മലപ്പുറം: സഹപാഠിയായ പെൺകുട്ടിയുമായി സംസാരിച്ചതിന് മലപ്പുറത്ത് അധ്യാപകൻ വിദ്യാർഥിയെ മർദിച്ചതായി പരാതി. മലപ്പുറം ഒഴുകൂർ ക്രസന്‍റ് ഹയർ സെക്കന്‍ഡറി സ്‌കൂളിലാണ് സംഭവം. ഒമ്പതാം ക്ലാസുകാരനായ വിദ്യാർഥിയെയാണ് അധ്യാപകൻ മർദിച്ചത്. സംഭവത്തിൽ സ്കൂളിലെ സുബൈർ എന്ന അധ്യാപകനെതിരെ വിദ്യാർഥി ചൈൽഡ് ലൈനിൽ പരാതി നൽകിയിട്ടുണ്ട്.
ചൊവ്വാഴ്ച ഉച്ചയോടെയായിരുന്നു സംഭവം. വിദ്യാർഥി സഹപാഠിയായ പെൺകുട്ടിയുമായി സംസാരിക്കുന്നതിന്‍റെ ദൃശ്യങ്ങൾ പകർത്തിയ സുബൈർ വിദ്യാർഥിയെ മർദിക്കുകയായിരുന്നു. ക്ലാസിലെ മറ്റ് കുട്ടികളുടെ മുന്നിൽ വെച്ച് മോശമായി സംസാരിക്കുകയും വടി കൊണ്ട് പല തവണ അടിക്കുകയുമായിരുന്നുവെന്നും കുട്ടിയുടെ മാതാവ് പറഞ്ഞു.
വിദ്യാർഥി കൊണ്ടോട്ടി താലൂക്ക് ആശുപത്രിയിൽ ചികിത്സയിലാണ്. മർദനത്തിൽ കുട്ടിയുടെ കാലിനും മറ്റ് ശരീരഭാഗങ്ങൾക്കും പരിക്കേറ്റിട്ടുണ്ട്.
അതേസമയം സംഭവം ശ്രദ്ധയിൽപ്പെട്ടിട്ടില്ലെന്നും അധ്യാപകനിൽ നിന്ന് വിശദീകരണം തേടിയ ശേഷം മറ്റ് നടപടികൾ സ്വീകരിക്കുമെന്നും സ്കൂൾ അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.