തെ​ര​ഞ്ഞെ​ടു​പ്പ് പൂ​ര​ത്തി​നൊ​രു​ങ്ങി തൃ​ശൂ​ർ

തൃ​ശൂ​ർ: ഇ​ത്ത​വ​ണ തൃ​ശൂ​ർ പൂ​ര​ത്തി​നൊ​പ്പ​മാ​ണ് ലോ​ക്സ​ഭ തെ​ര​ഞ്ഞെ​ടു​പ്പ്. ര​ണ്ടി​നും ചൂ​ടി​ത്തി​രി കൂ​ടും. തെ​ര​ഞ്ഞെ​ടു​പ്പി​ന്​ ഇ​ട​ത് സ്ഥാ​നാ​ർ​ഥി​ക​ൾ സ​ജ്ജ​രാ​യി. വി.​എ​സ്. സു​നി​ൽ കു​മാ​റി​നെ സി.​പി.​ഐ രം​ഗ​ത്തി​റ​ക്കി. സി.​പി.​എം മ​ത്സ​രി​ക്കു​ന്ന ആ​ല​ത്തൂ​രി​ലെ​യും ചാ​ല​ക്കു​ടി​യി​ലെ​യും സ്ഥാ​നാ​ർ​ഥി​ക​ളെ ചൊ​വ്വാ​ഴ്ച പ്ര​ഖ്യാ​പി​ക്കും. ആ​ല​ത്തൂ​രി​ൽ മ​ന്ത്രി കെ. ​രാ​ധാ​കൃ​ഷ്ണ​നും ചാ​ല​ക്കു​ടി​യി​ൽ മു​ൻ​മ​ന്ത്രി സി. ​ര​വീ​ന്ദ്ര​നാ​ഥി​നെ​യു​മാ​ണ് സം​സ്ഥാ​ന സെ​ക്ര​ട്ടേ​റി​യ​റ്റ്​ പ​രി​ഗ​ണി​ക്കു​ന്ന​ത്. ചൊ​വ്വാ​ഴ്ച വൈ​കീ​ട്ട് അ​ഞ്ചി​ന് ഇ​ട​ത് സ്ഥാ​നാ​ർ​ഥി​ക​ൾ​ക്ക് തൃ​ശൂ​ർ കോ​ർ​പ​റേ​ഷ​ന് മു​ന്നി​ൽ എ​ൽ.​ഡി.​എ​ഫ് സ്വീ​ക​ര​ണം ഒ​രു​ക്കി​യി​ട്ടു​ണ്ട്. സ്ഥാ​നാ​ർ​ഥി​ക​ളു​മാ​യി സ്വ​രാ​ജ് റൗ​ണ്ട് ചു​റ്റി പ്ര​ക​ട​ന​വും തീ​രു​മാ​നി​ച്ചി​ട്ടു​ണ്ട്.

പ്ര​ധാ​ന​മ​ന്ത്രി​യു​ടെ വ​ര​വി​ന്‍റെ ബ​ല​ത്തി​ൽ സു​രേ​ഷ് ഗോ​പി​യെ മു​ൻ​നി​ർ​ത്തി ബി.​ജെ.​പി പ്ര​ചാ​ര​ണം ശ​ക്ത​മാ​ക്കി​യ​ത് മ​ത്സ​രം കോ​ൺ​ഗ്ര​സും ബി.​ജെ.​പി​യും ത​മ്മി​ലാ​ണെ​ന്ന പ്ര​തീ​തി ഉ​ണ്ടാ​ക്കി​യി​രു​ന്നു. അ​തി​ന്​ ബ​ദ​ലാ​യി ഇ​ട​ത് കേ​ന്ദ്ര​ങ്ങ​ളി​ൽ ഉ​യ​ർ​ന്ന ഒ​റ്റ പേ​ര്​ വി.​എ​സ്. സു​നി​ൽ​കു​മാ​റി​ന്‍റേ​താ​ണ്. ലോ​ക്​​സ​ഭ​യി​ലേ​ക്ക് ക​ന്നി​യ​ങ്ക​മാ​ണെ​ങ്കി​ലും നി​യ​മ​സ​ഭ​ക്ക​ക​ത്തും പു​റ​ത്തു​മു​ള്ള കാ​ര്യ​ങ്ങ​ളി​ൽ പ​രി​ചി​ത​നാ​ണ്. സു​നി​ൽ​കു​മാ​റി​ന്‍റെ സ്ഥാ​നാ​ർ​ഥി​ത്വം പ്ര​ഖ്യാ​പി​ച്ച​തി​ന് പി​ന്നാ​ലെ സാ​മൂ​ഹ്യ മാ​ധ്യ​മ​ങ്ങ​ളി​ൽ ഇ​ട​ത് സൈ​ബ​ർ പോ​രാ​ളി​ക​ൾ ആ​വേ​ശ​ത്തി​ലാ​യി​ട്ടു​ണ്ട്. മ​ന്ത്രി കെ. ​രാ​ജ​ൻ​ത​​ന്നെ ‘തൃ​ശൂ​രി​ന്‍റെ ച​ങ്കാ​ണ് സു​നി​ചേ​ട്ട​ൻ’ എ​ന്ന പോ​സ്റ്റ​ർ പ​ങ്കു​വെ​ച്ചു. ‘സു​നി​ൽ​കു​മാ​ർ എ​ന്ന് പ​റ​ഞ്ഞാ​ൽ തൃ​ശൂ​ർ​ക്കാ​ർ​ക്ക് ഏ​റെ സു​പ​രി​ചി​ത​നാ​യ സു​ഹൃ​ത്തും കൂ​ട​പ്പി​റ​പ്പു​മാ​ണ്, സ്വ​ന്തം സു​നി​ലേ​ട്ട​നാ​ണ്’-​സി.​പി.​എം ഹാ​ൻ​ഡി​ലു​ക​ളി​ലെ പ്ര​ചാ​ര​ണം ഇ​ങ്ങ​നെ. സു​രേ​ഷ് ഗോ​പി​യും പ്ര​താ​പ​നും പ്ര​ച​ര​ണ​വും പ്ര​വ​ർ​ത്ത​ന​വും തു​ട​ങ്ങി​യ​പ്പോ​ൾ സ്ഥാ​നാ​ർ​ഥി​ക്കാ​ര്യ​ത്തി​ൽ വ്യ​ക്ത​ത വ​രാ​ത്ത​തി​നാ​ൽ ഇ​ട​ത്​ സൈ​ബ​റു​ക​ൾ ‘ഒ​ളി​പ്പോ​രി’​ലാ​യി​രു​ന്നു.

ആ​ല​ത്തൂ​രി​ൽ ക​ഴി​ഞ്ഞ ത​വ​ണ പി.​കെ. ബി​ജു​വി​ന്‍റെ പ​രാ​ജ​യ​ത്തി​ന്‍റെ ആ​ഘാ​ത​ത്തി​ൽ​നി​ന്നു​ള്ള മോ​ച​ന​മാ​ണ്​ മ​ന്ത്രി കെ. ​രാ​ധാ​കൃ​ഷ്ണ​നി​ലൂ​ടെ സി.​പി.​എം ല​ക്ഷ്യ​മി​ടു​ന്ന​ത്. ചാ​ല​ക്കു​ടി​യി​ൽ മു​ൻ മ​ന്ത്രി സി. ​ര​വീ​ന്ദ്ര​നാ​ഥി​നെ ക​ള​ത്തി​ലി​റ​ക്കു​ന്ന​തും മ​ണ്ഡ​ലം തി​രി​ച്ച്​ പി​ടി​ക്കാ​ൻ ത​ന്നെ. എ​ൽ.​ഡി.​എ​ഫ് ജി​ല്ല യോ​ഗം ചേ​ർ​ന്ന് സ്ഥാ​നാ​ർ​ഥി​ക​ളു​ടെ പ​രി​പാ​ടി​ക​ൾ തീ​രു​മാ​നി​ച്ചു ക​ഴി​ഞ്ഞു. ബൂ​ത്ത് ത​ല​ത്തി​ൽ ന​ട​ക്കു​ന്ന പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തി.പ്ര​ചാ​ര​ണ പ​രി​പാ​ടി​ക​ളു​ടെ ഷെ​ഡ്യൂ​ൾ അ​ടു​ത്ത ദി​വ​സം ചേ​രു​ന്ന എ​ൽ.​ഡി.​എ​ഫ് യോ​ഗ​ത്തി​ൽ അ​ന്തി​മ​മാ​യി തീ​രു​മാ​നി​ക്കും.