സംഘ്​ പരിവാർ​ ബന്ധം: സഭാനിലപാടുകളിൽ പ്രതിഷേധിച്ച്​ വൈദികൻ ശു​ശ്രൂ​ഷ ഉപേക്ഷിച്ചു

കൊ​ച്ചി: സം​ഘ്​ പ​രി​വാ​റു​മാ​യി​ അ​വി​ശു​ദ്ധ​കൂ​ട്ടു​കെ​ട്ടി​നു​ള്ള സി​റോ മ​ല​ബാ​ർ സ​ഭ​യു​ടെ നീ​ക്ക​ത്തി​ൽ പ്ര​തി​ഷേ​ധി​ച്ച്​ ശു​ശ്രൂ​ഷാ ദൗ​ത്യം ഉ​പേ​ക്ഷി​ച്ച്​ വൈ​ദി​ക​ൻ. താ​മ​ര​ശ്ശേ​രി രൂ​പ​ത​യി​ലെ വൈ​ദി​ക​നും കോ​ഴി​ക്കോ​ട്​ മു​ക്കം എ​സ്.​എ​ച്ച്​ പ​ള്ളി വി​കാ​രി​യു​മാ​യി​രു​ന്ന ഫാ. ​അ​ജി പു​തി​യാ​പ​റ​മ്പി​ലാ​ണ്​ സ​ഭാ ച​ട്ട​ക്കൂ​ട്​ ഉ​പേ​ക്ഷി​ച്ച്​ പു​രോ​ഹി​ത​നാ​യി മാ​ത്രം തു​ട​രു​മെ​ന്ന്​ പ്ര​ഖ്യാ​പി​ച്ച​ത്.

വെ​റു​പ്പി​ന്‍റെ ത​ത്ത്വ​ശാ​സ്ത്രം പേ​റു​ന്ന സം​ഘ്​​പ​രി​വാ​ർ രാ​ഷ്ട്രീ​യ​വു​മാ​യി ഒ​രു​ത​ര​ത്തി​ലു​ള്ള ബ​ന്ധ​വും പാ​ടി​ല്ലെ​ന്ന്​ മാ​ത്ര​മ​ല്ല ദൈ​വ​ത്തി​നു​ള്ള​ത്​ ദൈ​വ​ത്തി​നും സീ​സ​ർ​ക്കു​ള്ള​ത്​ സീ​സ​ർ​ക്കു​മെ​ന്ന​താ​ണ്​ ക്രി​സ്തു​വി​ന്‍റെ രാ​ഷ്ട്രീ​യ​മെ​ന്നും അ​തി​നു​വേ​ണ്ടി​യാ​ണ്​ സ​ഭാ നേ​തൃ​ത്വം നി​ല​കൊ​ള്ളേ​ണ്ട​തെ​ന്നും ഇ​പ്പോ​ൾ കൊ​ച്ചി​യി​ലു​ള്ള അ​ദ്ദേ​ഹം ‘മാ​ധ്യ​മ’​ത്തോ​ട്​ പ​റ​ഞ്ഞു. ബി.​ജെ.​പി​യു​മാ​യി മാ​ത്ര​മ​ല്ല ഒ​രു​പാ​ർ​ട്ടി​യു​മാ​യും സ​ജീ​വ ഇ​ട​പെ​ട​ൽ ക്രൈ​സ്ത​വ​മ​ല്ല.

അ​വ​സ​ര​ത്തി​നൊ​ത്ത് അ​വി​ശു​ദ്ധ കൂ​ട്ടു​കെ​ട്ടു​ക​ളു​ണ്ടാ​ക്കു​ന്ന​തോ അ​തി​നു​വേ​ണ്ടി വി​ല പേ​ശു​ന്ന​തോ ശ​രി​യ​ല്ല. ക​ർ​ഷ​ക​ർ​ക്കു​വേ​ണ്ടി നി​ല​കൊ​ള്ള​ണം. താ​നും ക​ർ​ഷ​ക​ർ​ക്കു​വേ​ണ്ടി ഉ​പ​വാ​സം കി​ട​ന്നി​ട്ടു​ണ്ട്.

പ​ക്ഷേ, റ​ബ​റി​ന്​ 300 രൂ​പ ന​ൽ​കി​യാ​ൽ​ വോ​ട്ടു​ചെ​യ്യാ​മെ​ന്ന വി​ല​പേ​ശ​ൽ രാ​ഷ്ട്രീ​യം ശ​രി​യ​ല്ല. ഇ​ത്ത​രം കാ​ര്യ​ങ്ങ​ള​ട​ക്കം സ​ഭ​യെ ബ​ന്ധ​പ്പെ​ടു​ത്തി ഇ​പ്പോ​ൾ കേ​ൾ​ക്കു​ന്ന പ​ല​തും ക്രി​സ്തു​വി​ന്റെ രീ​തി​യ​ല്ല. മ​ണി​പ്പൂ​രി​ൽ ന​ട​ന്ന സം​ഭ​വ​ങ്ങ​ൾ പ​ക​ൽ​പോ​ലെ ന​മു​ക്ക്​ മു​ന്നി​ലു​ണ്ട്. മ​തേ​ത​ര രാ​ജ്യ​ത്തി​ന്​ ഭൂ​ഷ​ണ​മ​ല്ലാ​ത്ത കാ​ര്യ​ങ്ങ​ൾ ന​ട​ന്ന​​പ്പോ​ൾ ഇ​ട​പെ​ടേ​ണ്ട സ​ർ​ക്കാ​ർ ഒ​ന്നും ചെ​യ്തി​ല്ല.

കേ​ര​ള​ത്തി​ലെ ക്രൈ​സ്ത​വ സ​ഭ​ക​ൾ പ്ര​ത്യേ​കി​ച്ച്​ സി​റോ മ​ല​ബാ​ർ സ​ഭ വ​ലി​യ ജീ​ർ​ണ​ത​യി​ലൂ​ടെ​യാ​ണ്​ ക​ട​ന്നു പോ​കു​ന്ന​തെ​ന്നും ഫാ. ​അ​ജി പ​റ​ഞ്ഞു. താ​ൽ​ക്കാ​ലി​ക ലാ​ഭ​ങ്ങ​ൾ​ക്കാ​യി സ​ഭാ​മ​ക്ക​ൾ സൈ​ബ​റി​ട​ത്തി​ൽ വെ​റു​പ്പ് വി​ത​ക്കു​ന്നു. സ​ഭാ​പി​താ​ക്ക​ൻ​മാ​ർ ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​കു​ന്നു. ഇ​ത്ത​രം കാ​ര്യ​ങ്ങ​ളി​ൽ സ​ഭ​യി​ലെ സാ​ധാ​ര​ണ​ക്കാ​രാ​യ വി​ശ്വാ​സി​ക​ളും ഒ​രു​പാ​ട് വൈ​ദി​ക​രും ദുഃ​ഖി​ത​രാ​ണ്.

ഭ​യം മൂ​ലം ആ​രും ഒ​ന്നും പ​റ​യു​ന്നി​ല്ല​ന്നേ​യു​ള്ളൂ. 20 വ​ർ​ഷ​മാ​യി താ​മ​ര​ശ്ശേ​രി രൂ​പ​ത​യി​ൽ വൈ​ദി​ക​നാ​യി ജോ​ലി ചെ​യ്യു​ന്ന അ​ജി​യ​ച്ച​നെ പൊ​തു​സ്ഥ​ലം മാ​റ്റ ഭാ​ഗ​മാ​യി നൂ​റാം​തോ​ട് ഇ​ട​വ​ക​യി​ലേ​ക്ക്​ മാ​റ്റി​യി​രു​ന്നു. ഈ ​മാ​സം 13ന്​ ​ചു​മ​ത​ല ഏ​ൽ​ക്കേ​ണ്ട​താ​യി​രു​ന്നു. എ​ന്നാ​ൽ, അ​പ്ര​തീ​ക്ഷി​ത​മാ​യി ആ ​ദി​വ​സം ത​ന്നെ​ വി​കാ​രി​സ്ഥാ​ന​മ​ട​ക്കം സ​ഭാ ചു​മ​ത​ല​ക​ൾ ഉ​പേ​ക്ഷി​ച്ച​താ​യി പ്ര​ഖ്യാ​പി​ക്കു​ക​യാ​യി​രു​ന്നു.

എ​ന്നാ​ൽ, താ​ൻ സ​ഭ​യു​ടെ ശ​ത്രു​വ​ല്ലെ​ന്നും മ​ക​നാ​ണെ​ന്നും പു​രോ​ഹി​ത​നാ​യി തു​ട​രു​മെ​ന്നും അ​ദ്ദേ​ഹം വ്യ​ക്ത​മാ​ക്കി. വൈ​ദി​ക​വ​സ്ത്ര​മാ​യ ളോ​ഹ തു​ട​ർ​ന്നും ധ​രി​ക്കും. ​ഇ​നി മു​ത​ൽ പൗ​രോ​ഹി​ത്യ ദൗ​ത്യ​ങ്ങ​ളി​ലൊ​ന്നാ​യ പ്ര​വാ​ച​ക ദൗ​ത്യ​ത്തി​ലേ​ക്ക് പ്ര​വേ​ശി​ക്കും. പ്ര​സം​ഗ​വും എ​ഴു​ത്തു​മാ​യി അ​ത്​ നി​ർ​വ​ഹി​ക്കും. മ​ല​പ്പു​റം വെ​റ്റി​ല​പ്പാ​റ സ്വ​ദേ​ശി​യാ​ണ്​ ഫാ. ​അ​ജി.