പൊലീസ്​ നിർമിക്കുന്ന ഭീകരവാദികൾ

കേ​ര​ളം സ​മീ​പ​കാ​ല​ത്ത്​ സാ​ക്ഷ്യം​വ​ഹി​ച്ച ഏ​റ്റ​വും വ​ലി​യ ഭീ​ക​രാ​ക്ര​മ​ണ​മാ​ണ്​ സം​സ്ഥാ​ന​ത്തി​​ന്റെ വാ​ണി​ജ്യ​ത​ല​സ്ഥാ​ന​മാ​യ എ​റ​ണാ​കു​ള​ത്തി​​ന്റെ ഹൃ​ദ​യ​ഭാ​ഗ​ത്ത്​ ക​ള​മ​ശ്ശേ​രി​യി​ൽ യ​ഹോ​വ സാ​ക്ഷി​ക​ളു​ടെ ക​ൺ​വെ​ൻ​ഷ​നി​ലു​ണ്ടാ​യ ബോം​ബ്​ സ്​​ഫോ​ട​നം. തി​ക​ച്ചും കു​റ്റ​മ​റ്റ രീ​തി​യി​ൽ ജാ​ഗ്ര​ത​യോ​ടെ സം​ഭ​വം അ​ന്വേ​ഷി​ക്ക​ണ​മെ​ന്നും സാ​മു​ദാ​യി​ക ഭ​ദ്ര​ത​ക്ക്​ പോ​റ​ൽ വ​രു​ത്ത​രു​ത്​ എ​ന്നു​മാ​യി​രു​ന്നു കേ​സ്​ സം​ബ​ന്ധി​ച്ച്​ കേ​ര​ള സ​ർ​ക്കാ​റി​​ന്റെ​യും ​​പൊ​തു​സ​മൂ​ഹ​ത്തി​​ന്റെ​യും നി​ല​പാ​ട്. എ​ന്നാ​ൽ, നി​ര​വ​ധി ജീ​വ​നു​ക​ൾ ന​ഷ്​​ട​പ്പെ​ടു​ത്തി​യ, ഒ​ട്ട​ന​വ​ധി പേ​ർ​ക്ക്​ ഗു​രു​ത​ര പ​രി​ക്കേ​ൽ​പി​ച്ച ഈ ​ഭീ​ക​ര​കൃ​ത്യം സം​ഭ​വി​ച്ച​ത​റ​ിഞ്ഞ മാ​ത്ര​യി​ൽ ഇ​ത്ത​ര​മൊ​രു അ​വ​സ​ര​ത്തി​നാ​യി ത​ക്കം​പാ​ത്തി​രു​ന്ന സം​സ്ഥാ​ന​ത്തെ വ​ർ​ഗീ​യ തീ​വ്ര​വാ​ദ ഗ്രൂ​പ്പു​ക​ളും അ​വ​രു​ടെ മാ​ധ്യ​മ​ശി​ങ്കി​ടി​ക​ളും ചേ​ർ​ന്ന്​ കു​റ്റ​കൃ​ത്യം സം​ബ​ന്ധി​ച്ച്​ ഊ​ഹാ​പോ​ഹ​ങ്ങ​ളും സി​ദ്ധാ​ന്ത​ങ്ങ​ളും നി​ർ​മി​ക്കു​ക​യും പ​ര​ത്തു​ക​യും ചെ​യ്​​തു​കൊ​ണ്ടി​രു​ന്നു.

ഇ​ത്ത​ര​ക്കാ​രെ നി​ല​ക്കു​നി​ർ​ത്തി യ​ഥാ​ർ​ഥ കു​റ്റ​വാ​ളി​യെ ക​ണ്ടെ​ത്താ​ൻ ചു​മ​ത​ല​പ്പെ​ട്ട പൊ​ലീ​സ്​ അ​ന്നേ​രം എ​ന്താ​ണ്​ ചെ​യ്​​ത​ത്​? ആ​ലു​വ​ക്ക​ടു​ത്തു​നി​ന്ന്​ നി​സാം, അ​ബ്​​ദു​ൽ​സ​ത്താ​ർ എ​ന്നീ ചെ​റു​പ്പ​ക്കാ​രെ ത​ണ്ട​ർ​ബോ​ൾ​ട്ടി​​ന്റെ അ​ക​മ്പ​ടി​യോ​ടെ ക​സ്​​റ്റ​ഡി​യി​ലെ​ടു​ത്ത്​ സ്​​റ്റേ​ഷ​നി​ലേ​ക്ക്​ കൊ​ണ്ടു​പോ​യി, വേ​റെ​യും ചി​ല മു​സ്‍ലിം സം​ഘ​ട​നാ പ്ര​വ​ർ​ത്ത​ക​രെ നി​രീ​ക്ഷി​ച്ചും ക​സ്​​റ്റ​ഡി​യി​ലെ​ടു​ത്തും കേ​സി​ന്​ തു​മ്പു​ണ്ടാ​ക്കി വി​ശി​ഷ്​​ട സേ​വാ മെ​ഡ​ലും താ​മ്ര​പ​ത്ര​ങ്ങ​ളും ത​ര​പ്പെ​ടു​ത്താ​ൻ ത​ത്ര​പ്പെ​ടു​ന്ന​തി​നി​ട​യി​ലാ​ണ്​

ഭീ​ക​രാ​ക്ര​മ​ണം ന​ട​ത്തി​യ ഡൊ​മിനി​ക്​ മാ​ർ​ട്ടി​ൻ എ​ന്ന വ്യ​ക്തി ഫേ​സ്​​ബു​ക്ക് ലൈ​വി​ൽ പ്ര​ത്യ​ക്ഷ​പ്പെ​ട്ട്​ കാ​ര്യ​ങ്ങ​ൾ തു​റ​ന്നു​പ​റ​ഞ്ഞ്​ ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ക​യും പൊ​ലീ​സ്​ സ്​​റ്റേ​ഷ​നി​ലെ​ത്തി കീ​ഴ​ട​ങ്ങു​ക​യും ചെ​യ്​​ത​ത്.

സം​ഭ​വം ന​ട​ന്ന്​ മ​ണി​ക്കൂ​റു​ക​ൾ​ക്ക​കം അ​ക്ര​മ​വു​മാ​യി ഒ​രു​വി​ധ​ത്തി​ലും ബ​ന്ധ​മി​ല്ലാ​ത്ത ആ​ളു​ക​ളെ പ്ര​തി​സ്ഥാ​ന​ത്ത്​ പ്ര​തി​ഷ്​​ഠി​ക്കാ​ൻ പൊ​ലീ​സി​നെ പ്രേ​രി​പ്പി​ച്ച​ത്​ ഈ ​സേ​ന​യി​ലെ ഒ​രു വി​ഭാ​ഗ​ത്തി​​ന്റെ മ​ന​സ്സി​ൽ രൂ​ഢ​മൂ​ല​മാ​യ മു​സ്‍ലിം വി​രോ​ധം മാ​ത്ര​മാ​ണ്. ഇ​വ​രു​ടെ മു​ൻ​കാ​ല ച​രി​ത്രം പ​രി​ശോ​ധി​ച്ച്​ മു​ൻ​ക​രു​ത​ൽ ന​ട​പ​ടി എ​ന്ന നി​ല​യി​ലാ​ണ്​ ക​സ്​​റ്റ​ഡി​യി​ലെ​ടു​ത്ത​തെ​ന്നാ​ണ്​ പൊ​ലീ​സ്​ ഇ​​തു സം​ബ​ന്ധി​ച്ച്​ വി​ശ​ദീ​ക​രി​ച്ച​ത്.

എ​ന്താ​ണീ മു​ൻ​കാ​ല ച​രി​ത്രം? പൊ​ലീ​സ്​ കെ​ട്ടി​ച്ച​മ​ച്ച, സു​പ്രീം​കോ​ട​തി​യി​ൽ പൊ​ളി​ഞ്ഞ​ടു​ങ്ങി​യ പാ​നാ​യി​ക്കു​ളം ‘സി​മി കേ​സി​ലെ’​പ്ര​തി​പ്പട്ടി​ക​യി​ലു​ൾ​പ്പെ​ട്ടി​രു​ന്നു എ​ന്ന​താ​ണ്​ നി​സാ​മി​​ന്റെ ച​രി​ത്രം. രാ​ജ്യ​ത്തെ പ​ര​മോ​ന്ന​ത കോ​ട​തി കു​റ്റ​മു​ക്ത​നാ​ക്കി​യ ഒ​രു പൗ​ര​നെ​തി​രെ മു​ൻ​വി​ധി വെ​ച്ച് പു​ല​ർ​ത്തു​ന്ന ​ പൊ​ലീ​സ്​ സം​ഘം നീ​തി​ന്യാ​യ വ്യ​വ​സ്ഥ​ക്ക്​ എ​ത്ര​ക​ണ്ട്​ വി​ല​ക​ൽ​പി​ക്കു​ന്നെ​ന്ന്​ വ്യ​ക്തം.

പൊ​ലീ​സ്​ കാ​ണി​ച്ച അ​രു​താ​യ്​​മ റി​പ്പോ​ർ​ട്ട്​ ചെ​യ്​​ത​തി​ന്​ യു​വ മാ​ധ്യ​മ​പ്ര​വ​ർ​ത്ത​ക​ൻ റി​ജാ​സ്​ എം. ​ഷീ​ബ സി​ദ്ദീ​ഖി​നെ​തി​രെ​യും കേ​സെ​ടു​ത്തു. ഇ​താ​ദ്യ​മാ​യ​ല്ല നി​സാ​മി​നെ ഇ​ത്ത​ര​ത്തി​ൽ കു​രു​ക്കാ​ൻ ശ്ര​മി​ക്കു​ന്ന​ത്. നാ​ട്ടി​ൽ എ​വി​ടെ പ്ര​ശ്​​ന​ങ്ങ​ളു​ണ്ടാ​യാ​ലും പൊ​ലീ​സ്​ വ​ന്ന്​ വാ​തി​ൽ മു​ട്ടാ​ൻ തു​ട​ങ്ങി​​യ​തോ​ടെ നാ​ട്ടു​കാ​രും അ​യ​ൽ​വാ​സി​ക​ൾ പോ​ലും സം​ശ​യ​ക്ക​ണ്ണോ​ടെ നോ​ക്കാ​ൻ തു​ട​ങ്ങി. ആ​റി​ലേ​റെ വാ​ട​ക​വീ​ടു​ക​ൾ ഒ​ഴി​ഞ്ഞു കൊ​ടു​ക്കേ​ണ്ടി​വ​ന്നു. പാ​നാ​യി​ക്കു​ളം കേ​സി​ൽ സു​പ്രീം​കോ​ട​തി വെ​റു​തെ​വി​ട്ട മ​റ്റു യു​വാ​ക്ക​ളും പ​ല​പ്പോ​ഴും ഇ​ത്ത​ര​ത്തി​ൽ വേ​ട്ട​യാ​ട​പ്പെ​ടു​ന്നു​ണ്ട്. പാ​നാ​യി​ക്കു​ളം കേ​സി​​ന്റെ തി​ര​ക്ക​ഥ കെ​ട്ടി​ച്ച​മ​ച്ച​തു ത​ന്നെ മു​സ്‍ലിം യു​വാ​ക്ക​ളെ​യും പ്ര​ഫ​ഷ​ന​ലു​ക​ളെ​യും സം​ശ​യ​നി​ഴ​ലി​ൽ നി​ർ​ത്തു​ക എ​ന്ന സം​ഘ്പ​രി​വാ​ർ ഗൂ​ഢ​പ​ദ്ധ​തി​യു​ടെ ഭാ​ഗ​മാ​യി​രു​ന്നെ​ന്ന ആ​രോ​പ​ണം ശ​രി​വെ​ക്കു​ന്ന​താ​ണ്​ ഈ ​സം​ഭ​വ​ങ്ങ​ൾ.

2006 ആ​ഗ​സ്​​റ്റ്​ 15ന്​ ​പാ​നാ​യി​ക്കു​ള​ത്തെ ഹാ​പ്പി ഓ​ഡി​റ്റോ​റി​യ​ത്തി​ൽ ബാ​ന​ർ കെ​ട്ടി, നോ​ട്ടീ​സ​ടി​ച്ച്​ ഇ​ന്ത്യ​ൻ സ്വാ​ത​ന്ത്ര്യ​സ​മ​ര ച​രി​ത്ര​ത്തി​ലൂ​ന്നി ന​ട​ത്തി​യ പൊ​തു​പ​രി​പാ​ടി​യെ നി​രോ​ധി​ത വി​ദ്യാ​ർ​ഥി സം​ഘ​ട​ന​യു​ടെ ര​ഹ​സ്യ​യോ​ഗ​മെ​ന്ന്​ മു​ദ്ര​കു​ത്തി ഭീ​ക​ര​വാ​ദ കേ​സാ​ക്കി മാ​റ്റു​ക​യാ​യി​രു​ന്നു പൊ​ലീ​സ്. ര​ണ്ടു​വ​ർ​ഷ​ത്തി​നു ശേ​ഷ​വും ഭീ​ക​ര ബ​ന്ധം സ്ഥാ​പി​ക്കാ​നാ​വാ​തെ വ​ന്ന​തോ​ടെ കേ​സ​ന്വേ​ഷ​ണം അ​വ​സാ​നി​പ്പി​ക്കാ​ൻ തു​നി​യു​ന്ന​തി​നി​ട​യി​ൽ ഭീ​ക​ര​വാ​ദ വി​രു​ദ്ധ സ്​​ക്വാ​ഡി​ന്​ (എ.​ടി.​എ​സ്)​കേ​സ്​ കൈ​മാ​റി.

അ​ന്വേ​ഷ​ണം ഏ​റ്റെ​ടു​ത്ത എ​സ്. ശ​ശി​ധ​ര​ൻ എ​ന്ന പൊ​ലീ​സു​ദ്യോ​ഗ​സ്ഥ​ൻ ക​ള്ള​സാ​ക്ഷി​ക​ളെ ഒ​രു​ക്കി​യും വ്യാ​ജ​തെ​ളി​വു​ക​ൾ സൃ​ഷ്​​ടി​ച്ചു​മെ​ല്ലാം കേ​സി​ന്​ ടെ​റ​ർ പ​രി​വേ​ഷം ചാ​ർ​ത്താ​ൻ സ​ക​ല പ​ണി​ക​ളും നോ​ക്കി. ശ​ശി​ധ​ര​ന്റെ സം​ഘം പി​ടി​കൂ​ടി കേ​സി​ൽ പ്ര​തി​ചേ​ർ​ത്ത ​പോ​ളി​ടെ​ക്​​നി​ക്​ വി​ദ്യാ​ർ​ഥി​ക്ക്​ പ​രീ​ക്ഷ​യ​ടു​ത്ത സാ​ഹ​ച​ര്യ​ത്തി​ൽ പൂ​ർ​ണ​മാ​യും നി​യ​മ​ങ്ങ​ൾ പാ​ലി​ച്ച്​ ജാ​മ്യം ന​ൽ​കി​യ​തി​​ന്റെ പേ​രി​ൽ ത​നി​ക്ക്​ സി​മി ബ​ന്ധ​മു​ണ്ടെ​ന്ന്​ റി​പ്പോ​ർ​ട്ട്​ ന​ൽ​കു​ക​യും സ​ർ​വി​സി​ൽ നി​ന്ന്​ തെ​റി​പ്പി​ക്കാ​നും ശ്ര​മി​ച്ച​താ​യി അ​ന്ന​ത്തെ പ​റ​വൂ​ർ മ​ജി​സ്​​ട്രേ​റ്റ്​ എം. ​താ​ഹ ഈ​യി​ടെ തു​റ​ന്നു പ​റ​ഞ്ഞി​രു​ന്നു.

മ​ജി​സ്​​ട്രേ​റ്റി​​ന്റെ വി​ശ്വാ​സ്യ​ത​യെ​ക്കു​റി​ച്ച്​ ഉ​ന്ന​ത ന്യാ​യാ​ധി​പ​ർ​ക്കും സ​ഹ​പ്ര​വ​ർ​ത്ത​ക​ർ​ക്കും കൃ​ത്യ​മാ​യി ബോ​ധ്യ​മു​ണ്ടാ​യി​രു​ന്നെ​ങ്കി​ലും എ.​ടി.​എ​സ്​ ന​ൽ​കി​യ റി​പ്പോ​ർ​ട്ടി​നെ​ത്തു​ട​ർ​ന്ന്​ താ​ഹ​യെ രാ​യ്​​ക്കു​രാ​മാ​നം സ്ഥ​ലം മാ​റ്റി അ​ഭ്യ​ന്ത​ര അ​ന്വേ​ഷ​ണം ന​ട​ത്തി. തി​ക​ച്ചും അ​ടി​സ്ഥാ​ന ര​ഹി​ത​മാ​യ ആ​രോ​പ​ണ​മാ​ണെ​ന്ന്​ വ്യ​ക്ത​മാ​യെ​ങ്കി​ലും പി​ന്നീ​ടു​ള്ള ത​​ന്റെ സ​ർ​വി​സ്​ കാ​ല​ത്ത്​ ഈ ​സം​ഭ​വം നെ​ഞ്ചി​ലെ നീ​റ്റ​ലാ​യി തു​ട​ർ​ന്നു​വെ​ന്ന്​ താ​ഹ പ​റ​യു​ന്നു. നീ​തി​യു​ക്തം പ്ര​വ​ർ​ത്തി​ച്ച ന്യാ​യാ​ധി​പ​ന്​ നേ​രെ അ​ത്യ​ന്തം ഗു​രു​ത​ര​മാ​യ ക​ള്ള ആ​രോ​പ​ണം ചാ​ർ​ത്തി​യ പൊ​ലീ​സേ​മാ​നാ​ക​ട്ടെ, രാ​ഷ്​​ട്ര​പ​തി​യു​ടെ പൊ​ലീ​സ്​ മെ​ഡ​ലും നേ​ടി​യെ​ടു​ത്തു.

പാ​നാ​യി​ക്കു​ളം കേ​സി​ൽ കു​റ്റ​മു​ക്ത​നാ​ക്ക​പ്പെ​ട്ട റാ​സി​ഖ്​ റ​ഹീം ഇ​ക്കാ​ല​ത്തെ ഒ​രു സം​ഭ​വം ഫേ​സ്​​ബു​ക്കി​ൽ രേ​ഖ​പ്പെ​ടു​ത്തി. എ​ൻ.​ഐ.​എ കോ​ട​തി​യി​ൽ കേ​സ്​ വി​ചാ​ര​ണ തു​ട​ങ്ങാ​നി​രി​​ക്കെ, പ്രോ​സി​ക്യൂ​ട്ട​ർ മ​നു (ഈ​യി​ടെ സ്​​ത്രീ​പീ​ഡ​ത്തി​ന്​ പി​ടി​യി​ലാ​യ​യാ​ൾ) എ​ഴു​ന്നേ​റ്റു​നി​ന്ന്​ ജ​ഡ്​​ജി​യോ​ട്​ പ​റ​ഞ്ഞു: സ​ർ, ഈ ​കേ​സ​ന്വേ​ഷി​ച്ച ഡി​വൈ.​എ​സ്.​പി ശ​ശി​ധ​ര​നാ​ണ്​ ഈ ​വ​ർ​ഷ​ത്തെ വി​ശി​ഷ്​​ട സേ​വ​ന​ത്തി​നു​ള്ള രാ​ഷ്ട്ര​പ​തി​യു​​ടെ മെ​ഡ​ൽ!

പ്രോ​സി​ക്യൂ​ട്ട​ർ​ക്ക്​ രാ​ഷ്ട്ര​പ​തി​ഭ​വ​നി​ൽ പ​റ​ഞ്ഞ്​ ആ ​മെ​ഡ​ൽ പി​ൻ​വ​ലി​പ്പി​ക്കാ​ൻ വ​ല്ല വ​ഴി​യു​മു​ണ്ടെ​ങ്കി​ൽ അ​തു ചെ​യ്യ്. ഇ​യാ​ൾ ഒ​റ്റ​യാ​ളാ​ണ്​ ഈ ​കേ​സി​നെ ന​ശി​പ്പി​ച്ച​തെ​ന്നാ​യി​രു​ന്നു ജ​ഡ്​​ജി​യു​ടെ പ്ര​തി​ക​ര​ണം.

മ​ല​പ്പു​റം ജി​ല്ല എ​സ്.​പി സ്ഥാ​ന​ത്തു​നി​ന്ന്​ ക​ഴി​ഞ്ഞ​യാ​ഴ്​​ച നീ​ക്ക​പ്പെ​ട്ട എ​സ്. ശ​ശി​ധ​ര​നെ​പ്പോ​ലു​ള്ള ഉ​ദ്യോ​ഗ​സ്ഥ​ർ ഇ​ട​പെ​ട്ട കേ​സു​ക​ളി​ൽ പു​ന​ര​ന്വേ​ഷ​ണം ന​ട​ത്തി​യാ​ൽ ഇ​നി​യും ഒ​രു​പാ​ട്​ സ​ത്യ​ങ്ങ​ൾ പു​റ​ത്തു​വ​രും.

താ​ൻ മു​സ്‍ലിം തീ​വ്ര​വാ​ദി​യ​ല്ലേ​ടോ?

കാ​ൽ നൂ​റ്റാ​ണ്ട്​ മു​മ്പ്​ മു​സ്‍ലിം സ്​​റ്റു​ഡ​ൻ​റ്​​സ്​ ഫെ​ഡ​റേ​ഷ​ൻ (എം.​എ​സ്.​എ​ഫ്) കാ​സ​ർ​കോ​ട്​ ജി​ല്ല സെ​ക്ര​ട്ട​റി​യും കാ​സ​ർ​കോ​ട് ഗ​വ. കോ​ള​ജ്​ വി​ദ്യാ​ർ​ഥി യൂ​നി​യ​ൻ ചെ​യ​ർ​മാ​നു​മാ​യി പ്ര​വ​ർ​ത്തി​ക്കെ പൊ​ലീ​സി​ൽ നി​ന്ന്​ നേ​രി​ട്ട ദു​ര​നു​ഭ​വം ക​രീം കു​ണി​യ ഈ​യി​ടെ സ​മൂ​ഹ​മാ​ധ്യ​മ​ത്തി​ൽ പ​ങ്കു​വെ​ച്ചു. എം.​എ​സ്.​എ​ഫ്​ സം​ഘ​ടി​പ്പി​ച്ച ക​ല​ക്​​ട​റേ​റ്റ്​ മാ​ർ​ച്ചി​ന്​ അ​നു​മ​തി തേ​ടി സ്​​റ്റേ​ഷ​നി​ലെ​ത്തി​യ ഇ​ദ്ദേ​ഹ​ത്തോ​ട്​ അ​ന്ന​ത്തെ എ​സ്.​പി ചോ​ദി​ച്ച​ത്​ താ​ൻ മു​സ്‍ലിം തീ​വ്ര​വാ​ദി​യ​ല്ലേ​ടോ എ​ന്നാ​യി​രു​ന്നു. എ​ന്തെ​ങ്കി​ലും വി​ഷ​യ​മു​ണ്ടാ​യാ​ൽ ച​വി​ട്ടി​ക്കൂ​ട്ടി അ​ക​ത്തി​ടു​മെ​ന്നും പു​റം ലോ​കം കാ​ണി​ല്ലെ​ന്നും ഭീ​ഷ​ണി​പ്പെ​ടു​ത്തി​യ ഉ​ദ്യോ​ഗ​സ്ഥ​ൻ എ​ന്തെ​ങ്കി​ലു​മു​ണ്ടാ​യാ​ൽ ഇ​വ​ന്റെ ഉ​പ്പ​യെ​യും ഉ​മ്മ​യെ​യും പൊ​ക്കി​യെ​ടു​ത്ത്​ അ​ക​ത്തി​ട​ണ​മെ​ന്നും കീ​ഴു​ദ്യോ​ഗ​സ്ഥ​രോ​ട്​ ക​ൽ​പി​ച്ചി​രു​ന്നു. കേ​ര​ള​ത്തി​ലെ മു​ൻ​നി​ര രാ​ഷ്​​ട്രീ​യ പാ​ർ​ട്ടി​യു​ടെ വി​ദ്യാ​ർ​ഥി സം​ഘ​ട​ന നേ​താ​വി​നോ​ട്​ ഇ​ത്ര വ​ർ​ഗീ​യ വൈ​രാ​ഗ്യ മു​ൻ​വി​ധി​യോ​ടെ പെ​രു​മാ​റി​യ​ത്​ ഏ​തെ​ങ്കി​ലും ഉ​ത്ത​രേ​ന്ത്യ​ൻ ഉ​ദ്യോ​ഗ​സ്ഥ​ർ ആ​യി​രു​ന്നി​ല്ല. ഉ​ന്ന​ത ആ​ർ.​എ​സ്.​എ​സ്​ ​നേ​താ​ക്ക​ളെ ഒ​ന്നി​ലേ​റെ ത​വ​ണ വ​ഴി​വി​ട്ട്​ സ​ന്ദ​ർ​ശി​ച്ച കാ​ര്യം നി​ൽ​ക്ക​ക്ക​ള്ളി​യി​ല്ലാ​തെ സ​മ്മ​തി​ക്കേ​ണ്ടി വ​ന്ന എ.​ഡി.​ജി.​പി സാ​ക്ഷാ​ൽ എം.​ആ​ർ. അ​ജി​ത്​ കു​മാ​റാ​യി​രു​ന്നു അ​ത്.

(തു​ട​രും)