ഈരാറ്റുപേട്ട: ഒരാഴ്ചയായി പ്രദശത്തെ കോഴികളെ പിടിച്ചുതിന്ന് നാട്ടുകാരുടെ സ്വൈരം കെടുത്തിയിരുന്ന കാട്ടുപൂച്ച (കാട്ടുമാക്കാൻ) ഒടുവിൽ കൂട്ടിലായി. വാഴമറ്റം, മുരുക്കോലി പ്രദേശത്ത് ഒരാഴ്ചയായി അനേകം കോഴികളാണ് നഷ്ടപ്പെട്ടത്. ഇങ്ങനെ ഇര പിടിക്കുന്നതിനിെടയാണ് പൂച്ച പെട്ടുപോ‍യത്.
മുരുക്കോലിൽ ബഷീറിെൻറ പുരയിടത്തിലെ കോഴിക്കൂട്ടിൽനിന്ന് മൂന്നുദിവസം മുമ്പ് രണ്ട് വളർത്തുകോഴികളെ പിടിച്ചുകൊണ്ട്പോയിരുന്നു. ശനിയാഴ്ച രാത്രി വീണ്ടും അതേ കൂട്ടിലെ മൂന്നു കോഴിയെയും തിന്നതിനുശേഷം തിരിച്ചിറങ്ങാൻ പറ്റാതെവന്നതാണ് കാട്ടുപൂച്ചക്ക് പിടിവീഴാൻ കാരണം. കെണിയിൽ വീണ പൂച്ചയെ കാണാൻ പ്രദേശത്ത് നാട്ടുകാർ തടിച്ചുകൂടി.
എരുമേലി ഫോറസ്റ്റ് േറഞ്ചിലെ വണ്ടംപതാൽ ഫോറസ്റ്റർ വി. അനിൽ കുമാറിെൻറ നേതൃത്വത്തിൽ ഉദ്യോഗസ്ഥരെത്തി കാട്ടുപൂച്ചയെ കൂട്ടിലാക്കി കൊണ്ടുപോയി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.