അഖിൽ
മതിലകം: കൂളിമുട്ടം ഭജനമഠത്ത് വീട്ടമ്മയെ ആക്രമിക്കുകയും വീടിന്റെ ജനൽചില്ല് അടിച്ചുതകർക്കുകയും ചെയ്‌ത കേസിൽ യുവാവിനെ മതിലകം പൊലീസ് അറസ്റ്റ് ചെയ്‌തു. കൂളിമുട്ടം സ്വദേശി ഊരാമ്പുറത്ത് വീട്ടിൽ അഖിലിനെയാണ് (31) മതിലകം എസ്.ഐ സി.സി.ബസന്തും സംഘവും അറസ്റ്റ് ചെയ്‌തത്‌. കഴിഞ്ഞ 27നാണ് കേസിനാസ്പദമായ സംഭവം.
ഭജനമഠം സ്വദേശി ഇളയരാംപുരയ്‌ക്കൽ കോമളത്തിനെയാണ് ആക്രമിച്ചത്. മകൻ പ്രശോഭിന്റെ സ്കൂട്ടറിൽ ഇരുമ്പ് പൈപ്പ് കൊണ്ട് അടിക്കുന്നത് കണ്ട് തടയാൻ ശ്രമിച്ച കോമളത്തെ മൂന്നംഗ സംഘം ആക്രമിക്കുകയായിരുന്നു. അറസ്റ്റിലായ പ്രതിയെ കോടതി റിമാൻഡ് ചെയ്‌തു. കേസിൽ ഇനി രണ്ട് പേരെ കൂടി പിടികൂടാനുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.