കോട്ടയം: കോൺഗ്രസിലെ പ്രശ്നങ്ങൾ പരിഹരിക്കാൻ വേണ്ടി നടത്തുന്ന ചർച്ചകളോട് സഹകരിക്കുമെന്ന് മുതിർന്ന കോൺഗ്രസ് നേതാവ് ഉമ്മൻചാണ്ടി. ചർച്ചകൾ നടത്തണോയെന്ന് തീരുമാനിക്കേണ്ടത് അവരാണ്. പ്രശ്നപരിഹാരത്തിനായി ചർച്ചകളുണ്ടായാൽ അതിനോട് പൂർണമായും സഹകരിക്കുന്ന നിലപാടായിരിക്കും തന്റെ ഭാഗത്ത് നിന്നും ഉണ്ടാവുകയെന്നും ഉമ്മൻചാണ്ടി പറഞ്ഞു. ഇനിയും ദിവസങ്ങളുണ്ടല്ലോയെന്നും അദ്ദേഹം കൂട്ടിച്ചേർത്തു.
തിങ്കളാഴ്ച നടക്കുന്ന യു.ഡി.എഫ് യോഗത്തിൽ പങ്കെടുക്കും. പ്രശ്നപരിഹാരമായോ എന്ന ചോദ്യത്തോട് പ്രതികരിക്കാൻ അദ്ദേഹം തയാറായില്ല. കേരളത്തിന്റെ ചുമതലയുള്ള എ.ഐ.സി.സി ജനറൽ സെക്രട്ടറി താരിഖ് അൻവർ തന്നെ വീണ്ടും പ്രശ്ന പരിഹാരത്തിനായി എത്തുന്നതിനെ കുറിച്ചും അദ്ദേഹം പ്രതികരണം. കേരളത്തിന്റെ സംഘടന ചുമതലയുള്ള നേതാവാണ് താരിഖ് അൻവറെന്നായിരുന്നു ഉമ്മൻചാണ്ടിയുടെ പ്രതികരണം.
എന്നാൽ, കഴിഞ്ഞ ദിവസത്തെ രമേശ് ചെന്നിത്തലയുടെ പ്രതികരണത്തിൽ മറുപടി പറയാനും ഉമ്മൻചാണ്ടി തയാറായില്ല. ഡി.സി.സി പുനഃസംഘടനയിൽ തന്നോട് ആലോചിച്ചില്ലെങ്കിലും മുതിർന്ന നേതാവും എ.ഐ.സി.സി ജനറൽ സെക്രട്ടറിയുമായ ഉമ്മൻചാണ്ടിയോട് അഭിപ്രായം ചോദിക്കണമെന്നായിരുന്നു ചെന്നിത്തലയുടെ പ്രതികരണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.