ത​റ​വാ​ട്ടി​ലെ പെ​രു​ന്നാ​ൾ

മൂ​ന്നു നാ​ല് അ​ടി വ്യ​ത്യാ​സ​ത്തി​ന്റെ ഇ​ട​യി​ൽ കു​റ്റി​ച്ചി​റ ത​റ​വാ​ട് വീ​ടു​ക​ൾ അ​ങ്ങ​നെ ത​ല​യു​യ​ർ​ത്തി നി​ൽ​ക്കു​മ്പോ​ൾ ഓ​രോ പെ​രു​ന്നാ​ൾ ഓ​ർ​മ​ക​ളും അ​തി​ൽ ത​ളം​കെ​ട്ടി നി​ൽ​ക്കു​ന്നു​ണ്ട്

മി​ശ്കാ​ൽ പ​ള്ളീ​ല് സു​ബ്ഹി ബാ​ങ്ക് കൊ​ടു​ക്കു​ന്ന​തി​നു മു​മ്പ് കു​റ്റി​ച്ചി​റ ത​റ​വാ​ടു​ക​ൾ ഉ​ണ​രും. ത​റ​വാ​ടി​ന്റെ അ​ക​ത്ത​ള​ത്തി​ൽ പെ​ണ്ണു​ങ്ങ​ളും കോ​ലാ​യി​ലും കൊ​ട്ടി​ലി​ലും ആ​ണു​ങ്ങ​ളും നി​റ​യും. വെ​ള്ള കീ​റു​ന്ന​തി​നു​മു​മ്പ് ത​ന്നെ കു​ളി​യും സു​ബ്ഹി ന​മ​സ്കാ​രം ക​ഴി​ഞ്ഞ് പെ​രു​ന്നാ​ൾ കോ​ടി​യി​ട്ട്, ആ​ണു​ങ്ങ​ള് ത​ക്ബീ​റും ചൊ​ല്ലി പ​ള്ളി​യി​ലേ​ക്ക് പോ​കു​ന്ന​തു​മു​ത​ൽ പെ​രു​ന്നാ​ൾ തു​ട​ങ്ങും.

പ​റ​ഞ്ഞു​തു​ട​ങ്ങു​ന്ന​ത് കു​റ്റി​ച്ചി​റ​യു​ടെ പാ​ര​മ്പ​ര്യം കാ​ത്തു​സൂ​ക്ഷി​ക്കു​ന്ന ത​റ​വാ​ട് വീ​ടു​ക​ളെക്കുറി​ച്ചാ​ണ്. മൂ​ന്നു നാ​ല് അ​ടി വ്യ​ത്യാ​സ​ത്തി​ന്റെ ഇ​ട​യി​ൽ കു​റ്റി​ച്ചി​റ ത​റ​വാ​ട് വീ​ടു​ക​ൾ അ​ങ്ങ​നെ ത​ല​യു​യ​ർ​ത്തി നി​ൽ​ക്കു​മ്പോ​ൾ ഓ​രോ പെ​രു​ന്നാ​ൾ ഓ​ർ​മ​ക​ളും അ​തി​ൽ ത​ളം​കെ​ട്ടി നി​ൽ​ക്കു​ന്നു​ണ്ട്. നൂ​റും ഇ​രു​ന്നൂ​റും വ​ർ​ഷം പ​ഴ​ക്കം ചെ​ന്ന ത​റ​വാ​ടു​ക​ളി​ൽ ഒ​ത്തൊ​രു​മ​യോ​ടെ 150ഓ​ളം ആ​ളു​ക​ൾ താ​മ​സി​ച്ചി​രു​ന്ന​ത് ഒ​രു അ​തി​ശ​യം ത​ന്നെ​യാ​ണ്. ആ​ളു​ക​ളു​ടെ വ​ർ​ധ​ന ഇ​ന്ന് ഓ​രോ കു​ടും​ബ​ത്തെയും ഓ​രോ ഇ​ട​ങ്ങ​ളി​ലേ​ക്ക് മാ​റി​ത്താ​മ​സി​ക്കാ​ൻ നി​ർ​ബ​ന്ധി​ത​രാ​ക്കി. എ​ന്നാ​ലും പെ​രു​ന്നാ​ളി​നും ക​ല്യാ​ണ സ​ൽ​ക്കാ​ര​ങ്ങ​ൾ​ക്കും എ​ല്ലാ​വ​രും ത​റ​വാ​ട്ടി​ൽ ഒ​ത്തു​കൂ​ടും.

മൈ​ലാ​ഞ്ചി മ​ണ​ക്കു​ന്ന പെ​രു​ന്നാ​ൾ രാ​വ്

പ​ടി​പ്പു​ര ക​ട​ന്ന് വ​ലി​യ മൂ​ന്നു കോ​ലാ​യി കേ​റി അ​ക​ത്ത​ള​ത്തി​ൽ എ​ത്തി​യാ​ൽ വി​താ​നി​ച്ചു വി​സ്ത​രി​ച്ച ന​ടു​വ​ക​മാ​ണ്. ന​ടു​വ​ക​ത്തോ​ട് ചേ​ർ​ന്ന് നാ​ലാം​കു​ഴി​യും പ​ട​പ്പു​റ​വു​മു​ണ്ട്. ന​ടു​വ​ക​ത്തി​ൽ പെ​ണ്ണു​ങ്ങ​ൾ വ​ട്ട​ത്തി​ൽ കൂ​ടി​യി​രു​ന്ന് പാ​ട്ടു​പാ​ടി മൈ​ലാ​ഞ്ചി​യി​ല അ​ര​ച്ച് കൈ ​ചോ​പ്പി​ക്കും... അ​വി​ടെ​നി​ന്ന് തു​ട​ങ്ങും ത​റ​വാ​ടി​ന്റെ പെ​രു​ന്നാ​ൾ ആ​ഘോ​ഷം. കു​ട്ടി​ക​ളും പെ​ണ്ണു​ങ്ങ​ളും പ​ണി​ക്കാ​രി പെ​ണ്ണു​ങ്ങ​ളും തോ​ട​യും കാ​ശി​മാ​ല​യും ഇ​ട്ട വ​ല്യു​മ്മ​മാ​ര് വ​രെ ആ ​കൂ​ട്ട​ത്തി​ൽ ഉ​ണ്ടാ​കും. അ​പ്പോ​ൾ, അ​ടു​ക്ക​ള​യി​ൽ മൊ​രി​യു​ന്ന പ​രി​പ്പു​വ​ട​യും ക​ട​ല​പ്പു​ഴു​ക്കു​മെ​ല്ലാം മൈ​ലാ​ഞ്ചി​ക്കാ​രു​ടെ ഇ​ട​യി​ലേ​ക്ക് നി​ര​ന്നെ​ത്തും. മാ​ന​ത്ത് ഉ​ദി​ച്ച നി​ലാ​വു ക​ണ്ട് അ​ന്ന് ത​റ​വാ​ടു​ക​ൾ ഉ​റ​ങ്ങാ​ൻ വൈ​കും; നേ​രം വെ​ളു​ക്കു​ന്ന പെ​രു​ന്നാ​ളും ഓ​ർ​ത്ത്.

പെ​രു​ന്നാ​പ്പടി​യും പെ​രു​ന്നാ​ക്കുപ്പാ​യ​വും

വ​സ്ത്ര​ങ്ങ​ൾ കു​ത്തി​നി​റ​ച്ച് മു​റ്റ​ത്ത് വ​ന്നു​നി​ൽ​ക്കു​ന്ന അം​ബാ​സ​ഡ​ർ കാ​റി​ന്റെ ഹോ​ണ​ടി​യും ശ്ര​ദ്ധി​ച്ച് അ​വ​ര് കാ​ത്തി​രി​ക്കും. പെ​രു​ന്നാ​ൾ കു​പ്പാ​യ​ത്തി​ന്റെ പു​ത്ത​ൻ മ​ണ​ത്തി​നാ​യി. കാ​റി​ന്റെ ഒ​രു ഭാ​ഗ​ത്ത് തു​ണി​കൊ​ണ്ടു മ​റ​ച്ച് മ​റ്റൊ​രു പു​രു​ഷ​ദ​ർ​ശ​ന​വും കൂ​ടാ​തെ പെ​ണ്ണു​ങ്ങ​ൾ കാ​റി​നെ വ​ള​യും. അ​തി​ന​ക​ത്തു​ള്ള വ​സ്ത്ര​ങ്ങ​ളെ​ല്ലാം വാ​രി​ക്കൂ​ട്ടി ന​ടു​വ​ത്തി​ൽ ക​ട്ടി​ലി​ൽ ഇ​രി​ക്കും.

പി​ന്നീ​ട് ഒ​രു നീ​ണ്ട തി​ര​ച്ചി​ലി​ന് ഒ​ടു​വി​ൽ ഓ​രോ​രു​ത്ത​ർ​ക്കും ഇ​ഷ്ട​പ്പെ​ട്ട നി​റ​ത്തി​ലു​ള്ള പാ​വാ​ട​ക​ളും ബ്ലൗ​സും സാ​രി​യും കാ​ച്ചി​മു​ണ്ടും കു​പ്പാ​യ​വും എ​ടു​ക്കും. കു​ട്ടി​ക​ൾ​ക്കാ​യു​ള്ള ഒ​രു രൂ​പ​യും ഏ​റ്റ​വും കൂ​ടു​ത​ൽ ര​ണ്ടു രൂ​പ​യു​മാ​ണ് പെ​രു​ന്നാപ്പടി. പു​തി​യ വ​സ്ത്ര​ത്തി​ൽ പെ​രു​ന്നാ​ൾ ന​മ​സ്കാ​ര​വും ക​ഴി​ഞ്ഞ് കു​ട്ടി​ക​ൾ ഇ​തി​നു​വേ​ണ്ടി കാ​ത്തി​രി​ക്കും.

പെ​രു​ന്നാ​ൾ ന​മ​സ്കാ​രം

ക​ഞ്ഞി​പ്പ​ശ മു​ക്കി അ​ല​ക്കി ഉ​ണ​ക്കി​യ കു​പ്പാ​യ​വും തേ​ച്ചി​ട്ട് അ​ത്ത​റും പൂ​ശി ആ​ണു​ങ്ങ​ള് പ​ള്ളി​യി​ൽ നമ​സ്ക​രി​ക്കു​മ്പോ​ൾ പെ​ണ്ണു​ങ്ങ​ൾ മുസ്ലിയാരുടെ നേ​തൃ​ത്വ​ത്തി​ൽ വീ​ട്ടി​ൽ പെ​രു​ന്നാ​ൾ നമസ്കാ​രം കൂ​ടും. റ​മ​ദാ​നി​ന്റെ 30 രാ​വി​ലും ത​റാ​വീ​ഹ് ന​മ​സ്കാ​ര​ത്തി​ന് ഇ​മാ​മാ​യ (ന​മ​സ്കാ​ര​ത്തി​നു നേ​തൃ​ത്വം ന​ൽ​കു​ന്ന​യാ​ൾ) മുസ്ലിയാരെത്തന്നെ ത​ന്നെ പെ​രു​ന്നാ​ൾ ന​മ​സ്കാ​ര​ത്തി​നും വേ​ണ​മെ​ന്ന​ത് അ​വ​ർ പ്ര​ത്യേ​കം ശ്ര​ദ്ധി​ച്ചി​രു​ന്നു. പി​ന്നെ ന​മ​സ്കാ​രം ക​ഴി​ഞ്ഞ് പെ​രു​ന്നാ​ക്കോ​ളും (മ​ധു​രം) ക​ഴി​ച്ച് ബി​രി​യാ​ണിപ്പണി​യു​ടെ തി​ര​ക്കി​ലേ​ക്ക് മാ​റും.

ഓ​തി​വെ​ച്ച പോ​ത്തി​റ​ച്ചി

വ​ലി​യ പെ​രു​ന്നാ​ളി​ന്റെ ത​ലേ​ന്ന് രാ​ത്രി വ​രെ വെ​ള്ള​വും കാ​ടി​യും കൊ​ടു​ത്ത് കൊ​ഴു​പ്പി​ച്ചു നി​ർ​ത്തി​യ മൂ​രി​ക​ളെ വീ​ട്ടി​ലെ കാ​ർ​ന്നോ​ന്മാ​രു​ടെ നേ​തൃ​ത്വ​ത്തി​ൽ അ​റു​ത്തു​മാ​റ്റും. ഇ​റ​ച്ചി വ​ല്യുമ്മ​മാ​ര് ഇ​രു​ന്ന് ഓ​തി​വെ​ക്കും (പ​ങ്കു​വെ​ക്കും). ഒ​രു പ​ങ്ക് എ​ന്നും ദാ​ന​മാ​ണ്. പാ​വ​ങ്ങ​ൾ​ക്കു​ള്ള ഓ​ഹ​രി മാ​റ്റി​യാ​ൽ ബാ​ക്കി അ​ടു​ക്ക​ള​യി​ലേ​ക്ക് എ​ടു​ക്കും. പ​ണി​ക്കാ​ര​ത്തി പെ​ണ്ണു​ങ്ങ​ൾ അ​ത് വൃ​ത്തി​യാ​ക്കി പാ​കം ചെ​യ്യും. കൂ​ട്ട​ത്തി​ലെ മേ​ൽ​നോ​ട്ട​ത്തി​നാ​യി വീ​ട്ടി​ലെ പെ​ണ്ണു​ങ്ങ​ളും കൂ​ടും.

മൈ​ലാ​ഞ്ചി​യും ബി​രി​യാ​ണി​യും കു​ട്ടി​ക​ളു​ടെ ക​ളി​യും ചി​രി​യു​മാ​യി പെ​രു​ന്നാ​ൾ അ​ന്ന് ക​ഴി​യും. എ​ന്നാ​ലും കു​റ്റി​ച്ചി​റ​യി​ലെ ഓ​രോ ത​റ​വാ​ട് വീ​ടു​ക​ളി​ലും ഒ​ത്തൊ​രു​മ​യു​ടെ​യും സാ​ഹോ​ദ​ര്യ​ത്തി​ന്റെ​യും സ്നേ​ഹ​ത്തി​ന്റെ​യും പെ​രു​ന്നാ​ള് എ​ന്നു​മു​ണ്ടാ​വും.