Representational Image
നിലമ്പൂർ: ചാലിയാർ പഞ്ചായത്തിലെ മൂന്നാം ബ്ലോക്കിൽ പട്ടാപ്പകൽ പുലികളിറങ്ങി ആടിനെ കടിച്ചുകൊന്നു. ആടുകൾക്കൊപ്പമുണ്ടായിരുന്ന യുവാവ് ഓടിരക്ഷപ്പെട്ടു. പൗവത്ത് അമലാണ് പുലികൾക്കു മുന്നിൽനിന്ന് രക്ഷപ്പെട്ടത്.
രണ്ടു പുലികൾ ഉണ്ടായിരുന്നതായും അമൽ പറയുന്നു. വനപാലകർ സ്ഥലത്ത് പരിശോധന നടത്തി. പുലിയുടെ കാൽപ്പാടുകൾ കാണാനായില്ലെന്നും അതിനാൽ സ്ഥിരീകരിക്കാനാവില്ലെന്നും വനപാലകർ അറിയിച്ചു.
ഒരു വർഷത്തിലേറെയായി ഇവിടെ കടുവ, പുലി ശല്യം രൂക്ഷമാണെന്ന് നാട്ടുകാർ പറയുന്നു. തീപ്പൊരിയിൽ ബേബി, തീപ്പൊരിയിൽ വിൽസൻ എന്നിവരുടെ ആടുകളെയും നിരവധി വീടുകളിലെ വളർത്തുനായ്ക്കളെയും മുമ്പ് കടുവ കടിച്ചുകൊന്നിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.