സേവന നിരക്ക്​ കുത്തനെ കൂട്ടി; വിമാനയാ​ത്ര​ക്കാ​ർ​ക്ക്​ ഇ​രു​ട്ട​ടി

തി​രു​വ​ന​ന്ത​പു​രം: വി​മാ​ന​ത്താ​വ​ള​ത്തി​​ലെ സേ​വ​ന നി​ര​ക്കു​ക​ൾ കു​ത്ത​നെ കൂ​ട്ടി. ജൂ​ലൈ ഒ​ന്നു​മു​ത​ൽ പു​തി​യ നി​ര​ക്കു​ക​ൾ പ്രാ​ബ​ല്യ​ത്തി​ൽ വ​രു​മെ​ന്ന്​ ചൂ​ണ്ടി​ക്കാ​ട്ടി എ​യ​ർ​പോ​ർ​ട്ട് ഇ​ക്ക​ണോ​മി​ക് റെ​ഗു​ലേ​റ്റ​റി അ​തോ​റി​റ്റി ഉ​ത്ത​ര​വി​റ​ക്കി. തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ​നി​ന്നു ക​യ​റു​ന്ന ആ​ഭ്യ​ന്ത​ര​യാ​ത്രി​ക​രു​ടെ യൂ​സ​ർ ഡെ​വ​ല​പ്മെ​ന്റ് ഫീ​സ് 506 രൂ​പ​യാ​യി​രു​ന്ന​ത്​ 770 രൂ​പ​യാ​ക്കി. ഇ​റ​ങ്ങു​ന്ന യാ​​ത്രാ​ക്കാ​രു​ടേ​ത്​ 330 രൂ​പ​യും.

2024 ജൂ​ലൈ ഒ​ന്നു മു​ത​ൽ 2025 മാ​ർ​ച്ച് 31 വ​രെ​യു​ള്ള​താ​ണ്​ ഈ ​നി​ര​ക്ക്. 2025 ഏ​പ്രി​ൽ ഒ​ന്ന്​ മു​ത​ൽ 2026 മാ​ർ​ച്ച് 31 വ​രെ നി​ര​ക്ക്​ വീ​ണ്ടും വ​ർ​ധി​ക്കും. അ​ന്താ​രാ​ഷ്​​​ട്ര യാ​ത്ര​ക്കാ​ർ​ക്ക്​ ഇ​ത്​ ഇ​ര​ട്ട​പ്ര​ഹ​ര​മാ​ണ്. ആ​ഭ്യ​ന്ത​ര യാ​ത്ര​ക്കാ​ർ ന​ൽ​കു​ന്ന​തി​ന്‍റെ ഇ​ര​ട്ടി അ​ന്താ​രാ​ഷ്ട്ര യാ​ത്ര​ക്കാ​ർ ന​ൽ​ക​ണം.

ഭ​ക്ഷ​ണം, പാ​നീ​യം, മ​റ്റ്​ സാ​ധ​ന​ങ്ങ​ളു​ടെ വി​ൽ​പ​ന ഇ​ന​ത്തി​ൽ വ​രും വ​ർ​ഷ​ങ്ങ​ളി​ൽ 102 കോ​ടി വ​രു​മാ​ന​മേ കി​ട്ടൂ എ​ന്ന വി​മാ​ന​ത്താ​വ​ള​ത്തി​ന്‍റെ നി​രീ​ക്ഷ​ണം അ​തോ​റി​റ്റി ത​ള്ളി. 392 കോ​ടി വ​രു​മാ​നം ല​ഭി​ക്കു​മെ​ന്നാ​ണ്​ നി​ഗ​മ​നം. വി​മാ​ന​ങ്ങ​ളു​ടെ ലാ​ൻ​ഡി​ങ്​ ചാ​ർ​ജും കൂ​ട്ടി​യി​ട്ടു​ണ്ട്. വി​മാ​ന​ഭാ​രം ട​ണ്ണി​ന്​ 309 രൂ​പ​യാ​യി​രു​ന്ന​ത് 890 രൂ​പ​യാ​ക്കി. പാ​ർ​ക്കി​ങ്​ ചാ​ർ​ജും കൂ​ട്ടി.

അ​തേ​സ​മ​യം, തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ ടെ​ർ​മി​ന​ൽ വി​പു​ലീ​ക​ര​ണം ഉ​ൾ​പ്പെ​ടെ 1200 കോ​ടി രൂ​പ ചെ​ല​വി​ടാ​ൻ എ.​ഇ.​ആ​ർ.​എ അ​നു​മ​തി ന​ൽ​കി​യ പ​ശ്ചാ​ത്ത​ല​ത്തി​ലാ​ണ്​ സേ​വ​ന​നി​ര​ക്കു​ക​ളി​ൽ മാ​റ്റം വ​രു​ത്തി​യ​തെ​ന്നാ​ണ്​ വി​മാ​ന​ത്താ​വ​ള അ​ധി​കൃ​രു​ടെ വി​ശ​ദീ​ക​ര​ണം. 2016 മു​ത​ൽ 2022 വ​രെ​യു​ള്ള കാ​ല​യ​ള​വി​ൽ എ​യ​ർ​പോ​ർ​ട്ട് അ​തോ​റി​റ്റി​ക്കു​ണ്ടാ​യ ന​ഷ്ടം നി​ക​ത്താ​ൻ 902 കോ​ടി രൂ​പ അ​ദാ​നി എ​യ​ർ​പോ​ർ​ട്ട് മു​ൻ​കൂ​ർ ന​ൽ​ക​ണം. ഇ​തു കൂ​ടി ക​ണ​ക്കി​ലെ​ടു​ത്താ​ണ് പു​തി​യ താ​രി​ഫ്.

ഇ​തു പ്ര​കാ​രം വി​ദേ​ശ​ത്തു നി​ന്ന് ടി​ക്ക​റ്റ് ബു​ക്ക് ചെ​യ്യു​മ്പോ​ൾ പ്ര​വാ​സി​ക​ൾ ന​ൽ​കേ​ണ്ടി വ​ന്നി​രു​ന്ന അ​ധി​ക തു​ക ഒ​ഴി​വാ​ക്കി. നേ​ര​ത്തെ 2200 രൂ​പ​യോ​ളം യൂ​സേ​ഴ്സ് ഫീ ​ന​ൽ​ക​ണ​മാ​യി​രു​ന്നു. യൂ​സേ​ഴ്സ് ഫീ ​ഒ​ഴി​വാ​ക്ക​ണ​മെ​ന്ന​ത്​ പ്ര​വാ​സി സം​ഘ​ട​ന​ക​ളു​ടെ ഏ​റെ​ക്കാ​ല​മാ​യു​ള്ള ആ​വ​ശ്യ​മാ​ണ്.

നി​ര​ക്ക്​ വ​ർ​ധ​ന പി​ൻ​വ​ലി​ക്കാ​ൻ എം.​പി​യു​ടെ ക​ത്ത്​

തി​രു​വ​ന​ന്ത​പ​ുരം: വി​മാ​ന​ത്താ​വ​ള​ത്തി​ലെ യൂ​സ​ർ ഡെ​വ​ല​പ്മെ​ന്റ് ഫീ​സ് വ​ർ​ധ​ന റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട്​ ഡോ. ​ജോ​ൺ ബ്രി​ട്ടാ​സ് എം. ​പി കേ​ന്ദ്ര വ്യോ​മ​യാ​ന​മ​ന്ത്രി കി​ഞ്ജ​രാ​പ്പു രാം​മോ​ഹ​ൻ നാ​യി​ഡു​വി​ന് ക​ത്ത​യ​ച്ചു. നി​ര​ക്ക്​ വ​ർ​ധ​ന വ്യോ​മ​യാ​ന​മേ​ഖ​ല​യെ​യും സ​മ്പ​ദ്ഘ​ട​ന​യെ​യും ദോ​ഷ​ക​ര​മാ​യി ബാ​ധി​ക്കും. തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലെ​യും ഡ​ൽ​ഹി, മും​ബൈ, ബം​ഗ​ളൂ​രു, ഹൈ​ദ​രാ​ബാ​ദ്, കൊ​ച്ചി വി​മാ​ന​ത്താ​വ​ള​ങ്ങ​ളി​ലെ​യും വ​രു​മാ​ന​വും സേ​വ​ന​നി​ര​ക്കു​ക​ളും ക​ത്തി​ൽ താ​ര​ത​മ്യ​പ്പെ​ടു​ത്തി​യി​ട്ടു​ണ്ട്.