സർക്കാർ തിരുത്തുന്നത്​ ആറര പതിറ്റാണ്ടിന്‍റെ ചരിത്രം

തി​രു​വ​ന​ന്ത​പു​രം: സം​സ്ഥാ​ന​ത്തെ സ​ർ​വ​ക​ലാ​ശാ​ല​ക​ളു​ടെ ചാ​ൻ​സ​ല​ർ സ്ഥാ​ന​ത്തു​നി​ന്ന്​ ഗ​വ​ർ​ണ​റെ മാ​റ്റാ​ൻ ഓ​ർ​ഡി​ന​ൻ​സ്​ കൊ​ണ്ടു​വ​രാ​ൻ തീ​രു​മാ​നി​ച്ച​തോ​ടെ മാ​റു​ന്ന​ത് ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ​ കേ​ര​ള​ത്തി​ന്‍റെ 65 വ​ർ​ഷ​ത്തെ ച​രി​ത്രം.

ഐ​ക്യ​കേ​ര​ളം പി​റ​വി കൊ​ണ്ട​തു​​മു​ത​ൽ കേ​ര​ള​ത്തി​ലെ സ​ർ​വ​ക​ലാ​ശാ​ല​ക​ളു​ടെ ചാ​ൻ​സ​ല​ർ പ​ദ​വി​ ഗ​വ​ർ​ണ​ർ​ക്കാ​ണ്. 1957ലെ ​കേ​ര​ള സ​ർ​വ​ക​ലാ​ശാ​ല നി​യ​മ​ത്തി​ലൂ​ടെ​യാ​ണ്​ സ​ർ​വ​ക​ലാ​ശാ​ല​ക​ളു​ടെ പ​ര​മോ​ന്ന​ത പ​ദ​വി​യി​ൽ​ ഗ​വ​ർ​ണ​ർ വ​ന്ന​ത്. 1937ൽ ​രാ​ജ​ഭ​ര​ണ​കാ​ല​ത്ത്​ രൂ​പം ന​ൽ​കി​യ തി​രു​വി​താം​കൂ​ർ സ​ർ​വ​ക​ലാ​ശാ​ല​യാ​ണ്​ 1957ലെ ​നി​യ​മ​ത്തി​ലൂ​ടെ കേ​ര​ള സ​ർ​വ​ക​ലാ​ശാ​ല​യാ​യ​ത്. രാ​ജ​ഭ​ര​ണ​കാ​ല​ത്ത് രാ​ജാ​വാ​യി​രു​ന്നു സ​ർ​വ​ക​ലാ​ശാ​ല​യു​ടെ ചാ​ൻ​സ​ല​ർ. 1968ൽ ​നി​ല​വി​ൽ​വ​ന്ന കാ​ലി​ക്ക​റ്റ്​ സ​ർ​വ​ക​ലാ​ശാ​ല​യു​ടെ ചാ​ൻ​സ​ല​ർ പ​ദ​വി ഗ​വ​ർ​ണ​ർ​ക്കാ​യി​രു​ന്നു.

പി​ന്നീ​ട്,​ രൂ​പ​വ​ത്​​ക​രി​ച്ച നി​യ​മ സ​ർ​വ​ക​ലാ​ശാ​ല (നു​വാ​ൽ​സ്) ഒ​ഴി​കെ മു​ഴു​വ​ൻ സ​ർ​വ​ക​ലാ​ശാ​ല​ക​ളു​ടെ​യും ചാ​ൻ​സ​ല​ർ ഗ​വ​ർ​ണ​ർ ത​ന്നെ​യാ​യി. നു​വാ​ൽ​സി​ൽ ഹൈ​കോ​ട​തി ചീ​ഫ്​ ജ​സ്റ്റി​സാ​ണ്​ ചാ​ൻ​സ​ല​ർ. നി​ല​വി​ൽ 14 സം​സ്ഥാ​ന സ​ർ​വ​ക​ലാ​ശാ​ല​ക​ളു​ടെ​യും ചാ​ൻ​സ​ല​ർ ഗ​വ​ർ​ണ​റാ​ണ്. ക​മ്യൂ​ണി​സ്റ്റ്​ മു​ഖ്യ​മ​ന്ത്രി ഇ.​എം.​എ​സ്​ നേ​തൃ​ത്വം ന​ൽ​കി​യ സ​ർ​ക്കാ​റാ​ണ്​​ സ​ർ​വ​ക​ലാ​ശാ​ല ചാ​ൻ​സ​ല​ർ പ​ദ​വി​യി​ലേ​ക്ക്​ ഗ​വ​ർ​ണ​റെ കൊ​ണ്ടു​വ​ന്ന​തെ​ങ്കി​ൽ അ​തേ പ്ര​ത്യ​യ​ശാ​സ്ത്ര​ക്കാ​ര​നാ​യ പി​ണ​റാ​യി വി​ജ​യ​ൻ നേ​തൃ​ത്വം ന​ൽ​കു​ന്ന സ​ർ​ക്കാ​ർ ആ​റ​ര പ​തി​റ്റാ​ണ്ടി​നു​ശേ​ഷം ഗ​വ​ർ​ണ​റെ ചാ​ൻ​സ​ല​ർ പ​ദ​വി​യി​ൽ​നി​ന്ന്​ നീ​ക്കാ​നു​ള്ള നി​യ​മ​നി​ർ​മാ​ണ​ത്തി​ലേ​ക്ക്​ ക​ട​ന്നി​രി​ക്കു​ന്നു.

സ​ർ​വ​ക​ലാ​ശാ​ല​ക​ൾ സ്വ​യം​ഭ​ര​ണ സ്ഥാ​പ​ന​ങ്ങ​ളെ​ന്ന സ​ങ്ക​ൽ​പ​ത്തി​ലാ​ണ്​ സ​ജീ​വ രാ​ഷ്ട്രീ​യ​ത്തി​ൽ ഇ​ട​പെ​ടാ​ത്ത, സം​സ്ഥാ​ന​ത്തി​ന്‍റെ ഭ​ര​ണ​ഘ​ട​ന ത​ല​വ​നാ​യ ഗ​വ​ർ​ണ​റെ ചാ​ൻ​സ​ല​ർ പ​ദ​വി​യി​ലേ​ക്ക്​ സ​ർ​ക്കാ​റു​ക​ൾ പ​രി​ഗ​ണി​ച്ച​ത്. സ​ർ​വ​ക​ലാ​ശാ​ല​ക​ളി​ൽ അ​ത്യ​പൂ​ർ​വ​മാ​യി മാ​ത്ര​മേ ചാ​ൻ​സ​ല​ർ​മാ​ർ ഇ​ട​പെ​ടാ​റു​ണ്ടാ​യി​രു​ന്നു​ള്ളൂ. വി​വി​ധ സ​ർ​ക്കാ​റു​ക​ൾ ത​ങ്ങ​​ളു​ടെ രാ​ഷ്ട്രീ​യ താ​ൽ​പ​ര്യ​ങ്ങ​ൾ സ​ർ​വ​ക​ലാ​ശാ​ല​ക​ളി​ൽ ന​ട​പ്പാ​ക്കാ​ൻ മു​തി​ർ​ന്ന​തോ​ടെ ചാ​ൻ​സ​ല​റു​ടെ ഇ​ട​പെ​ട​ലു​ക​ൾ പ​തി​വാ​യി. ഗ​വ​ർ​ണ​ർ വ​ഴി സ​ർ​വ​ക​ലാ​ശാ​ല​ക​ളി​ൽ ബി.​ജെ.​പി താ​ൽ​പ​ര്യം ന​ട​പ്പാ​ക്കാ​ൻ​ ശ്ര​മം തു​ട​ങ്ങി​യ​തോ​ടെ സം​സ്ഥാ​ന സ​ർ​ക്കാ​റും പ്ര​തി​രോ​ധ നീ​ക്കം ന​ട​ത്തി. കാ​ലി​ക്ക​റ്റ്, ആ​രോ​ഗ്യ സ​ർ​വ​ക​ലാ​ശാ​ല വി.​സി നി​യ​മ​ന​ത്തി​ൽ ഇ​ത്​ പ്ര​ക​ട​മാ​യി. കേ​ര​ള സ​ർ​വ​ക​ലാ​ശാ​ല സെ​ന​റ്റി​ലേ​ക്ക്​ നാ​മ​നി​ർ​ദേ​ശം ചെ​യ്യാ​ൻ വൈ​സ്​ ചാ​ൻ​സ​ല​ർ സ​മ​ർ​പ്പി​ച്ച പ​ട്ടി​ക​യി​ൽ​നി​ന്ന്​ ര​ണ്ടു​പേ​രെ വെ​ട്ടി പ​ക​രം ര​ണ്ട്​ ബി.​​ജെ.​പി നോ​മി​നി​ക​ളെ തി​രു​കി​ക്ക​യ​റ്റു​ന്ന ന​ട​പ​ടി മു​ൻ ഗ​വ​ർ​ണ​ർ പി. ​സ​ദാ​ശി​വ​ത്തി​ന്‍റെ കാ​ല​ത്തു​ണ്ടാ​യി.