടിസ്ഥാനത്തിലാണ് ജെയിംസ് കമ്മിറ്റിയുടെ നിര്‍ദ്ദേശം.
28 വരെ മാത്രമേ മാനേജ്‌മെന്റുകള്‍ക്ക് നിലവിലെ രീതിയില്‍ പ്രവേശനം നടത്താന്‍ അനുവാദമുള്ളു. ഇതിനു ശേഷം നടന്ന പ്രവേശനങ്ങളെല്ലാം റദ്ദാക്കുമെന്നാണ് കമ്മിറ്റി വ്യക്തമാക്കിയിരിക്കുന്നത്. ഇതുവരെ നടന്നിട്ടുള്ള പ്രവേശനങ്ങളുടെ വിവരങ്ങള്‍ സമര്‍പ്പിക്കാന്‍ സ്വാശ്രയ മാനേജ്‌മെന്റുകള്‍ക്ക് കമ്മറ്റി നിര്‍ദ്ദേശം നല്‍കിയിട്ടുണ്ട്.
വിഷയത്തിൽ കരുണ മെഡിക്കല്‍ കോളജിനെതിരെ ജെയിംസ് കമ്മിറ്റി സുപ്രിംകോടതിയില്‍ ഹരജി നൽകി. പ്രവേശവുമായി ബന്ധപ്പെട്ട രേഖകള്‍ കരുണ മെഡിക്കല്‍ കോളജ് കൈമാറുന്നില്ലെന്ന് കാണിച്ചാണ് ഹരജി.
അതേസമയം, കേരളത്തിന് പ്രവേശനത്തിനുള്ള കാലയളവ് സുപ്രീംകോടതി നീട്ടി നൽകി. ഒക്ടോബർ ഏഴുവരെയാണ് നീട്ടിയത്. 250 സീറ്റുകളിലേക്ക് കൂടി പ്രവേശം നടക്കാനുണ്ടെന്നും അതിനാൽ സമയം നീട്ടി നല്‍കണമെന്നുള്ള കേരളത്തിെൻറ അപേക്ഷയിലാണ് സുപ്രീം കോടതിസമയം നീട്ടി നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.