ഉറങ്ങിക്കിടന്ന ബാലികയുമായി കാർ തട്ടിക്കൊണ്ടുപോയി; യുവാവ്​ അറസ്റ്റിൽ

കു​റ്റ്യാ​ടി: മ​ക​ളെ കാ​റി​ൽ ഉ​റ​ക്കി​ക്കി​ട​ത്തി മാ​താ​പി​താ​ക്ക​ൾ സൂ​പ്പ​ർ മാ​ർ​ക്ക​റ്റി​ൽ പോ​യ സ​മ​യം കാ​ർ ത​ട്ടി​ക്കൊ​ണ്ടു​പോ​യി. ദ്രു​ത​ഗ​തി​യി​ൽ ന​ട​ത്തി​യ തി​ര​ച്ചി​ലി​ൽ കാ​റും ബാ​ലി​ക​യെ​യും ക​ണ്ടെ​ത്തി. അ​ടു​ക്ക​ത്ത്​ സൂ​പ്പ​ർ മാ​ർ​ക്ക​റ്റി​നു മു​ന്നി​ൽ വ്യാ​ഴാ​ഴ്ച ഉ​ച്ച​ക്കാ​ണ്​ സം​ഭ​വം. കു​ന്ദ​മം​ഗ​ലം മ​ലാ​ക്കു​ഴി ഭൂ​പ​തി മ​ൻ​സൂ​ർ -ജ​ൽ​സ ദ​മ്പ​തി​ക​ളു​ടെ മ​ക​ൾ ഫാ​ത്തി​മ മ​ൻ​സൂ​റി​നെ​യാ​ണ്​ (10) ത​ട്ടി​ക്കൊ​ണ്ടു​പോ​യ​ത്. സം​ഭ​വ​ത്തി​ൽ അ​ടു​ക്ക​ത്ത്​ മ​ണ്ണൂ​ർ ആ​ശാ​രി​പ്പ​റ​മ്പ​ത്ത്​ വി​ജീ​ഷി​നെ​ (40) കു​റ്റ്യാ​ടി സി.​ഐ എ​സ്.​ബി. കൈ​ലാ​സ്​​നാ​ഥ്​ അ​റ​സ്റ്റ്​ ചെ​യ്തു. കു​ന്ദ​മം​ഗ​ല​ത്തു​നി​ന്ന്​ അ​ടു​ക്ക​ത്തെ ജ​ൽ​സ​യു​ടെ വീ​ട്ടി​ലേ​ക്കു വ​രു​ക​യാ​യി​രു​ന്നു മ​ൻ​സൂ​റും കു​ടും​ബ​വും. സൂ​പ്പ​ർ​മാ​ർ​ക്ക​റ്റി​ൽ​നി​ന്ന്​ സാ​ധ​നം വാ​ങ്ങാ​ൻ പു​റ​ത്തി​റ​ങ്ങി​യ​പ്പോ​ൾ കു​ട്ടി പി​ൻ​സീ​റ്റി​ൽ ഉ​റ​ങ്ങു​ന്ന​തി​നാ​ൽ കാ​ർ ഓ​ഫാ​ക്കാ​തെ എ.​സി പ്ര​വ​ർ​ത്തി​പ്പി​ച്ചി​രു​ന്നു.

സാ​ധ​നം വാ​ങ്ങി 10 മി​നി​റ്റി​ന​കം ഇ​രു​വ​രും തി​രി​ച്ചെ​ത്തി​യ​പ്പോ​ഴേ​ക്കും കാ​ർ കാ​ണാ​നി​ല്ല. ജ​സ്​​ല​യു​ടെ ഫോ​ണും കാ​റി​ലാ​ണു​ണ്ടാ​യി​രു​ന്ന​ത്. അ​തി​ൽ വി​ളി​ച്ച​പ്പോ​ൾ എ​ടു​ത്തെ​ങ്കി​ലും അ​വ്യ​ക്ത​മാ​യാ​ണ്​​ പ്ര​തി​ക​രി​ച്ച​ത്.

സി.​സി.​ടി.​വി ദൃ​ശ്യ​ങ്ങ​ളി​ൽ കാ​ർ മു​ള്ള​ൻ​കു​ന്ന്​ ഭാ​ഗ​ത്തേ​ക്കാ​ണ്​ പോ​യ​തെ​ന്ന്​ മ​ന​സ്സി​ലാ​യി. ക​ട​യു​ടെ സ​മീ​പ​ത്തു​ണ്ടാ​യി​രു​ന്ന ഒ​രു ഡെ​ലി​വ​റി വാ​ൻ മ​ൻ​സൂ​റി​നെ​യും ക​യ​റ്റി ആ ​ഭാ​ഗ​ത്തേ​ക്ക്​ കു​തി​ച്ചു. ര​ണ്ട്​ കി​ലോ​മീ​റ്റ​ർ അ​ക​ലെ മു​ണ്ട​ക്കു​റ്റി​യി​ൽ കാ​ർ ക​ണ്ടെ​ത്തി. ​ വാ​ൻ കു​റു​കെ​യി​ട്ട് കാ​ർ നി​ർ​ത്തി​ച്ച​പ്പോ​ൾ അ​തി​ൽ കു​ട്ടി ഉ​ണ്ടാ​യി​രു​ന്നി​ല്ല. ചോ​ദ്യം ചെ​യ്ത​പ്പോ​ൾ കു​ട്ടി​യെ വ​ഴി​യി​ൽ ഇ​റ​ക്കി​വി​ട്ട​താ​യി വി​ജീ​ഷ്​ പ​റ​ഞ്ഞു. ഇ​യാ​ൾ പ​റ​ഞ്ഞ​ത​നു​സ​രി​ച്ച്​ ന​ട​ത്തി​യ തി​ര​ച്ചി​ലി​ൽ സ​മീ​പ പ്ര​ദേ​ശ​മാ​യ കു​ല്ലു​നി​ര​യി​ൽ കു​ട്ടി​യെ ക​ണ്ടെ​ത്തി. പേ​ടി​ച്ച്​​ റോ​ഡ​രി​കി​ൽ​നി​ന്ന്​ ക​ര​യു​ക​യാ​യി​രു​ന്നു കു​ട്ടി. ത​ന്നെ വി​ളി​ച്ചു​ണ​ർ​ത്തി കാ​റി​ൽ​നി​ന്ന്​ ഇ​റ​ക്കി​വി​ട്ട​താ​ണെ​ന്ന്​ കു​ട്ടി പ​റ​ഞ്ഞു. കൂ​ട്ടാ​ൻ ഉ​പ്പ വ​രു​മെ​ന്നും പ​റ​ഞ്ഞ​ത്രെ.

വി​വ​ര​മ​റി​ഞ്ഞ്​ ബ​ഷീ​ർ നെ​ര​യ​ങ്കോ​ട​ന്റെ നേ​തൃ​ത്വ​ത്തി​ൽ ജ​ന​കീ​യ ദു​ര​ന്ത നി​വാ​ര​ണ സേ​ന പ്ര​വ​ർ​ത്ത​ക​രും സ്ഥ​ല​ത്തെ​ത്തി പ്ര​തി​യെ പൊ​ലീ​സി​ൽ ഏ​ൽ​പി​ച്ചു.

പ്ര​തി​യെ കു​റ്റ്യാ​ടി ഗ​വ. ആ​ശു​പ​ത്രി​യി​ൽ എ​ത്തി​ച്ച്​ വൈ​ദ്യ പ​രി​ശോ​ധ​ന​ക്ക്​ വി​ധേ​യ​മാ​ക്കി. ഇ​യാ​ൾ പ​ര​സ്പ​ര വി​രു​ദ്ധ​മാ​യാ​ണ്​ പൊ​ലീ​​സി​നോ​ട്​ സം​സാ​രി​ച്ച​ത്. കാ​ർ മോ​ഷ്ടി​ച്ച​തി​നും കു​ട്ടി​യെ ത​ട്ടി​ക്കൊ​ണ്ടുേ പോ​യ​തി​നു​മാ​ണ്​ കേ​സ്. ല​ഹ​രി ഉ​പ​യോ​ഗി​ച്ചി​ട്ടു​ണ്ടോ എ​ന്ന​റി​യാ​ൻ വൈ​ദ്യ പ​രി​ശോ​ധ​ന ന​ട​ത്തി​യ ശേ​ഷം പ്ര​തി​യെ വെ​ള്ളി​യാ​ഴ്ച കോ​ട​തി​യി​ൽ ഹാ​ജ​രാ​ക്കു​മെ​ന്ന്​ സി.​ഐ പ​റ​ഞ്ഞു.