ബില്ലുകളു​ടെ കു​​ത്തൊഴുക്ക്​ തടയാൻ ട്രഷറി നിയന്ത്രണം

തി​രു​വ​ന​ന്ത​പു​രം: മാ​ർ​ച്ചി​ലെ ബി​ല്ലു​ക​ളു​ടെ കു​ത്തൊ​ഴു​ക്ക്​ നേ​രി​ടാ​ൻ ട്ര​ഷ​റി​ക​ളി​ൽ ക​ടു​ത്ത നി​യ​​ന്ത്ര​ണം. മാ​ർ​ച്ച്​ 25ന്​ ​വൈ​കീ​ട്ടു അ​ഞ്ചു​വ​രെ സ​മ​ർ​പ്പി​ക്കു​ന്ന ബി​ല്ലു​ക​ളും​ ചെ​ക്കു​ക​ളും മാ​ത്ര​മേ സ്വീ​ക​രി​ക്കേ​ണ്ട​തു​​ള്ളൂ​വെ​ന്നാ​ണ്​ ട്ര​ഷ​റി ഡ​യ​റ​ക്ട​റു​ടെ നി​ർ​ദേ​ശം. ഫ​ല​ത്തി​ൽ ഞാ​യ​റാ​ഴ്​​ച​യ​ട​ക്കം ര​ണ്ടു ദി​വ​സ​ങ്ങ​ളേ ബി​ല്ലു​ക​ൾ സ​മ​ർ​പ്പി​ക്കാ​ൻ ശേ​ഷി​ക്കു​ന്നു​ള്ളൂ.

വി​വി​ധ വ​കു​പ്പു​ക​ളും ത​ദ്ദേ​ശ സ്ഥാ​പ​ന​ങ്ങ​ളും ന​ൽ​കു​ന്ന ബി​ല്ലു​ക​ൾ മു​ൻ​ഗ​ണ​ന അ​ടി​സ്ഥാ​ന​ത്തി​ൽ ക്യൂ​വി​ലേ​ക്ക്​ മാ​റ്റാ​നും നി​ർ​ദേ​ശ​മു​ണ്ട്. ശ​നി​യാ​​ഴ്​​ച രാ​വി​ലെ മു​ത​ൽ സ​മ​ർ​പ്പി​ക്കു​ന്ന പ്ലാ​ൻ ശീ​ർ​ഷ​ക​ങ്ങ​ളി​ലെ ബി​ല്ലു​ക​ളാ​ണ്​ ഇ​ത്ത​ര​ത്തി​ൽ ടോ​ക്ക​ൺ ന​ൽ​കു​ന്ന​ത്. ടോ​ക്ക​ൺ ര​ജി​സ്റ്റ​റി​ൽ ക്ര​മ ന​മ്പ​ർ, സ്ഥാ​പ​ന​ത്തി​ന്‍റെ പേ​ര്, തു​ക, ഫി​സി​ക്ക​ൽ ബി​ൽ-​ചെ​ക്ക് ട്ര​ഷ​റി​യി​ൽ സ​മ​ർ​പ്പി​ച്ച തീ​യ​തി, സ​മ​യം എ​ന്നി​വ രേ​ഖ​പ്പെ​ടു​ത്തി​യാ​കും ക്ര​മീ​ക​ര​ണം. ധ​ന​വ​കു​പ്പ്​ നി​ർ​ദേ​ശ​ങ്ങ​ൾ പാ​ലി​ച്ചു​കൊ​ണ്ട് മാ​ത്ര​മേ ത​ദ്ദേ​ശ സ്ഥാ​പ​ന​ങ്ങ​ൾ​ക്ക് അ​ഡ്വാ​ൻ​സ് അ​നു​വ​ദി​ക്കാ​ൻ പാ​ടു​ള്ളൂ. ട്ര​ഷ​റി അ​ക്കൗ​ണ്ടു​ക​ളി​ൽ നി​ന്ന് തു​ക പി​ൻ​വ​ലി​ക്കു​ന്ന​തി​നും ടോ​ക്ക​ൺ സം​വി​ധാ​ന​മേ​ർ​പ്പെ​ടു​ത്തി. ഡി.​ഡി.​ഒ​മാ​ർ​ക്ക്​ അ​ഡ്വാ​ൻ​സ്​ ബി​ല്ലു​ക​ൾ മാ​റു​ന്ന​തി​ന്​ ധ​ന​വ​കു​പ്പി​ന്‍റെ അ​നു​മ​തി ആ​വ​ശ്യ​മാ​ണെ​ന്ന​താ​ണ്​ മ​റ്റൊ​ന്ന്. ​കേ​ര​ളോ​ത്സ​വം, പ​രീ​ക്ഷ ന​ട​ത്തി​പ്പ്​ തു​ട​ങ്ങി​യ അ​നി​വാ​ര്യ​മാ​യ ചെ​ല​വു​ക​ൾ​ക്കു​ള്ള മു​ൻ​കൂ​ർ പ​ണം ചെ​ല​വ​ഴി​ക്ക​ലു​ക​ളാ​ണ്​ ഈ ​ഇ​ന​ത്തി​ൽ വ​രു​ന്ന​ത്.

സാ​മ്പ​ത്തി​ക വ​ർ​ഷം അ​വ​സാ​നി​ക്കു​ന്ന​തി​ന് മു​മ്പാ​യി അ​ന്തി​മ വൗ​ച്ച​റു​ക​ൾ സ​മ​ർ​പ്പി​ക്കാ​ൻ സാ​ധി​ക്കാ​ത്ത സാ​ഹ​ച​ര്യ​ത്തി​ൽ ഇ​ൻ​വോ​യി​സി​ന്‍റെ അ​ടി​സ്ഥാ​ന​ത്തി​ലു​ള്ള അ​ഡ്വാ​ൻ​സു​ക​ൾ അ​നു​വ​ദി​ക്കി​ല്ല. പ​ർ​ച്ചേ​സു​ക​ളി​ൽ ജി.​എ​സ്.​ടി ഉ​ൾ​പ്പെ​ടെ യ​ഥാ​ർ​ഥ ബി​ൽ ഹാ​ജ​രാ​ക്കി​യാ​ലേ തു​ക അ​നു​വ​ദി​ക്കൂ.

ട്ര​ഷ​റി നി​യ​​ന്ത്ര​ണ​ത്തെ തു​ട​ർ​ന്ന്​ ത​ട​ഞ്ഞു​വെ​ച്ച​തി​ൽ ര​ണ്ടു മാ​സ​ത്തെ ബി​ല്ലു​ക​ൾ പാ​സാ​ക്കാ​ൻ ക​ഴി​ഞ്ഞ​യാ​ഴ്ച​യാ​ണ്​ നി​ർ​ദേ​ശം ന​ൽ​കി​യ​ത്. ര​ണ്ടു​ മാ​സ​ങ്ങ​ളി​​ലേ​തു​മാ​യി 1303 കോ​ടി​യാ​ണ്​ നീ​ക്കി​​വെ​ച്ച​ത്.