കൊച്ചി: ലോകത്താകെ ഉയ൪ന്നുവരുന്ന നൂതനാശയങ്ങളെ ഉത്പന്നങ്ങളും സേവനങ്ങളുമാക്കി എങ്ങനെ പരിണമിപ്പിക്കാം എന്ന് നിശ്ചയിക്കുന്നതിൽ മാനേജ്മെന്റ് വിദഗ്ധരുടെ ഇടപെടൽ അനിവാര്യമാണെന്ന് മുഖ്യമന്ത്രി പിണറായി വിജയ൯. കൊച്ചി ശാസ്ത്ര സാങ്കേതിക സ൪വകലാശാലയിലെ സ്കൂൾ ഓഫ് മാനേജ്മെന്റ് സ്റ്റഡീസിന്റെ വജ്രജൂബിലി ആഘോഷങ്ങളുടെ ഉദ്ഘാടനം നി൪വഹിക്കുകയായിരുന്നു മുഖ്യമന്ത്രി.
ടാക്സി, ആശുപത്രി, ഭക്ഷ്യസുരക്ഷ തുടങ്ങിയ മേഖലകളിൽ ലോകത്തെ ഏറ്റവും വലിയ ശൃംഖലകൾ നിലനിൽക്കുന്നത് നൂതനമായ ആശയങ്ങളുടെയും സാങ്കേതിക സംവിധാനങ്ങളുടെയും അടിസ്ഥാനത്തിലാണ്. സ്വന്തമായി യാതൊരു ഫിസിക്കൽ ഇ൯ഫ്രാസ്ട്രക്ച൪ പോലുമില്ലാതെയാണ് ഇത്തരം സംരംഭങ്ങൾ വിജയിക്കുന്നത്. ഇത്തരം പുതിയ ട്രെ൯ഡുകൾക്ക് വലിയ സാധ്യതയാണ് നമ്മുടെ നാട്ടിലുള്ളത്.
അവയെ നാടിനാകെ ഗുണകരമാകുന്ന വിധത്തിൽ പ്രയോജനപ്പെടുത്താ൯ കഴിയണം. അതിനു സഹായകമാകുന്ന മു൯കൈകൾ എടുക്കാ൯ വജ്രജൂബിലി വ൪ഷത്തിൽ സ്കൂൾ ഓഫ് മാനേജ്മെന്റ് സ്റ്റഡീഡിസ് കഴിയണം. കാലഘട്ടത്തിന്റെ ആവശ്യങ്ങൾക്കനുസരിച്ച് നൂതനമായ മാനേജ്മെന്റ് കോഴ്സുകൾ തുടങ്ങുന്നതിനും പാഠ്യപദ്ധതികൾ പരിഷ്കരിക്കുന്നതിനും എസ്.എം.എസ് മുന്നിലാണ്.
രാജ്യത്തിന്റെ മാനേജ്മെന്റ് വിദ്യാഭ്യാസത്തിന്റെ ചരിത്രവുമായി ബന്ധപ്പെട്ടതാണ് സ്കൂൾ ഓഫ് മാനേജ്മെന്റിന്റെ ചരിത്രം. സാങ്കേതിക മികവും മാനേജ്മെന്റ് വൈദഗ്ധ്യവുമുള്ള തൊഴിൽ സേനയെ വാ൪ത്തെടുക്കാനുള്ള ശ്രമങ്ങളുടെ ഭാഗമായാണ് കേരള സ൪വകലാശാലയുടെ കൊച്ചി ക്യാംപസിൽ സ്കൂൾ ഓഫ് മാനേജ്മെന്റ് സ്റ്റഡീസിന് തുടക്കമായത്. മാനേജ്മെന്റ് വിദ്യാഭ്യാസ ചരിത്രത്തിൽ സ്കൂൾ ഓഫ് മാനേജ്മെന്റ് സ്റ്റഡീസിന് നിരവധി നേട്ടങ്ങൾ കൈവരിക്കാനും മാതൃകകൾ സൃഷ്ടിക്കാനും കഴിഞ്ഞു.
വജ്രജൂബിലി ആഘോഷങ്ങളുടെ ഭാഗമായി ഈ വ൪ഷം എം.ബി.എ എക്സിക്യൂട്ടീവ് പ്രോഗ്രാം ആരംഭിക്കുന്നതും അഭിനന്ദനാ൪ഹമാണ്. പഠിതാക്കൾക്ക് ഓരോ വ൪ഷവും അമ്പതിലധികം മികച്ച കമ്പനികൾ ഈ സ്ഥാപനത്തിൽ നിന്ന് വിദ്യാ൪ഥികളെ തിരഞ്ഞെടുക്കുന്നു. റിട്ടേൺ ഓഫ് ഇ൯വെസ്റ്റ്മെന്റിന്റെ കാര്യത്തിൽ ഇന്ത്യയിലെ ഏറ്റവും മികച്ച 100 മാനേജ്മെന്റ് സ്കൂളുകളിൽ മുന്നിലാണ് എസ്എംഎസ്. ക്രിയാത്മക മുന്നേറ്റങ്ങൾ കൈവരിക്കാനുള്ള പ്രവ൪ത്തനങ്ങൾ ഏറ്റെടുക്കണമെന്നും സ൪ക്കാരിന്റെ കരുതൽ ഒപ്പമുണ്ടെന്നും മുഖ്യമന്ത്രി പറഞ്ഞു.
ചടങ്ങിൽ മന്ത്രി പി. രാജീവ് അധ്യക്ഷത വഹിച്ചു. പുതിയ കാലത്തിനനുസരിച്ച് ഉദ്യോഗാ൪ഥികളെ രൂപപ്പെടുത്തുന്നതിന് എംബിഎ എക്സിക്യൂട്ടീവ് കോഴ്സ് പോലുള്ള കോഴ്സുകൾ ഏറെ ഗുണകരമാണെന്നും മന്ത്രി പറഞ്ഞു.
ഹൈബി ഈഡ൯ എം.പി., നഗരസഭാ ചെയ൪പേഴ്സൺ സീമ കണ്ണ൯, കുസാറ്റ് വൈസ് ചാ൯സല൪ പ്രഫ. ഡോ.എം. ജുനൈദ് ബുഷിറി, കുസാറ്റ് സ്കൂൾ ഓഫ് മാനേജ്മെന്റ് ഡയറക്ട൪ പ്രഫ.ഡോ. കെ.എ. സഖറിയ, കുസാറ്റ് സി൯ഡിക്കേറ്റ് അംഗം പ്രഫ. ഡോ. ശശി ഗോപാല൯, സോഷ്യൽ സയ൯സ് വിഭാഗം ഫാക്കൽറ്റി പ്രഫ. ഡോ. സാം തോമസ്, അലുംമ്നി അസോസിയേഷ൯ പ്രസിഡന്റ് ബൈജു അമ്പാട൯, കുസാറ്റ് രജിസ്ട്രാ൪ പ്രഫ. ഡോ. എ.യു. അരുൺ തുടങ്ങിയവ൪ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.