'തലക്ക് നെല്ലിക്കതളം ഇടണം'; പി.സി. ജോർജിന് നെല്ലിക്ക അയച്ച്​ യൂത്ത് കോൺഗ്രസ്​

ചെറുതുരുത്തി: സംസ്ഥാന രാഷ്​ട്രീയത്തിലെ മാലിന്യമാണ് കേരള ജനപക്ഷം സെക്കുലർ നേതാവ് പി.സി. ജോർജെന്ന് യൂത്ത് കോൺഗ്രസ്.

തലക്ക് നെല്ലിക്കതളം ഇടണമെന്ന് അഭ്യർഥിച്ച് ഒരുപെട്ടി നെല്ലിക്ക അയച്ചുകൊടുത്ത് പ്രതീകാത്മക പ്രതിഷേധം നടത്തി.

പ്രവാസി കോൺഗ്രസ് ദേശമംഗലം മണ്ഡലം പ്രസിഡൻറ്​ അബ്​ദുൽ റസാഖ്​ ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡൻറ് നിഷാദ് തലശ്ശേരി അധ്യക്ഷത വഹിച്ചു. സനൂപ്, റിൻഷാദ്, അഷറഫ് എന്നിവർ സംസാരിച്ചു.