തിരുവനന്തപുരം: തൃശൂര്‍, പുതുക്കാട് സ്റ്റേഷനുകള്‍ക്കിടയില്‍ ട്രാക്കില്‍ അറ്റകുറ്റപ്പണി നടക്കുന്നതിനാല്‍ ബുധനാഴ്ച മുതല്‍ ജനുവരി 28 വരെ തിങ്കളാഴ്ചകളും ജനുവരി 14, 15 തീയതികളും ഒഴികെയുള്ള ദിവസങ്ങളില്‍ ട്രെയിനുകള്‍ക്ക് നിയന്ത്രണമുണ്ടാകുമെന്ന് റെയില്‍വേ അറിയിച്ചു. നിലമ്പൂര്‍-എറണാകുളം പാസഞ്ചര്‍ (56363) തൃശൂരില്‍ യാത്ര അവസാനിപ്പിക്കും. കണ്ണൂര്‍-എറണാകുളം ഇന്‍റര്‍സിറ്റി എക്സ്പ്രസ് (16306) രണ്ടുമണിക്കൂര്‍ തൃശൂരില്‍ പിടിച്ചിടും. രാത്രി 8.35ന് പുറപ്പെടേണ്ട എറണാകുളം-കോട്ടയം പാസഞ്ചര്‍ (56389) രണ്ടുമണിക്കൂര്‍ വൈകി 10.35ന് എറണാകുളത്തുനിന്ന് യാത്ര പുറപ്പെടും. എറണാകുളത്തേക്ക് വൈകീട്ട് 4 മുതല്‍ 8.45 വരെ ഈ ഭാഗത്തുകൂടെ കടന്നുപോകുന്ന ട്രെയിനുകള്‍ 30 മിനിറ്റ് മുതല്‍ 2 മണിക്കൂര്‍ വരെ വൈകാനും സാധ്യതയുണ്ട്.ട്രാക്ക് അറ്റകുറ്റപണി നടക്കുന്നതിനാല്‍ ജനുവരി 25 വരെ ചൊവ്വ, വ്യാഴം ഒഴികെയുള്ള ദിവസങ്ങളില്‍ ചെന്നൈ-മംഗളൂരു വെസ്റ്റ്കോസ്റ്റ് എക്സ്പ്രസ് 75 മിനിറ്റ് പാലക്കാട് ജങ്ഷനില്‍ പിടിച്ചിടും. ഇതുകാരണം ഈ ട്രെയിന്‍ നിശ്ചിത സമയത്തിനും ഒരു മണിക്കൂര്‍ വൈകിയേ മംഗളൂരു സെന്‍ട്രലില്‍ എത്തുകയുള്ളൂ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.