സുജിത്ത്
നെടുമങ്ങാട്: സ്കൂട്ടറിൽ സൂക്ഷിച്ചിരുന്ന പണം കവർന്നയാളെ പൊലീസ് അറസ്റ്റ് ചെയ്തു. ആര്യനാട് കുളപ്പട പ്ലാവിളവീട്ടിൽ എസ്. സുജിത്തി(28)നെയാണ് ആര്യനാട് പൊലീസ് അറസ്റ്റ് ചെയ്തത്. കഴിഞ്ഞ രണ്ടിന് വൈകീട്ടാണ് മോഷണം നടന്നത്. വെള്ളനാട് കണ്ണമ്പള്ളി സ്വദേശിയായ എസ്. ശരത് കുമാർ നിർമിക്കുന്ന വീടിന്റെ പണിയുമായി ബന്ധപ്പെട്ട് ജോലിക്കാർക്ക് നൽകാനായി സ്കൂട്ടറിന്റെ സീറ്റിനടിയിൽ സൂക്ഷിച്ചിരുന്ന 90,000 രൂപയാണ് മോഷണം പോയത്.
ശരത് ആര്യനാട് പൊലീസിൽ പരാതി നൽകി. സമീപത്തെ വീട്ടിലെ സി.സി.ടി.വി ദൃശ്യങ്ങൾ പരിശോധിച്ച പൊലീസ് മോഷ്ടാവിനെ തിരിച്ചറിയുകയായിരുന്നു. അറസ്റ്റ് ചെയ്ത സുജിത്തിനെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.