കോടഞ്ചേരി: കോഴിക്കോട് കോടഞ്ചേരിയിൽ വൈക്കോൽ കയറ്റിവന്ന ലോറിക്ക് തീപിടിച്ചു. ഉച്ചക്ക് 12.35ന് കോടഞ്ചേരി അങ്ങാടിക്ക് സമീപത്തായിരുന്നു സംഭവം. കണ്ണോത്ത് ഭാഗത്ത് നിന്നും കോടഞ്ചേരിക്ക് വൈക്കോൽ കയറ്റി വരികയായിരുന്ന (KL-51-K-3098) ലോറിക്കാണ് തീ പിടിച്ചത്.
കോടഞ്ചേരി ടൗണിനോട് 200 മീറ്റര്‍ അടുത്തെത്തിയപ്പോഴാണ് വൈക്കോലിന് തീപിടിച്ചത് ഡ്രൈവറുടെ ശ്രദ്ധയില്‍പ്പെട്ടത്. പരിഭ്രാന്തനായ ഡ്രൈവര്‍ ടൗണില്‍ ലോറി നിര്‍ത്തി ഓടിരക്ഷപ്പെട്ടു. ഉടൻതന്നെ നാട്ടുകാരാനായ ഷാജി തൊട്ടടുത്ത സെന്‍റ് ജോസഫ്‌സ് ഹയര്‍ സെക്കൻഡറി സ്‌കൂൾ ഗ്രൗണ്ടിലേക്ക് ലോറി ഓടിച്ചുകയറ്റി.
ലോറി ഗ്രൗണ്ടിന് വട്ടംകറക്കിയതോടെ തീപിടിച്ച വൈക്കോൽ കെട്ടുകൾ നിലത്തുവീണു. ബാക്കിയുള്ള വൈക്കോൽ നാട്ടുകാരും പൊലീസും ചേർന്ന് ലോറിയിൽ നിന്ന് നീക്കി. വൈദ്യുത കമ്പികള്‍ തട്ടിയതിനെ തുടർന്നുണ്ടായ ഷോര്‍ട്ട് സര്‍ക്യൂട്ട് ആവാം തീപിടിത്ത കാരണമെന്നാണ് പ്രാഥമിക നിഗമനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.