ആലുവ: നഗരത്തില്‍ പട്ടാപകല്‍ വന്‍ കവര്‍ച്ച. വ്യാപാര സ്‌ഥാപനത്തില്‍ നിന്ന് രണ്ടര ലക്ഷം രൂപയാണ് കവര്‍ന്നത്. തിങ്കളാഴ്ച വൈകീട്ട് അഞ്ച് മണിയോടെയാണു സംഭവം. കാരോത്തുകുഴി കവലയില്‍ മാര്‍ക്കറ്റ് റോഡില്‍ പ്രവര്‍ത്തിക്കുന്ന സ്രാമ്പിക്കൽ ട്രേഡേഴ്സ് തയ്യല്‍ മെഷിന്‍ കടയിലാണ് മോഷണം നടന്നത്.
മെഷിന്‍ നോക്കാനെന്ന ഭാവേനയെത്തിയയാളാണ് പണം കവര്‍ന്നത്. മെഷിനുകള്‍ നോക്കുന്നതിനിടയില്‍ ഉടമയുടെ ശ്രദ്ധ മാറിയപ്പോള്‍ മേശ വലിപ്പില്‍ നിന്ന് പണം എടുക്കുകകായിരുന്നു. ഇതേ തുടര്‍ന്ന് കടയില്‍ നിന്ന് സംശയമൊന്നും കൂടാതെ ഇയാൾ പോയി. കുറച്ച് കഴിഞ്ഞപ്പോളാണ് പണം നഷ്ടപ്പെട്ട വിവരം കടയുടമ അറിയുന്നത്.
മോഷ്ടാവിൻറെ സി.സി.ടി.വി ദൃശ്യങ്ങള്‍ പൊലീസിന് ലഭിച്ചിട്ടുണ്ട്. ഇതിൻറെ അടിസ്‌ഥാനത്തില്‍ അന്വേഷണം വ്യാപിപ്പിച്ചതായി സി.ഐ വിശാല്‍ ജോണ്‍സന്‍, പ്രിന്‍സിപ്പല്‍ എസ്.ഐ എം.എസ്.ഫൈസല്‍ എന്നിവര്‍ പറഞ്ഞു. സംസ്ഥാനത്തിൻറെ വിവിധ ഭാഗങ്ങളിലേക്ക് ദൃശ്യങ്ങളും വിവരങ്ങളും കൈമാറിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.