കരിപ്പൂർ: സംസ്ഥാന ഹജ്ജ് കമ്മിറ്റി മുഖേന ഈ വർഷത്തെ ഹജ്ജ് തീർഥാടനത്തിന് കരിപ്പൂർ വിമാനത്താവളം വഴി അഞ്ച് വിമാനങ്ങളിലായി പുറപ്പെട്ട 725 പേർ മക്കയിലെത്തി.
ഇതിൽ 377 പേർ പുരുഷന്മാരും 348 പേർ സ്ത്രീകളുമാണ്. തിങ്കളാഴ്ച കരിപ്പൂരിൽനിന്ന് മൂന്ന് വിമാനങ്ങൾ സർവിസ് നടത്തി.
പുലർച്ച 4.33ന് ഐ.എക്സ് 3029, രാവിലെ 8.40ന് ഐ.എക്സ് 3021, വൈകീട്ട് 6.35ന് 3025 എന്നീ നമ്പർ വിമാനങ്ങളാണ് സർവിസ് നടത്തിയത്.
ആദ്യ വിമാനത്തിൽ 77 പുരുഷന്മാരും 68 സ്ത്രീകളുമാണ് ഉണ്ടായിരുന്നത്. രണ്ടാമത്തെ വിമാനത്തിൽ 74 പുരുഷന്മാരും 71 സ്ത്രീകളും മൂന്നാമത്തെ വിമാനത്തിൽ 79 പുരുഷന്മാരും 71 സ്ത്രീകളുമാണ് യാത്ര തിരിച്ചത്.
ചൊവ്വാഴ്ച കരിപ്പൂരിൽനിന്ന് രണ്ട് വിമാനങ്ങളാണ് തീർഥാടകരുമായി പുറപ്പെടുക.
രാവിലെ 8.40നുള്ള വിമാനത്തിൽ 77 പുരുഷന്മാരും 68 സ്ത്രീകളും വൈകീട്ട് 6.35നുള്ള വിമാനത്തിൽ 69 പുരുഷന്മാരും 76 സ്ത്രീകളും യാത്ര തിരിക്കും.
ബുധനാഴ്ച രാവിലെ 8.25ന് പുറപ്പെടുന്ന വിമാനത്തിൽ 74 പുരുഷന്മാരും 71 സ്ത്രീകളും വൈകീട്ട് 6.35ന് പുറപ്പെടുന്ന വിമാനത്തിൽ 71 പുരുഷന്മാരും 74 സ്ത്രീകളും പുറപ്പെടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.