പശുവിനെ വിറ്റു, അധ്യാപകരും പരിശീലകയും ഒന്നിച്ചു; കൃഷ്ണപ്രിയക്കിത് സ്വ​പ്ന​ സാഫല്യം

കൊ​ല്ലം: പ​റ​യാ​നാ​ണെ​ങ്കി​ൽ ഒ​രു​പാ​ട്​ പ്ര​തി​സ​ന്ധി​ക​ളു​ണ്ട്​ കൃ​ഷ്ണ​പ്രി​യ​ക്ക്. പ​ശു​വി​നെ വി​റ്റ കാ​ശും സ്കൂ​ളി​​ലെ അ​ധ്യാ​പ​ക​രു​ടെ സ​ഹാ​യ​വും പ​രി​ശീ​ല​ക​യു​​ടെ സ​ന്മ​ന​സ്സു​മെ​ല്ലാം ഒ​ത്തു​ചേ​ർ​ന്ന​പ്പോ​ൾ ആ ​പ്ര​തി​ബ​ന്ധ​ങ്ങ​ളെ​ല്ലാം ത​ര​ണം ​ചെ​യ്യ​പ്പെ​ട്ടു. ഇ​തോ​ടെ, സ്കൂ​ൾ ക​​ലോ​ത്സ​വ വേ​ദി എ​ന്ന സ്വ​പ്നം തൃ​ശൂ​ർ വ​ര​ന്ത​ര​പ്പി​ള്ളി സി.​ജെ.​എം.​എ.​എ​ച്ച്.​എ​സ്.​എ​സി​ലെ ഈ ​പ​ത്താം ക്ലാ​സു​കാ​രി യാ​ഥാ​ർ​ഥ്യ​മാ​ക്കി.

കോ​വി​ഡി​നു​മു​മ്പ്​ വ​ര​ന്ത​ര​പ്പി​ള്ളി പ​ഞ്ചാ​യ​ത്ത് ഏ​ർ​​പ്പെ​ടു​ത്തി​യ ​ഫെ​ലോ​ഷി​പ്പാ​ണ് സൗ​ജ​ന്യ​മാ​യി ഓ​ട്ട​ന്തു​ള്ള​ൽ പ​ഠി​ക്കാ​ൻ വ​ഴി​യൊ​രു​ക്കി​യ​ത്. അ​പ്പോ​ഴും ക​ലോ​ത്സ​വ​മൊ​ന്നും മ​ന​സ്സി​ലു​ണ്ടാ​യി​രു​ന്നി​ല്ല. മ​രം​മു​റി​ക്ക് പോ​കേ​ണ്ട​തി​നാ​ൽ പി​താ​വ്​ കു​മാ​ര​ന് കൃ​ഷ്ണ​പ്രി​യ​ക്കൊ​പ്പം വ​രാ​നാ​യി​ല്ല, ബേ​ക്ക​റി ജീ​വ​ന​ക്കാ​രി​യാ​യ മാ​താ​വ്​ ഓ​മ​ന ര​ണ്ടു ദി​വ​സ​ത്തെ അ​വ​ധി​യെ​ടു​ത്തു. മ​ക​ൾ എ​ന്താ​ണ് അ​വ​ത​രി​പ്പി​ച്ച​തെ​ന്ന് ചോ​ദി​ച്ചാ​ൽ..‘‘​അ​യ്യോ അ​തൊ​ന്നും എ​നി​ക്ക​റി​യി​ല്ല..​ഞാ​നി​തൊ​ന്നും പ​ഠി​ച്ചി​ട്ടി​ല്ല’’ ചി​രി​ച്ചു​കൊ​ണ്ട് ഓ​മ​ന​യു​ടെ മ​റു​പ​ടി. ര​ണ്ട​റ്റം കൂ​ട്ടി​മു​ട്ടി​ക്കാ​ൻ ജീ​വി​ത​സാ​ഹ​ച​ര്യ​ങ്ങ​ളോ​ട് പ​ട​വെ​ട്ടു​ന്ന ഇ​വ​രി​ൽ നി​ന്ന് സ്വാ​ഭാ​വി​ക​മാ​യു​മു​യ​രാ​വു​ന്ന പ്ര​തി​ക​ര​ണം മ​രം​മു​റി​ക്കു​പു​റ​മെ, പി​താ​വ്​ മ​റ്റ് കൂ​ലി​പ്പ​ണി​ക്ക് പോ​കും. ഓ​മ​ന​ക്ക് പാ​റ​മേ​ക്കാ​വി​ന് സ​മീ​പ​ത്തെ ബേ​ക്ക​റി​യി​ലാ​ണ് ജോ​ലി. കു​റ​ച്ച്​ വാ​ഴ​കൃ​ഷി​യു​ണ്ട്. ക​റ​വ​യു​ള്ള പ​ശു​വു​ണ്ടാ​യി​രു​ന്നു. പാ​ല് കു​റ​ഞ്ഞ​തോ​ടെ അ​തി​നെ വി​റ്റു. പ​ക്ഷേ, മ​ക​ളു​ടെ സ്വ​പ്ന​ത്തി​ലേ​ക്കു​ള്ള യാ​ത്ര​യി​ൽ ഈ ​പ​ശു​വി​നെ വി​റ്റ കാ​ശും ഉ​പ​കാ​ര​മാ​യി. സ്കൂ​ളി​ലെ അ​ധ്യാ​പി​ക​മാ​രാ​ണ്​ എ​ല്ലാ​വി​ധ പി​ന്തു​ണ​യും ന​ൽ​കി​യ​ത്. ചെ​ല​വു​ക​ൾ വ​ഹി​ക്കാ​മെ​ന്നേ​റ്റു. തു​ള്ള​ൽ പ​ഠി​പ്പി​ക്കാ​നെ​ത്തി​യ ക​വി​ത ഗീ​താ​ന​ന്ദ​നും കൃ​ഷ്ണ​പ്രി​യ​യു​ടെ സാ​ഹ​ച​ര്യ​ങ്ങ​ൾ മ​ന​സ്സി​ലാ​ക്കി​യ​തോ​ടെ പ്ര​തി​ഫ​ല​വും വേ​ണ്ടെ​ന്നു​വെ​ച്ചു. വേ​ഷ​വി​ധാ​ന​ങ്ങ​ൾ​ക്ക് 25000 ഓ​ളം രൂ​പ ചെ​ല​വ് വ​രും. ഇ​ത് ഒ​രു രൂ​പ​പോ​ലും വാ​ങ്ങാ​തെ ക​വി​ത ഏ​ർ​പ്പാ​ടാ​ക്കി.

മ​റ്റ് പ​ല മ​ത്സ​രാ​ർ​ഥി​ക​ളും വ​ലി​യ സം​ഘ​മാ​യി വാ​ഹ​ന​ങ്ങ​ളി​ലെ​ത്തി ഹോ​ട്ട​ലു​ക​ളി​ലാ​ണ് ത​ങ്ങു​ന്ന​ത്. അ​തി​നു​മാ​ത്രം ശേ​ഷി​യി​ല്ലാ​ത്ത​തി​നാ​ൽ മ​ക​ൾ​​ക്കൊ​പ്പം തൃ​ശൂ​രി​ൽ നി​ന്ന് കെ.​എ​സ്.​ആ​ർ.​ടി.​സി ബ​സാ​യി​രു​ന്നു ആ​ശ്ര​യം. കൊ​ല്ല​ത്ത് ക​ലോ​ത്സ​വ സം​ഘാ​ട​ക സ​മി​തി ഏ​ർ​പ്പെ​ടു​ത്തി​യ താ​മ​സ​സൗ​ക​ര്യം. മ​ത്സ​ര​ഫ​ലം വ​ന്ന് എ ​ഗ്രേ​ഡ് ആ​ണെ​ന്നു​റ​പ്പി​ച്ച​യു​ട​ൻ ചി​ന്ന​ക്ക​ട​യി​​ലേ​ക്ക് പാ​ച്ചി​ലാ​യി​രു​ന്നു. തൃ​​ശൂ​രേ​ക്കു​ള്ള ബ​സി​ൽ ര​ണ്ട് സീ​റ്റ് പി​ടി​ക്കാ​ൻ.