പ്രഫ. ഇബ്രാഹിം ഇബ്‌നുസൗദിന്‍റെ സ്വപ്നപദ്ധതിക്ക്​ സാക്ഷാത്​കാരം

കൊ​ല്ലം: അ​ധ്യാ​പ​ക​നും പ്ര​ശ​സ്ത ശാ​സ്ത്ര​ജ്ഞ​നു​മാ​യി​രു​ന്ന പ്ര​ഫ. ഇ​ബ്രാ​ഹിം ഇ​ബ്‌​നു​സൗ​ദി​ന്‍റെ സ്വ​പ്ന​പ​ദ്ധ​തി അ​ദ്ദേ​ഹ​ത്തി​ന്‍റെ ശി​ഷ്യ​രു​ടെ​യും അ​ഭ്യു​ദ​യ​കാം​ക്ഷി​ക​ളു​ടെ​യും കൂ​ട്ടാ​യ്​​മ​യി​ൽ സാ​ക്ഷാ​ത്​​ക​രി​ക്ക​പ്പെ​ടു​ന്നു. അ​ധ്യാ​പ​ക സ്മ​ര​ണ നി​ല​നി​ർ​ത്തു​ന്ന സ്ഥാ​പ​ന​മാ​യി പ​ത്ത​നാ​പു​ര​ത്തെ ‘പ്ര​ഫ. ഇ​ബ്​​നു​സൗ​ദ്​ റൂ​റ​ൽ റി​സ​ർ​ച്​ ഇ​ൻ​സ്റ്റി​റ്റ്യൂ​ട്ട്​ ഫോ​ർ ക​ൺ​സ​ർ​വേ​ഷ​ൻ ഓ​ഫ്​ സ​യ​ൻ​സ്, ടെ​ക്​​നോ​ള​ജി ആ​ൻ​ഡ്​ ആ​ർ​ട്ട്​’ (റി​ക്സ്റ്റ) മാ​റ്റു​ക​യാ​ണ്​ ല​ക്ഷ്യം.

ശാ​സ്ത്ര-​സാ​​ങ്കേ​തി​ക-​ക​ലാ​രം​ഗ​ങ്ങ​ളി​ലെ അ​റി​വു​ക​ൾ പ​ക​രു​ന്ന കേ​ന്ദ്രം ശ​നി​യാ​ഴ്ച​ ര​ണ്ടി​ന്​ മ​ന്ത്രി കെ.​എ​ൻ. ബാ​ല​ഗോ​പാ​ൽ ഉ​ദ്​​ഘാ​ട​നം ചെ​യ്യും. ഇ​ബ്രാ​ഹിം ഇ​ബ്‌​നു​സൗ​ദി​ന്‍റെ ക​വി​ത സ​മാ​ഹാ​രം മ​ന്ത്രി ഡോ. ​ബി​ന്ദു പ്ര​കാ​ശ​നം ചെ​യ്യു​മെ​ന്ന്​ സം​ഘാ​ട​ക​രെ പ്ര​തി​നി​ധീ​ക​രി​ച്ച്​ ടി.​കെ.​എം ആ​ർ​ട്​​സ്​ ആ​ൻ​ഡ്​ സ​യ​ൻ​സ്​ കോ​ള​ജ്​ പ്രി​ൻ​സി​പ്പ​ൽ ഡോ. ​ചി​ത്രാ ഗോ​പി​നാ​ഥ്, അ​സി. ​പ്ര​ഫ​സ​ർ​മാ​രാ​യ ഡോ.​എ​ച്ച്. സി​മി​മോ​ൾ,​ ഡോ. ​ത​രു​ൺ എ. ​റൗ​ഫ്​ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

ഇ​ബ്‌​നു​സൗ​ദി​ന്‍റെ മ​ക​നും ആ​ർ​ക്കി​ടെ​ക്റ്റു​മാ​യ ഇ​ബി​ൻ സ​ത്യ​ജി​ത്താ​ണ് റി​ക്സ്​​റ്റ​യു​ടെ മേ​ൽ​നോ​ട്ടം വ​ഹി​ക്കു​ക. എം.​ജി സ​ർ​വ​ക​ലാ​ശാ​ല ഇ​ൻ​സ്റ്റി​റ്റ്യൂ​ട്ട് ഫോ​ർ ഇ​ന്റ​ഗ്രേ​റ്റ​ഡ് പ്രോ​ഗ്രാം​സ് ആ​ൻ​ഡ് റി​സ​ർ​ച്ച് ഇ​ൻ ബേ​സി​ക് സ​യ​ൻ​സ​സ് സ്ഥാ​പ​ക ഡ​യ​റ​ക്ട​റാ​യി ​പ്ര​വ​ർ​ത്തി​ച്ചി​രു​ന്ന പ്ര​ഫ. ഇ​ബ്രാ​ഹിം ഇ​ബ്‌​നു​സൗ​ദ് 2020ൽ ​ആ​ണ്​ വി​ര​മി​ച്ച​ത്.

ക​വി, എ​ഴു​ത്തു​കാ​ര​ൻ, ചി​ത്ര​കാ​ര​ൻ എ​ന്നീ നി​ല​ക​ളി​ലും ​ശ്ര​ദ്ധി​ക്ക​പ്പെ​ട്ടി​രു​ന്നു. എം.​ജി സ​ർ​വ​ക​ലാ​ശാ​ല​യി​ൽ അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ൽ ന​ട​ത്തി​യ ഗ​വേ​ഷ​ണ​ങ്ങ​ളി​ൽ നി​ര​വ​ധി പേ​റ്റ​ന്റു​ക​ൾ ല​ഭി​ച്ചു. ശാ​സ്ത്ര​മേ​ഖ​ല​യി​ൽ നി​ര​വ​ധി പ്ര​സി​ദ്ധീ​ക​ര​ണ​ങ്ങ​ളും പു​റ​ത്തി​റ​ങ്ങി. ജേ​ണ​ൽ ഓ​ഫ് ഓ​ർ​ഗാ​നി​ക് കെ​മി​സ്ട്രി, ജേ​ണ​ൽ ഓ​ഫ് ഫി​സി​ക്ക​ൽ കെ​മി​സ്ട്രി, ജേ​ണ​ൽ ഓ​ഫ് നാ​ച്ചു​റ​ൽ പ്രോ​ഡ​ക്ട്​​സ് തു​ട​ങ്ങി​യ പ്ര​സി​ദ്ധീ​ക​ര​ണ​ങ്ങ​ളി​ൽ അ​ദ്ദേ​ഹ​ത്തി​ന്റെ ഗ​വേ​ഷ​ണ സം​ഘ​ത്തി​ന് നി​ര​വ​ധി സം​ഭാ​വ​ന​ക​ളു​ണ്ട്.

സ​ർ​വി​സി​ൽ​നി​ന്ന്​ വി​ര​മി​ച്ച​ശേ​ഷം പ്രാ​ദേ​ശി​ക​മാ​യ ശാ​സ്ത്ര​കേ​ന്ദ്രം ന​ട​ത്താ​നാ​യി​രു​ന്നു തീ​രു​മാ​നം. അ​തി​നാ​യി വി​ര​മി​ക്ക​ൽ ആ​നു​കൂ​ല്യ​ങ്ങ​ളും പൂ​ർ​വി​ക​സ്വ​ത്തു​മ​ട​ക്കം ചെ​ല​വി​ട്ടു. ​പ​ദ്ധ​തി​യു​മാ​യി മു​ന്നോ​ട്ടു​​പോ​കു​ന്ന​തി​നി​ടെ​യാ​യി​രു​ന്നു വി​യോ​ഗം. കേ​ര​ള​ത്തി​ലെ സ്ഥാ​പ​ന​ങ്ങ​ളു​ടെ ല​ഭ്യ​മാ​യ ബൗ​ദ്ധി​ക​ശേ​ഷി ര​സ​ത​ന്ത്ര​വു​മാ​യി ബ​ന്ധ​പ്പെ​ടു​ത്തി സൂ​ക്ഷ്മ​മാ​യി പ​രി​ശോ​ധി​ക്കു​ക​യും പ​ഠ​ന​പ്ര​ക്രി​യ​യു​ടെ ഗു​ണ​നി​ല​വാ​രം മെ​ച്ച​പ്പെ​ടു​ത്താ​നു​ള്ള നി​ർ​ദേ​ശ​ങ്ങ​ളും പ​രി​ഹാ​ര​ങ്ങ​ളും ന​ൽ​കു​ക​യു​മാ​യി​രു​ന്നു സ്ഥാ​പ​ന​ത്തി​ന്‍റെ ല​ക്ഷ്യ​ങ്ങ​ളി​ൽ പ്ര​ധാ​നം. ഇ​തി​നു​ള്ള ​ശ്ര​മ​മാ​ണ്​ ഇ​നി ന​ട​ത്തു​ക.