ബംബ്രാണയിൽ തീപിടിത്തത്തിൽ വീട്ടുപകരണങ്ങൾ നശിച്ചനിലയിൽ
കുമ്പള (കാസർകോട്): ബംബ്രാണയിൽ വീട് കത്തി നശിച്ചു. വ്യാഴാഴ്ച പുലർച്ചെ ആറോടെയാണ് സംഭവം. ബംബ്രാണ ഹെൽത്ത് സെൻററിന് സമീപത്തെ റഷീദിെൻറ വീടാണ് കത്തിയത്. ബുധനാഴ്ച വൈകുന്നേരം റഷീദിെൻറ ഭാര്യ സുബൈദയും രണ്ടു മക്കളും മഞ്ചേശ്വരത്തുള്ള ഉമ്മയുടെ വീട്ടിലേക്ക് പോയതായിരുന്നു. പുലർച്ചെ വീട്ടിൽനിന്ന് പുക ഉയരുന്നത് കണ്ട അയൽവാസികൾ ജനൽ ഗ്ലാസ് പൊളിച്ചു നോക്കിയപ്പോഴാണ് തീപിടിച്ചതായി മനസ്സിലായത്.
ഉപ്പള ഫയർ ഫോഴ്സ് തീ അണച്ചു. ഫർണിച്ചറുകളും മറ്റുപകരണങ്ങളും പൂർണമായും നശിച്ചു. റെഫ്രിജറേറ്ററിൽനിന്നുള്ള ഷോർട് സർക്യൂട്ടാണ് തീപിടിത്തതിന് കാരണമായത്. അഞ്ചു ലക്ഷത്തിലധികം രൂപയുടെ നഷ്ടം കണക്കാക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.