തിരൂർ ഡെപ്യൂട്ടി തഹസിൽദാർ പി.​ബി. ചാ​ലി​ബി​നെ കാണാതായതായി പരാതി

തി​രൂ​ർ: തി​രൂ​ർ താ​ലൂ​ക്ക് ഓ​ഫി​സി​ലെ ഡെ​പ്യൂ​ട്ടി ത​ഹ​സി​ൽ​ദാ​ർ തി​രൂ​ർ പൂ​ക്കൈ​ത സ്വ​ദേ​ശി പി.​ബി. ചാ​ലി​ബി​നെ കാ​ണാ​താ​യ​താ​യി പ​രാ​തി. ബു​ധ​നാ​ഴ്ച വൈ​കീ​ട്ട് ഓ​ഫി​സി​ൽ​നി​ന്ന് വ​രു​ന്ന വ​ഴി കാ​ണാ​താ​യെ​ന്ന പ​രാ​തി​യി​ൽ തി​രൂ​ർ പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. ഓ​ഫി​സി​ൽ​നി​ന്ന് വൈ​കീ​ട്ട് 5.15ന് ​ഇ​റ​ങ്ങി​യ​താ​യി സ​ഹ​പ്ര​വ​ർ​ത്ത​ക​ർ പ​റ​ഞ്ഞു. അ​തി​നു​ശേ​ഷം ഭാ​ര്യ വി​ളി​ച്ച​പ്പോ​ൾ തി​രി​ച്ചെ​ത്താ​ൻ വൈ​കു​മെ​ന്ന് അ​റി​യി​ച്ചി​രു​ന്നു.

വ​ളാ​ഞ്ചേ​രി ഇ​രി​മ്പി​ളി​യ​ത്ത് ഒ​രു റെ​യ്ഡു​ണ്ടെ​ന്നും കൂ​ടെ പൊ​ലീ​സ്, എ​ക്സൈ​സ് സം​ഘ​മു​ണ്ടെ​ന്നും പി​ന്നീ​ട് വാ​ട്സ്ആ​പ്പി​ൽ അ​റി​യി​ച്ചി​രു​ന്നു. ബു​ധ​നാ​ഴ്ച രാ​ത്രി 11വ​രെ കാ​ണാ​ത്ത​തി​നെ തു​ട​ർ​ന്ന് തി​രൂ​ർ പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി. രാ​ത്രി 12.18ന് ​ഓ​ഫാ​യ ഫോ​ൺ പി​ന്നീ​ട് രാ​വി​ലെ 6.55ന് ​അ​ൽ​പ​സ​മ​യം ഓ​ണാ​യ​താ​യി കാ​ണു​ന്നു​ണ്ട്. അ​വ​സാ​ന ട​വ​ർ ലൊ​ക്കേ​ഷ​ൻ കോ​ഴി​ക്കോ​ട് പാ​ള​യം ഭാ​ഗ​ത്താ​ണെ​ന്ന് പൊ​ലീ​സ് ക​ണ്ടെ​ത്തി.