തിരുവനന്തപുരം: എടത്വ സെന്‍റ് ജോർജ് ഫെറോന പള്ളിയിലെ പെരുന്നാളിനോടനുബന്ധിച്ച് മൂന്ന് ട്രെയിനുകൾക്ക് തിരുവല്ലയിലും നാല് ട്രെയിനുകൾക്ക് അമ്പലപ്പുഴയിലും താൽകാലിക സ്റ്റോപ് അനുവദിച്ചു.
ഏപ്രിൽ 30, മേയ് ഏഴ്,14 തീയതികളിലെ തിരുവനന്തപുരം-ഹസ്രത്ത് നിസാമുദ്ദീൻ എക്സ്പ്രസ് (22653 പുലർച്ചെ 2.40), കന്യാകുമാരിയിൽ നിന്ന് ഏപ്രിൽ 28, മേയ് അഞ്ച്, മേയ് 12 തീയതികളിൽ പുറപ്പെടുന്ന കന്യാകുമാരി-ദിബ്രുഗർ വിവേക് വീക്ക്ലി എക്സ്പ്രസ് (15905, രാത്രി 9.45), മേയ് രണ്ട്, അഞ്ച് തീയതികളിൽ നിസാമുദ്ദീനിൽനിന്ന് പുറപ്പെടുന്ന നിസാമുദ്ദീൻ-തിരുവനന്തപരം വീക്ക്ലി സൂപ്പർഫാസ്റ്റ് (22654, പുലർച്ചെ 1.50) ട്രെയിനുകൾക്കാണ് തിരുവല്ലയിൽ സ്റ്റോപ്പനുവദിച്ചത്.
ഏപ്രിൽ 27 മുതൽ മേയ് 13 വരെയുള്ള തീയതികളിൽ ചെന്നൈ എഗ്മോർ-ഗുരുവായൂർ എക്സ്പ്രസ് (16127,പുലർച്ചെ 1.41), ഗുരുവായൂർ-ചെന്നൈ എഗ്മോർ എക്സ്പ്രസ് (16128, പുലർച്ചെ 2.30), മേയ് ഒന്നിനും എട്ടിനും തിരുനെൽവേലിയിൽനിന്ന് യാത്ര തുടങ്ങുന്ന തിരുനെൽവേലി-ബിലാസ്പൂർ സൂപ്പർഫാസ്റ്റ് (22620, രാവിലെ 6.44), മേയ് രണ്ട്, മൂന്ന്, ഒമ്പത്, 10 തീയതികളിൽ തിരുനെൽവേലിയിൽനിന്ന് ആരംഭിക്കുന്ന തിരുനെൽവേലി-ജാംനഗർ എക്സ്പ്രസ് (19577, ഉച്ചയ്ക്ക് 1.18) ട്രെയിനുകൾക്കാണ് അമ്പലപ്പുഴയിലെ താൽകാലിക സ്റ്റോപ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.