സിവിൽ സർവീസിൽ അഭിമാനത്തോടെ കേരളം; സംസ്ഥാനത്ത്​ ഒന്നാമത്​ കെ. മീര

ന്യൂഡൽഹി: സിവിൽ സർവീസ്​ പരീക്ഷയിൽ​ ഇത്തവണയും മലയാളിപ്പെരുമ. ബിഹാർ കാത്തിഹാർ സ്വദേശി ശുഭം കുമാർ ​ ഒന്നാം റാങ്ക് നേടിയ പട്ടികയിൽ ആറാം റാങ്ക്​ നേടിയ തൃശൂര്‍ സ്വദേശി കെ. മീരയാണ്​ മലയാളികളിൽ ഒന്നാമത്​. കോഴിക്കോട്​ വടകര സ്വദേശി മിഥുന്‍ പ്രേംരാജ് 12ാം റാങ്കും, കരിഷ്മ നായര്‍ 14ാം റാങ്കും പി. ശ്രീജ 20ാം റാങ്കും നേടി. െഎ.​െഎ.ടി ബോ​ംബെ ബി.ടെക്​ സിവിൽ എൻജീനിയർ ബിരുദധാരിയാണ് ശുഭം കുമാർ​.​ ജാഗ്രതി അവസ്തി, അങ്കിത ജെയ് എന്നിവര്‍ രണ്ടും മൂന്നും റാങ്കുകള്‍ നേടി. ആദ്യ ആറ്​ റാങ്കിൽ അഞ്ചും പെൺകുട്ടികൾക്കാണ്​​.

761 പേരാണ് സിവിൽ സർവീസ്​ യോഗ്യത നേടിയത്. ഇതിൽ 545 ആൺകുട്ടികളും 216 പെൺകുട്ടികളുമാണ്.​ 180 പേര്‍ക്കാണ്​ ഐ.എ.എസ്​ ലഭിച്ചത്​. 36 പേര്‍ക്ക്​ ഐ.എഫ്.എസും 200 പേര്‍ക്ക് ഐ.പി.എസും ലഭിച്ചു. കേന്ദ്ര സര്‍വീസ് ഗ്രൂപ്പ് എ വിഭാഗത്തില്‍ 302ഉം, ബി വിഭാഗത്തില്‍ 118 പേരും യോഗ്യത നേടി. ഒക്ടോബറിലായിരുന്നു സിവില്‍ സര്‍വീസ് പ്രാഥമിക പരീക്ഷ. ജനുവരി എട്ട് മുതല്‍ 17 വരെ മെയിന്‍ പരീക്ഷയും ആഗസ്​റ്റ്​ രണ്ട് മുതല്‍ സെപ്റ്റംബര്‍ 22 വരെ അഭിമുഖവും നടന്നു. 10,40,060 പേരാണ്​ അപേക്ഷിച്ചത്​. 4,82,770 പേർ പരീക്ഷ എഴുതി. ഇതിൽ, 10,564 പേരാണ്​ മെയിൻ പരീക്ഷക്ക്​ യോഗ്യത നേടിയത്​. 2,053 പേർ അഭിമുഖ പരീക്ഷക്ക്​ യോഗ്യത നേടി. നരവംശ ശാസ്ത്രം, സിവില്‍ എന്‍ജിനീയറിങ്​, മെഡിക്കല്‍ സയന്‍സ്, ഫിലോസഫി, ഫിസിക്‌സ്, പൊളിറ്റിക്കല്‍ സയന്‍സ്, ഇൻറര്‍നാഷണല്‍ റിലേഷന്‍സ്, പൊതുഭരണം, സോഷ്യോളജി എന്നിവയായിരുന്നു ആദ്യ 25 റാങ്കില്‍ ഉള്‍പ്പെട്ടവര്‍ എഴുത്തുപരീക്ഷക്ക്​ തെരഞ്ഞെടുത്ത ഓപ്ഷണല്‍ വിഷയങ്ങള്‍.

റാങ്ക്​ നേടിയ മലയാളികൾ (ബ്രാക്കറ്റിൽ റാങ്ക്​): കെ.മീര (ആറ്​), മിഥുന്‍ പ്രേംരാജ് (12), കരിഷ്മ നായർ(14), പി. ശ്രീജ (20), വി.എസ് നാരായണ ശര്‍മ (33), അപര്‍ണ രമേഷ് (35), അശ്വതി ജിജി (41), നിഷ (51), വീണ എസ്. സുതന്‍ (57), എം.ബി അപര്‍ണ (62), ദീന ദസ്​തഖീർ (63), ആര്യ നായര്‍ (113), എസ്​ മാലിനി (135), കെ.എസ്​ ശഹൻഷ (142), പി. ദേവി (143), ആനന്ദ്​ ചന്ദ്രശേഖർ (145), പി.എം മിന്നു (150), രാഹുല്‍ എല്‍. നായര്‍ (154), അഞ്​ജു വില്‍സന്‍ (156), എസ്.എസ് ശ്രീതു (163), തസ്​നി ഷാനവാസ്​ (250), എ.എൽ രേഷ്മ (256), കെ. അര്‍ജുന്‍ (257) സി.ബി റെക്​സ്​ (293), പി.ജെ അലക്​സ്​ എബ്രഹാം (299) മെർലിൻ സി. ദാസ്​ (307), ഒ.വി ആൽഫ്രഡ്​ (310), എസ്​. ഗൗതം രാജ്​ (311), സാറ അഷ്​റഫ്​ (316), എസ്​.ഗോകുൽ (357), എസ്.​ അനീസ്​ (403), പി. സിബിൻ (408), കെ.കെ. ഹരിപ്രസാദ്​ (421), സാന്ദ്ര സതീഷ്​ (429), എം.വി ജയകൃഷ്​ണൻ (444), ശ്വേത കെ. സുഗതൻ (456), സബീൽ പൂവകുണ്ടിൽ (470), എ.അജേഷ്​ (475), എസ്​. അശ്വതി (481),​ െപ്രറ്റി എസ്​. പ്രകാശ്​ (485), നീന വിശ്വനാഥ്​ (496), നിവേദിത രാജ്​ (514), വി. അനഘ (528), മുഹമ്മദ്​ ശാഹിദ്​ (597), അരുൺ കെ പവിത്രൻ (618).