'അച്​ഛ​െൻറ കല്യാണം കഴിഞ്ഞു; അദ്ദേഹം വീണ്ടും പ്രണയം കണ്ടെത്തിയതിൽ സന്തോഷം'

കൊൽക്കത്ത: 'എ​െൻറ പിതാവ്​ കഴിഞ്ഞ ദിവസം വീണ്ടും വിവാഹിതനായി. അടുത്ത ബന്ധുക്കളും സുഹൃത്തുക്കളും മാത്രം പ​ങ്കെടുത്ത, സന്തോഷപ്രദവ​വും രസകരവുമായ ചടങ്ങായിരുന്നു അത്​. അമ്മ മരിച്ച്​ പത്തുവർഷം ഒറ്റക്ക്​ കഴിഞ്ഞശേഷം അദ്ദേഹം വീണ്ടും സ്​നേഹം കണ്ടെത്തിയതിൽ എനിക്കേറെ സന്തോഷമുണ്ട്​' -കൊൽക്കത്ത സ്വദേശിയായ ഷയോൺ പാലി​െൻറ ഈ ട്വിറ്റർ പോസ്​റ്റിനെ വാഴ്​ത്തുകയാണ്​ എല്ലാവരും. സ്വന്തം പിതാവ്​ വീണ്ടും വിവാഹിതനായ ചടങ്ങി​െൻറ ചിത്രസഹിതമാണ്​ ഷയോണി​െൻറ ​േപാസ്​റ്റ്​.

മാതാപിതാക്കളുടെ രണ്ടാം വിവാഹത്തെ ഉള്‍കൊള്ളാന്‍ മടിക്കുള്ള മക്കളേറെയുള്ള നാട്ടിലാണ്​ അച്​ഛൻ ​പ്രണയിച്ച്​ വീണ്ടും വിവാഹം കഴിക്കുന്നതിനെ പ്രകീർത്തിച്ച്​ ഷയോണി​െൻറ ട്വീറ്റ്​. മഹാമാരി ലോകത്തെ വരിഞ്ഞുമുറുക്കുന്ന കാലത്ത്​ ആളുകൾ പ്രിയപ്പെട്ടവരിൽനിന്ന്​ പിരിഞ്ഞിരിക്കു​േമ്പാഴാണ്​ 66കാരനായ തരുൺ കാന്തി പാൽ 63കാരിയായ സ്വപ്​ന റോയിയെ വിവാഹം കഴിച്ചത്​. പത്തുവർഷം മുമ്പ്​ ഭർത്താവ്​ മരിച്ച​തോടെ വിധവയായി കഴിയുകയായിരുന്നു​ സ്വപ്​ന. ഇതിനിടയിലാണ്​ തരുൺ കാന്തി പാലും സ്വപ്​നയും മുമ്പ്​ പ്രണയത്തിലായത്​.

ഭട്​നഗറിലെ ഒരേ ഗ്രാമത്തിലാണ്​ ഇരുവരും താമസിക്കുന്നത്​. രണ്ടു വർഷംമുമ്പുവരെ ഇരുവരും തമ്മിൽ കണ്ടിരുന്നില്ലെന്ന്​ ഷയോൺ പറഞ്ഞു. രണ്ടു വർഷം മുമ്പ്​ രാമകൃഷ്​ണ മിഷൻ മഠത്തിലെ ഒരു ആഘോഷത്തിനിടയിലാണ്​ ഇരുവരും കണ്ടുമുട്ടിയത്​. അതിനുശേഷം ഫോണിൽ നിരന്തരം ബന്ധപ്പെട്ടിരുന്നു. എ​െൻറ അമ്മ മരിച്ചശേഷം അച്​ഛന്​ വ്യക്​തിപരമായ ഏറെ അടു​പ്പം തോന്നിയത്​ അവരുമായിട്ടായിരുന്നു. ഞാൻ വിദേശത്തായിരിക്കുകയും കൂട്ടുകാരെ കണ്ടുമുട്ടാൻ പറ്റാതിരിക്കുകയും ചെയ്യുന്ന വേളയിൽ ഏകനായിരുന്നു അച്​ഛൻ. ഈ ലോക്​ഡൗൺ കാലത്ത്​ ഇരുവർക്കുമിടയിൽ പ്രണയം ശക്​തമായ ശേഷം അവരാണ്​ അച്​ഛനോട്​ വിവാഹത്തെക്കുറിച്ച്​ പറയുന്നത്​. അച്​ഛനും സമ്മതമായിരുന്നു. ഇനിയുള്ള കാലം എത്രയുംപെ​ട്ടെന്ന്​ ഒന്നിച്ചു കഴിയാമെന്ന അവരുടെ തീരുമാനത്തെ ഞങ്ങൾ പിന്തുണക്കുകയായിരുന്നു.' -പ്രണയം ഏത് പ്രായത്തിലും തോന്നാമെന്ന്​ ചൂണ്ടിക്കാട്ടി ഷയോൺ പറഞ്ഞു. കനഡയിൽ ജോലി നോക്കുകയാണ്​ ഷയോൺ. പിതാവി​െൻറ ആഗ്രഹത്തിന്​ നിറഞ്ഞ മന​േസാടെ ഒപ്പം നിൽക്കുന്ന ഷയോണിനെ അഭിനന്ദിച്ച്​ നിരവധി പേരാണ്​ രംഗത്തുവന്നത്​.

കുറച്ചുപേർ മാത്രം പ​ങ്കെടുത്ത ചടങ്ങിൽ തരുൺ കാന്തിപാലും സ്വപ്​നയും രേഖകളിൽ ഒപ്പുചാർത്തുകയും മോതിരം കൈമാറുകയും ചെയ്​തു. തങ്ങളുടെ കുടുംബാംഗങ്ങളുടെ പിന്തുണയുള്ളതിനാൽ രണ്ടുപേരും ഏറെ സന്തുഷ്​ടരാണ്​. ഒറ്റ​െപ്പട്ട ചിലർ നിരുത്സാഹപ്പെടുത്തിയിരുന്നെങ്കിലും അവരുടെ എണ്ണം വളരെ കുറവായിരുന്നുവെന്ന്​ ഷയോൺ പറഞ്ഞു. സ്വപ്​നയുടെ പെൺമക്കൾ ആദ്യം ചെറിയ സന്ദേഹം പ്രകടിപ്പിച്ചെങ്കിലും പിന്നീട്​ അവരും അനുകൂലമായി.

സാമുഹിക മാധ്യമങ്ങളിൽ തങ്ങളുടെ വിവാഹവാർത്ത വൈറലായതോടെ ഈ നവദമ്പതികൾക്കും ചിലതു പറയാനുണ്ട്​. 'ജീവിതം ദൈർഘ്യമേറിയ യാത്രയാണ്​. ആ യാത്രയിൽ ആരെയെങ്കിലും കൂ​െടക്കൂട്ടണം. ഒരു പങ്കാളി എന്തെങ്കിലും കാരണത്താൽ ഇടക്കുവെച്ച്​ പോയാൽ, പൂർത്തിയാവാത്ത യാത്രയിൽ തനിക്കുപറ്റിയ മറ്റൊരാളെ പങ്കാളിയായി തെരഞ്ഞെടുക്കണം. പ്രായമാകു​േമ്പാൾ തങ്ങളെ സഹായിക്കാനും വികാരങ്ങൾ പങ്കുവെക്കാനും ആരുമില്ലാതാകു​േമ്പാൾ ഒരാൾക്ക്​ പങ്കാളിയുടെ ആവശ്യം ബോധ്യമാകും. എല്ലാ വ്യക്​തികൾക്കും അവരവരുടെ ജീവിതത്തെ സ്വന്തം വഴിയിലും വിശ്വാസത്തിലും നയിക്കാൻ അവകാശമുണ്ട്​. ത​െൻറ വിധി അവർ സ്വയം തീരുമാനിക്കുകയാണ്​ വേണ്ടത്​, മറ്റാരുമല്ല' -തരൂൺ കാന്തിപാൽ പറയുന്നു.