കൊച്ചി: പുതുക്കാട്-ഒല്ലൂർ സെക്ഷനിൽ റെയിൽവേ പാലത്തിലെ ഗർഡറുകൾ നീക്കുന്ന ജോലി നടക്കുന്നതിനാൽ ശനി, ഞായർ ദിവസങ്ങളിൽ ട്രെയിൻ ഗതാഗതത്തിന് നിയന്ത്രണം ഏർപ്പെടുത്തി. ചില ട്രെയിനുകൾ പൂർണമായും ചിലത് ഭാഗികമായും റദ്ദാക്കി. ഏതാനും ട്രെയിനുകളുടെ സമയം പുനഃക്രമീകരിച്ചു.
പൂർണമായി റദ്ദാക്കിയവ
എറണാകുളം-ഗുരുവായൂർ-എറണാകുളം പാസഞ്ചർ (56370,56371), എറണാകുളം-നിലമ്പൂർ-എറണാകുളം പാസഞ്ചർ (56362, 56363), എറണാകുളം-കായംകുളം-എറണാകുളം പാസഞ്ചർ (56381, 56382), ആലപ്പുഴ-കായംകുളം പാസഞ്ചർ (56377), കായംകുളം-എറണാകുളം പാസഞ്ചർ (56380).
ഭാഗികമായി റദ്ദാക്കിയവ
രാവിലെ 6.45നുള്ള എറണാകുളം-കണ്ണൂർ ഇൻറർസിറ്റി (16305) 8.10ന് തൃശൂരിൽനിന്നാകും പുറപ്പെടുക. തിരുവനന്തപുരം-കോഴിക്കോട് ജനശതാബ്ദി എക്സ്പ്രസ് (12076) രാവിലെ 9.25ന് എറണാകുളം സൗത്ത് ജങ്ഷനിൽ സർവിസ് അവസാനിപ്പിക്കും. കോഴിക്കോട്-തിരുവനന്തപുരം ജനശതാബ്ദി എക്സ്പ്രസ് (12075) വൈകീട്ട് 5.30ന് എറണാകുളം സൗത്ത് ജങ്ഷനിൽ നിന്നാകും സർവിസ് ആരംഭിക്കുക.
പുനലൂർ-പാലക്കാട് പാലരുവി എക്സ്പ്രസ് (16791) രാവിലെ 10.03ന് ആലുവയിൽ സർവിസ് അവസാനിപ്പിക്കും. വൈകീട്ട് 6.27ന് ആലുവയിൽനിന്നാകും മടക്ക സർവിസ് (16792). തിരുവനന്തപുരം-ഷൊർണൂർ വേണാട് എക്സ്പ്രസ് (16302) രാവിലെ 11.05ന് അങ്കമാലിയിൽ സർവിസ് അവസാനിപ്പിക്കും.
വൈകീട്ട് 3.55ന് അങ്കമാലിയിൽ നിന്നായിരിക്കും മടക്കയാത്ര (16301).
സമയം ക്രമീകരിച്ചവ
പുലർച്ച രണ്ടിന് പുറപ്പെടേണ്ട നാഗർകോവിൽ-മംഗളൂരു ഏറനാട് എക്സ്പ്രസ് (16606) 3.40നായിരിക്കും പുറപ്പെടുക. എറണാകുളം-പുതുക്കാട് സെക്ഷനിൽ 80 മിനിറ്റ് വൈകും. രാവിലെ 5.55നുള്ള ആലപ്പുഴ-ധൻബാദ് എക്സ്പ്രസ് (13352) 7.55നേ പുറപ്പെടൂ. എറണാകുളം-പുതുക്കാട് സെക്ഷനിൽ ട്രെയിൻ രണ്ടുമണിക്കൂർ വൈകും. രാവിലെ 9.10നുള്ള എറണാകുളം-ബംഗളൂരു ഇൻറർസിറ്റി എക്സ്പ്രസ് (12678) 11.40നാകും പുറപ്പെടുക. രാവിലെ 5.55നുള്ള ഗുരുവായൂർ-ഇടമൺ പാസഞ്ചർ (56365) 6.45നാകും പുറപ്പെടുക. പുലർച്ച 4.25നുള്ള തിരുവനന്തപുരം-മുംബൈ സി.എസ്.ടി പ്രതിവാര എക്സ്പ്രസ് (16332) 5.25നേ പുറപ്പെടൂ. എറണാകുളം-പുതുക്കാട് സെക്ഷനിൽ ട്രെയിൻ 80 മിനിറ്റ് വൈകും.
നിയന്ത്രണം ഏർപ്പെടുത്തിയവ
നാഗർകോവിൽ-മംഗളൂരു പരശുറാം എക്സ്പ്രസ് (16650) എറണാകുളം-പുതുക്കാട് സെക്ഷനിൽ 80 മിനിറ്റ് വൈകും. തിരുവനന്തപുരം-ഹൈദരാബാദ് ശബരി എക്സ്പ്രസ് (17229) ഒരു മണിക്കൂറും എറണാകുളം-ഹസ്രത്ത് നിസാമുദ്ദീൻ മംഗള എക്സ്പ്രസ് (12617) അര മണിക്കൂറും കൊച്ചുവേളി-ചണ്ഡീഗഡ് സമ്പർക് ക്രാന്തി എക്സ്പ്രസ് (12217) 45 മിനിറ്റും തിരുനെൽവേലി-ബിലാസ്പൂർ പ്രതിവാര എക്സ്പ്രസ് (22620) രണ്ടു മണിക്കൂർ 20 മിനിറ്റും കൊച്ചുവേളി-ലോക്മാന്യതിലക് ഗരീബ്്രഥ് എക്സ്പ്രസ് (12202) 45 മിനിറ്റും വൈകിയാകും ഒാടുക.
നിലമ്പൂർ: തൃശൂർ പുതുക്കാടിനും ഒല്ലൂരിനും ഇടയിൽ റെയിൽപാളത്തിൽ അറ്റകുറ്റപ്പണി നടക്കുന്നതിനാൽ ഉച്ചക്ക് 2.50ന് നിലമ്പൂരിൽനിന്ന് പുറപ്പെടുന്ന നിലമ്പൂർ-എറണാകുളം പാസഞ്ചർ ശനി, ഞായർ ദിവസങ്ങളിലെ സർവിസ് റദ്ദ് ചെയ്തു.
എക്സ്പ്രസുകൾക്ക് അധിക സ്റ്റോപ്
കായംകുളം-എറണാകുളം പാസഞ്ചർ (56380) റദ്ദാക്കിയതിനാൽ തിരുവനന്തപുരം-ഇന്ദോർ അഹല്യനഗരി പ്രതിവാര എക്സ്പ്രസിനും (22646), തിരുവനന്തപുരം-ഗൊരഖ്പൂർ രപ്തിസാഗർ എക്സ്പ്രസിനും (12512) കായംകുളം-എറണാകുളം സെക്ഷനിലെ എല്ലാ സ്റ്റേഷനിലും സ്റ്റോപ്പുണ്ടായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.