അതിക്രമം ജനാധിപത്യത്തിനുനേരെയും -കോടതി; വധശിക്ഷയില്ലാത്തതെന്ത്?

കൊ​ച്ചി: ടി.പി വധക്കേസിൽ പ്ര​തി​ക​ൾ​ക്ക്​ വ​ധ​ശി​ക്ഷ ന​ൽ​ക​ണ​മെ​ന്ന ആ​വ​ശ്യം അ​നു​വ​ദി​ക്കാ​തെ ക​ടു​ത്ത വ്യ​വ​സ്ഥ​​ക​ളോ​ടെ ജീ​വ​പ​ര്യ​ന്തം ശി​ക്ഷ​യാ​ക്കി മാ​റ്റി​യ​തി​ന്‍റെ കാ​ര​ണം ഡി​വി​ഷ​ൻ ബെ​ഞ്ചിന്റെ ഉ​ത്ത​ര​വി​ൽ വ്യ​ക്ത​ം. കേ​സി​ൽ ഉ​യ​ർ​ന്ന ശി​ക്ഷ വി​ധി​ക്കു​മ്പോ​ൾ അ​തി​സൂ​ക്ഷ്മ​ത പു​ല​ർ​ത്ത​ണ​മെ​ന്ന​ത​ട​ക്ക​മു​ള്ള സു​പ്രീം​കോ​ട​തി ഉ​ത്ത​ര​വു​ക​ൾ കോ​ട​തി ചൂ​ണ്ടി​ക്കാ​ട്ടി.

പ്ര​തി​യു​ടെ അ​വ​കാ​ശം​കൂ​ടി ക​ണ​ക്കി​ലെ​ടു​ത്ത്​ ഏ​റ്റ​വും സു​ര​ക്ഷി​ത​മാ​യ രീ​തി​യി​ൽ സാ​ഹ​ച​ര്യ​ങ്ങ​ളെ സ​മീ​പി​ക്ക​ണ​മെ​ന്നാ​ണ് അ​ടി​സ്ഥാ​ന പ്ര​മാ​ണം. കു​റ്റ​കൃ​ത്യ​ത്തി​ന്‍റെ സ്വ​ഭാ​വ​ത്തി​ൽ മാ​ത്ര​മ​ല്ല, കു​റ്റ​വാ​ളി​യു​ടെ സ്വ​ഭാ​വ​വും പ​രി​ഗ​ണി​ച്ച്​ സ​മൂ​ഹ​ത്തി​ന്​ ദ്രോ​ഹ​ക​ര​മാ​കാ​വു​ന്ന സാ​ധ്യ​ത​ക​ൾ​കൂ​ടി വി​ല​യി​രു​ത്തി വേ​ണം വ​ധ​ശി​ക്ഷ വി​ധി​ക്കാ​ൻ.

പ​ര​മാ​വ​ധി ക്രൂ​ര​ത​യോ​ടെ​യു​ള്ള കു​റ്റ​കൃ​ത്യ​ത്തി​നാ​ണ്​ പ​ര​മാ​വ​ധി ശി​ക്ഷ ന​ൽ​കേ​ണ്ട​ത്. ഈ ​വ​സ്തു​ത​ക​ൾ ക​ണ​ക്കി​ലെ​ടു​ത്താ​ൽ ടി.​പി. ച​ന്ദ്ര​ശേ​ഖ​ര​ന്‍റെ കൊ​ല​പാ​ത​ക​ത്തി​ലെ പ്ര​തി​ക​ൾ ദ​യ അ​ർ​ഹി​ക്കു​ന്നി​ല്ല. എ​ന്നാ​ൽ, സാ​ഹ​ച​ര്യ​ങ്ങ​ളു​മാ​യി ബ​ന്ധ​പ്പെ​ട്ട്​ പൊ​തു​താ​ൽ​പ​ര്യ​ത്തി​നൊ​പ്പം പ്ര​തി​ക​ളു​ടെ താ​ൽ​പ​ര്യ​വും പ​രി​ഗ​ണി​ക്കേ​ണ്ട​തു​ണ്ട്​.

വ​ധ​ശി​ക്ഷ വി​ധി​ക്കും​മു​മ്പ്​ കു​റ്റ​വാ​ളി​ക​ൾ​ക്ക്​ മാ​ന​സാ​ന്ത​ര സാ​ധ്യ​ത​യു​ണ്ടോ​യെ​ന്ന കാ​ര്യം ക​ണ​ക്കി​ലെ​ടു​ക്ക​ണം. എ​ന്നാ​ൽ, പ്ര​തി​ക​ളെ തി​രു​ത്താ​നാ​വി​ല്ലെ​ന്ന്​ ബോ​ധ്യ​പ്പെ​ടു​ത്താ​ൻ മ​തി​യാ​യ തെ​ളി​വു​ക​ൾ ഹാ​ജ​രാ​ക്കാ​ൻ പ്രോ​സി​ക്യൂ​ഷ​നാ​യി​ട്ടി​ല്ല. ജ​യി​ലി​ൽ​നി​ന്ന​ട​ക്കം കോ​ട​തി വി​ളി​ച്ചു​വ​രു​ത്തി​യ റി​പ്പോ​ർ​ട്ടി​ലും ഇ​തി​ന്​ മ​തി​യാ​യ​തൊ​ന്നു​മി​ല്ല. അ​തി​നാ​ൽ, ഈ ​കേ​സ്​ അ​പൂ​ർ​വ​ങ്ങ​ളി​ൽ അ​പൂ​ർ​വം എ​ന്ന ഗ​ണ​ത്തി​ൽ​പെ​ടു​ത്താ​നാ​വി​ല്ല.

രേ​ഖ​ക​ൾ പ​രി​ശോ​ധി​ച്ച​തി​ൽ​നി​ന്നും​ ക​ക്ഷി​ക​ളു​ടെ വാ​ദ​ങ്ങ​ളി​ൽ​നി​ന്നും ക​ടു​ത്ത ഉ​പാ​ധി​ക​ളോ​ടെ ജീ​വ​പ​ര്യ​ന്തം മ​തി​യാ​വു​മെ​ന്ന്​ ബോ​ധ്യ​മാ​യി. ഇ​തി​ലൂ​ടെ നി​യ​മ​സം​വി​ധാ​ന​ത്തി​​ലെ വി​ശ്വാ​സ​വും നി​ല​നി​ർ​ത്താ​നാ​വും. തു​ട​ർ​ന്നാ​ണ്​ സ്വാ​മി ശ്ര​ദ്ധാ​ന​ന്ദ കേ​സി​​ന്‍റെ​യ​ട​ക്കം അ​ടി​സ്ഥാ​ന​ത്തി​ൽ 20 വ​ർ​ഷം ശി​ക്ഷ ഇ​ള​വി​ല്ലാ​ത്ത​വി​ധം പ്ര​തി​ക​ൾ​ക്ക്​ ജീ​വ​പ​ര്യ​ന്തം വി​ധി​ച്ച​ത്.

നി​രാ​യു​ധ​നാ​യ വ്യ​ക്തി​യെ അ​പ​രി​ഷ്കൃ​ത രീ​തി​യി​ൽ കൊ​ല​പ്പെ​ടു​ത്തി​യ ഹീ​ന​പ്ര​വൃ​ത്തി​ക്ക്​ വി​ചാ​ര​ണ​ക്കോ​ട​തി വി​ധി​ച്ച ജീ​വ​പ​ര്യ​ന്തം മ​തി​യാ​യ​ത​ല്ലെ​ന്നും വി​ധി​യി​ൽ വ്യ​ക്ത​മാ​ക്കി.

നി​രാ​യു​ധ​നാ​യ രാ​ഷ്​​ട്രീ​യ എ​തി​രാ​ളി​യെ അ​തി​ക്രൂ​ര​മാ​യി കൊ​ല​പ്പെ​ടു​ത്തി​യെ​ന്ന​ത്​ മാ​ത്ര​മ​ല്ല, ജ​നാ​ധി​പ​ത്യ​ത്തി​ന്​ നേ​രെ​യു​ള്ള അ​തി​ക്ര​മം കൂ​ടി​യാ​ണ്​ ടി.​പി. ച​ന്ദ്ര​ശേ​ഖ​ര​ൻ വ​ധ​ക്കേ​സി​ലെ പ്ര​തി​ക​ളി​ൽ​നി​ന്നു​ണ്ടാ​യ​തെ​ന്ന്​ ഹൈ​കോ​ട​തി. ജ​നാ​ധി​പ​ത്യ​മെ​ന്ന ആ​ശ​യ​ത്തി​ന്​​​ നേ​രെ​യു​ണ്ടാ​യ ഭീ​ഷ​ണി​യാ​ണി​ത്.

ഹീ​ന​മാ​യ കൊ​ല​പാ​ത​ക​ത്തി​ലൂ​ടെ അ​ഭി​പ്രാ​യ സ്വാ​ത​ന്ത്ര്യ​മ​ട​ക്കം ഭ​ര​ണ​ഘ​ട​ന ന​ൽ​കു​ന്ന അ​വ​കാ​ശ​ങ്ങ​ൾ വി​നി​യോ​ഗി​ക്കു​ന്ന​വ​രെ ഭ​യ​പ്പെ​ടു​ത്തു​ക​യാ​ണ്​ ചെ​യ്ത​ത്. നി​യ​മ​വാ​ഴ്ച നി​ല​നി​ൽ​ക്കു​ന്ന രാ​ജ്യ​ത്ത്​ ഇ​ത്​ അ​നു​വ​ദി​ക്കാ​നാ​വി​ല്ല. പ്ര​തി​ക​ളു​ടെ ശി​ക്ഷ ഉ​യ​ർ​ത്തി പു​റ​പ്പെ​ടു​വി​ച്ച ഉ​ത്ത​ര​വി​ലാ​ണ്​ ഡി​വി​ഷ​ൻ ബെ​ഞ്ചി​ന്‍റെ ഈ ​നി​രീ​ക്ഷ​ണം.